Frjáls verslun - 01.09.2005, Page 48

48 F R J Á L S V E R S L U N • 9 . T B L . 2 0 0 5
Kolbrún Bergþórsdóttir bókmenntafræð-
ingur og gagnrýnandi segir að Ólafur Jóhann
sé bæði gamaldags og rómantískur rithöf-
undur í jákvæðustu merkingu þeirra orða
þegar honum tekst vel til en hún segir
líka að hann sé gríðarlega mistækur og
blandan verði „banal“ þegar hann er upp á
sitt versta.
„Hann hefur skrifað nokkrar afspyrnu
vondar bækur en líka nokkrar mjög góðar,“
segir Kolbrún. „Ólafur Jóhann er einn af
þessum höfundum sem þarf strangan yfirles-
ara og ég held að það hafi ekkert eyðilagt
eins mikið fyrir honum eins og gagnrýnis-
lausir útgáfustjórar og yfirlesarar. Það er svo
hættulegt þegar fólk fer að gapa upp í rithöf-
unda og þorir ekki að gagnrýna þá og ég
held að það hafi orðið til þess að margir bók-
menntamenn líti til hans með tortryggni.“
„Skrifar til að halda sönsum“
Ólafur Ragnarsson bókaútgefandi kynntist
Ólafi Jóhanni fyrir tuttugu árum þegar ungur
rithöfundur mælti sér mót við hann á skrif-
stofunni hjá Vöku-Helgafelli. „Ólafur Jóhann
var tuttugu og fimm ára gamall og langaði
til að vita hvort handrit sem hann var með
undir hendinni væri hæft til birtingar. Mér
leyst strax vel á bókina og hún var gefin út
undir nafninu Níu lyklar. Við áttum svo gott
samstarf alla tíð á meðan ég var viðloðandi
Vöku-Helgafell og síðan Eddu.“
Ólafur Ragnarsson segir að samstarf
þeirra nafnanna hafi fljótlega þróast upp
í góða vináttu sem hafi haldist allt fram á
þennan dag. „Að mínu mati er mjög gott
að vinna með Ólafi Jóhanni. Hann vinnur
skipulega og skrifar bækurnar sínar það vel
að það þarf lítið að vinna í þeim eða ritstýra
eftir að hann skilar inn handritinu. Ég held
að hann byrji yfirleitt ekki að skrifa fyrr en
hann er búinn að móta söguna að mestu
leyti í huganum og eftir það er hann fljótur
að koma efninu á blað.“
Að sögn Ólafs Ragnarssonar er merkilegt
að maður eins og Ólafur Jóhann, sem hefur
alla tíð verið í annasömum og ábyrgðar-
miklum störfum hjá risafyrirtækjum, skuli
samhliða því hafa getað skrifað jafnmargar
og góðar skáldsögur.
Afköst Ólafs Jóhanns sem rithöfundar
stjórnast að hluta til af samkomulagi sem
hann hefur gert við vinnuveitendur sína og
gerir honum kleift að skrifa fyrri hluta dags.
Hann byrjar yfirleitt að skrifa klukkan átta
á morgnana og er að til hádegis en eftir það
skiptir hann um gír og fer í önnur verkefni
sem snúa að viðskiptum.
„En eins og gefur að skilja detta út skrift-
ardagar þegar mikið er að gera í viðskipt-
unum.“ Ólafur Ragnarsson segir að nafni
sinn hafi eitt sinn sagt við sig að hann verði
hreinlega að fá tíma til að skrifa því að ann-
ars mundi hann ekki halda sönsum. „Skriftir
eru það sem hann hefur mesta ánægju af
og þær veita honum hvíld frá streitunni í
kringum bisnessinn.“
Að sögn Ólafs Ragnarssonar er Ólafur
Jóhann ræktarsamur og vinur vina sinna og
heldur mikilli tryggð við þá. „Hann er líka
mikill húmoristi og honum þykir gaman að
segja sögur. Síðast þegar við töluðum saman
sagðist Ólafur Jóhann vera mikið að semja
þessa dagana og átti þá bæði við samning-
ana fyrir Time -Warner og nýtt smásagna-
safn sem hann er að vinna að.“
Ólafur bætir við að nafni sinn geti líka
verið fylginn sér ef hann ætlar sér að koma
einhverju áfram og að hann telji það hafa
hjálpað honum mikið við að koma stórum
málum í höfn. Þetta stemmir við það sem
haft er eftir The Wall Street Journal í Morg-
unblaðinu 21. september 1995 þar sem segir
um fráhvarf Ólafs Jóhanns frá Sony að:
„hann hafi barist fyrir því að halda verði
leikjatölvanna [Playstation] undir þrjú hund-
ruð dollurum gegn vilja nokkurra íhaldsam-
ari yfirmanna í Japan og Bandaríkjunum
sem hafi viljað ná meiri hagnaði út úr sölu
tölvanna. Ólafur Jóhann hafði betur í þessari
rimmu, en talið er næsta víst að Sony tapi á
sölunni en ætlunin mun vera að vinna tapið
upp með sölu leikjahugbúnaðar í þessar
vélar.“
Af ofangreindu má sjá að Ólafur Jóhann
Ólafsson er gríðarlega duglegur, framtaks-
samur og fluggreindur maður sem hefur
haslað sér völl á tveimur ólíkum sviðum.
Hann er virtur í heimi alþjóðafjármála og
afkastamikill rithöfundur. Það verður spenn-
andi að fylgjast með honum í framtíðinni.
Ólafur Jóhann byrjar yfirleitt að
skrifa klukkan átta á morgnana
og er að til hádegis en eftir það
skiptir hann um gír og fer í önnur
verkefni sem snúa að viðskiptum.
N Æ R M Y N D - Ó L A F U R J Ó H A N N Ó L A F S S O N
Ólafur Jóhann Ólafsson við skriftir.
LJ
Ó
S
M
Y
N
D
:
M
O
R
G
U
N
B
LA
Ð
IÐ
/E
IN
A
R
F
A
LU
R
I
N
G
Ó
LF
S
S
O
N