Frjáls verslun - 01.05.2005, Qupperneq 27

F R J Á L S V E R S L U N • 5 . T B L . 2 0 0 5 27
K ristín Pétursdóttir er framkvæmdastjóri fjárstýringarsviðs KB-banka. Hún útskrifaðist sem þjóðhagfræðingur frá Háskóla Íslands árið 1991. Tveimur árum síðar útskrifaðist hún með
meistaragráðu í alþjóðaviðskiptum frá Noregi. Hún hefur starfað hjá
KB-banka í átta ár.
„KB-banki hefur stækkað og breyst gríðarlega á undanförnum
árum, bæði vegna sameiningar Kaupþings og Búnaðarbanka og ekki
síður vegna síaukinnar starfsemi bankans erlendis. Innlendi markaður-
inn er enn mikilvægur fyrir okkur en það er þó erlendis sem við erum
að færa út kvíarnar. Tækifærin til vaxtar hér eru takmörkuð.“
26 manns starfa á fjárstýringarsviði KB-banka hér á landi og auk
þess starfa um 20 manns á sama sviði í erlendu starfsstöðvunum.
„Fjárstýringarsvið er deild sem sér um lausafjárstýringu, gjaldeyris- og
afleiðuviðskipti bankans við stærri kúnna og erlenda banka sem og
fjármögnun bankans.“
Þar sem bankinn er að mestu leyti fjármagnaður erlendis ferðast
Kristín mikið starfs síns vegna og þá aðallega innan Evrópu. „Töluvert
af minni vinnu fer í að hitta fjárfesta og aðila sem fást við að meta
KB-banka sem skuldara.“
Sem stjórnandi leggur Kristín áherslu á að deila verkefnum og
ábyrgð á meðal undirmanna sinna. Hún segir að hún sé með frábæra
starfsmenn sem henni finnst mikilvægt að fái að njóta sín. „Mér
finnst það vera lykilhlutverk stjórnandans að stýra verkefnunum og
gefa starfsmönnum sínum tækifæri til þess að dafna og blómstra í
sínu starfi.“
Varðandi stöðuna í viðskiptalífinu hér á landi segir Kristín að sá
mikli uppgangur, sem hefur verið undanfarin misseri, sé ekki viðvar-
andi. „Þetta er ekki spurning um hvort fari að hægja á heldur hvenær
en vonandi verður um mjúka lendingu að ræða.“
Kristín Pétursdóttir, framkvæmdastjóri fjárstýringar KB-banka. „Þetta er ekki spurning um
hvort fari að hægja á heldur hvenær, en vonandi verður um mjúka lendingu að ræða.“
KRISTÍN PÉTURSDÓTTIR
FRAMKVÆMDASTJÓRI FJÁRSTÝRINGAR KB-BANKA
„Að deila
verkefnum og
ábyrgð á meðal
undirmanna.“
ÁHRIFA
MESTU 10