Frjáls verslun - 01.05.2005, Qupperneq 12

FRÉTTIR
12 F R J Á L S V E R S L U N • 5 . T B L . 2 0 0 5
Þ
ær eru tónskáld, heita
Þóra Marteinsdóttir og
Anna Þorvaldsdóttir, og
verða, ásamt þremur öðrum
tónskáldum, staðartónskáld á
Sumartónleikum í Skálholtskirkju
í sumar. Staðartónskáld merkir
að pantað hefur verið verk hjá
viðkomandi sem frumflutt er á
Sumartónleikum.
Þess má geta að þrjú af fimm
tónskáldum sumarsins eru konur
en auk Þóru og Önnu verður
Jórunn Viðar staðartónskáld.
Hún var einmitt fyrsta konan
sem varð félagi í Tónskáldafélagi
Íslands og var reyndar sú eina
í félaginu í tvo áratugi. Enn eru
konur þar í miklum minnihluta en
stöðugt færist þó í vöxt að konur
leggi fagið fyrir sig.
Sumartónleikar í
Skálholtskirkju eru elsta og
stærsta sumartónleikahátíð
landsins. Hátíðin hefur verið
haldin á hverju sumri frá árinu
1975. Áhersla er lögð á barokk
og endurreisnartónlist annars
vegar og samtímatónlist.
Sumartónleikarnir hefjast hinn
2. júlí og standa til 7. ágúst.
Tónleikar eru haldnir laugardaga
kl. 15 og 17 og sunnudaga kl.
15. Jafnframt er tónlistarflutn-
ingur í messum sem eru kl. 17 á
sunnudögum. Fyrirlestrar tengdir
tónleikum hverrar helgi eru
haldnir kl. 14 á laugardögum.
Þá verður í fyrsta sinn í sumar
boðið uppá skapandi tónlistar-
námskeið (tónlistarsmiðja unga
fólksins) fyrir börn frá sex ára
aldri á laugardögum frá kl. 14:55
þar til seinni tónleikum lýkur.
Sjá nánar www.sumartonleikar.is
Tónskáldin Þóra Marteinsdóttir
og Anna Þorvaldsdóttir.
Þær verða staðartón-
skáld á sumartónleikum í
Skálholtskirkju í sumar.
Mynd: Geir Ólafsson.
Staðartónskáld í Skálholtskirkju
Hátt í 18 þúsund konur á öllum aldri hlupu í kvenna-
hlaupi ÍSÍ sem fram fór í sextánda sinn laugar-
daginn 11. júní sl. Hlaupið var á yfir 90 stöðum
hérlendis og á 15 stöðum erlendis hlupu um 400
konur. Um 6 þúsund konur hlupu í Garðabænum
og var elsti þátttakandinn þar Hulda
Þorbjörnsdóttir, 95 ára, en sú elsta á landinu
var Torfhildur Torfadóttir, 101 árs, sem tók þátt
í hlaupinu á Ísafirði. Eitt þúsund konur hlupu í
Mosfellsbæ og um 700 á Akureyri.
18 þúsund konur hlupu
Sprett úr spori í Garðabæ.
Þar tóku 6 þúsund konur þátt í hlaupinu.
Mynd: Geir Ólafsson.