Frjáls verslun - 01.05.2005, Side 30

30 F R J Á L S V E R S L U N • 5 . T B L . 2 0 0 5
Kristín Jóhannesdóttir er framkvæmdastjóri fjárfestingafélagsins Gaums sem er stærsti eigandi Baugs. „Rekstur Gaums hefur á undanförnum tveimur árum verið
að umbreytast í eignarhaldsfélag. Innlendar og erlendar fjárfestingar
fara að stærstum hluta í gegnum Baug.“
Baugur er einnig með skrifstofu í London og segir Kristín það hafa
verið áhugavert og gaman að upplifa og kynnast bresku viðskiptalífi.
Kristín situr í stjórnum nokkurra fyrirtækja sem Baugur á í. Þar á
meðal er Goldsmith sem er keðja skartgripaverslana en verslanir eru
um 170 í Bretlandi. Hún er líka í stjórn Burðaráss. „Ég er stjórnar-
formaður í fasteignafélaginu Stoðum sem er stærsta fasteignafélag
landsins auk þess sem ég er stjórnarformaður í þróunarfélaginu Þyrp-
ingu en það félag kemur m.a. að 101 Skuggahverfi. Þá er ég í stjórn
og framkvæmdastjórn Samtaka atvinnulífsins.“
Kristín segir að í starfinu leggi hún áherslu á að gera sitt besta og
vera heiðarleg og tillitssöm í samskiptum við aðra.
Kristín er lögfræðingur og útskrifaðist frá Háskóla Íslands árið
1988. Hún starfaði sem lögmaður í nokkur ár og flutti síðan til Dan-
merkur þar sem hún bjó í fjögur ár. Þar stundaði hún m.a. framhalds-
nám í lögfræði. Hún hóf störf hjá Gaumi þegar heim kom.
Varðandi stöðu kvenna í viðskiptalífinu segir Kristín að konur eigi
góða möguleika. „Það er þó einhver tregða. Það er staðreynd að það
eru aðallega karlmenn sem eiga og stjórna fjármagninu. Ef karlmaður
á hlut í fyrirtæki er líklegt að hann sitji í stjórn þess þar sem hann er
að taka áhættuna af fjárfestingunni. Konur eru yfirleitt ekki að taka
áhættu í viðskiptum. Þær eru ekki mikið í fjárfestingum. Þetta er eitt
af þeim atriðum sem hafa áhrif á hversu fáar konur koma að stjórnum
félaga hér á landi. Skoðun mín er að fyrirtæki eigi að nýta krafta
kvenna þegar kemur að stjórnun fyrirtækja. Það eykur fjölbreytileika
og hagnað.“
Kristín Jóhannesdóttir, framkvæmdastjóri Gaums. Hún segir að í starfinu leggi hún áherslu á
að gera sitt besta og vera heiðarleg og tillitssöm í samskiptum við aðra.
KRISTÍN JÓHANNESDÓTTIR
FRAMKVÆMDASTJÓRI GAUMS
„Konur taka
yfirleitt ekki
áhættu í
viðskiptum.“
ÁHRIFA
MESTU 10ÁHRIFAMESTU 10