Frjáls verslun - 01.09.2005, Qupperneq 68

68 F R J Á L S V E R S L U N • 9 . T B L . 2 0 0 5
SPÆNSKIR DAGAR
Letizia Ortiz Rocasolano, krón-
prinsessa Spánar, fæddist 15.
september árið 1972 í Oviedo í
Asturias-héraði. Þess má geta að
krónprins Spánar ber titilinn prins-
inn af Asturias - el príncipe de
Asturias. Móðir tilvonandi Spánar-
drottningar er hjúkrunarfræðingur
en faðir hennar er blaðamaður
og stofnandi útvarpsstöðvarinnar
Antena 3 Radio. Þau eru skilin.
Fjölskyldan flutti til Madrid
þegar Letizia var 15 ára. Hún
útskrifaðist sem stúdent frá skól-
anum Ramiro de Maeztu. Þar
varð hún líka ástfangin af bók-
menntakennaranum, Alonso Guer-
rero Pérez. Þau giftu sig borg-
aralega í ágúst árið 1998. Þau
ákváðu að skilja einu ári síðar.
Þá hafði Pérez lokið við bók sína,
El hombre abreviado, sem fjallar
um rithöfund sem er að skilja.
Letizia hóf nám við háskól-
ann Universidad Complutense í
Madrid þegar hún var 18 ára og
nam blaðamennsku. Hún vann
við blaðamennsku meðfram
námi. Hún er með meistarapróf í
fjölmiðlafræði, með áherslu á sjón-
varpsfræði. Þá bjó hún í Mexíkó í
eitt ár þar sem hún var í doktors-
námi jafnframt því sem hún vann
á dagblaðinu Siglo 21 (21. öldin)
í Guadalajara. Hún lauk ekki dokt-
orsnáminu.
Letizia hóf feril sinn í sjónvarpi
á fréttastöðinni CNN+ þar sem
hún vann í tvö ár. Á þessum tíma
flutti hún til móður sinnar.
Hún hóf störf hjá Televisión
Española árið 2000. Þremur
árum síðar fór hún að birtast á
skjánum í kvöldfréttatímanum
Telediario.
Eftir að hún og prinsinn opin-
beruðu trúlofun sína mundu
margir eftir henni þar sem hún
var send til New York í kjölfar
hryðjuverkanna 11. september
auk þess sem hún var send til
Íraks í upphafi Íraksstríðsins.
Letizia og Felipe kynntust
í matarboði um mitt ár 2002.
Tilkynnt var um trúlofun þeirra
1. nóvember 2003. Stuttu síðar
héldust þau í hendur í garði
nýbyggðs húss prinsins í útjaðri
Madrid og hann sagði við fjöl-
miðlamenn: „Me da muchísima
alegría manifestar lo enamorado
que estoy de Letizia. Es la mujer
con la que quiero casarme...“
„Það veitir mér mikla ánægju að
láta í ljós hve ástfanginn ég er af
Letizia. Hún er konan sem ég vil
kvænast...“
Spánverjar hafa tekið nýju
prinsessunni vel en parið gekk í
hjónaband í maí 2004. Letizia og
Felipe eignuðust dóttur 31. októ-
ber sem verður skírð Leonor.
Letizia Ortiz Rocasolano er
ekki lengur blaðamaður. Frétta-
maður. Hún er fréttaefni.
EIGNUÐUST LITLA
DROTTNINGU Á DÖGUNUM
Hjónin Felipe og Letizia, prinsinn og prinsessan af Asturias.
Heimili hjónanna fyrir utan Madrid.