Frjáls verslun - 01.05.2005, Page 81

F R J Á L S V E R S L U N • 5 . T B L . 2 0 0 5 81
Halla Tómasdóttir lektor, Þorbjörg Helga
Vigfúsdóttir var verkefnastjóri og Inga
Dóra Halldórsdóttir fræðslufulltrúi. Var öll
stjórnun AUÐAR til stakrar fyrirmyndar í
þeirra höndum.
Námskeiðunum var beint að ýmsum
þáttum sem skipta máli í atvinnurekstri:
FjármálaAUÐUR, LeiðtogaAUÐUR, Frum-
kvöðlaAUÐUR og FramtíðarAUÐUR. Voru
þau öll vel sótt og konurnar almennt mjög
ánægðar með tilhögun þeirra.
Tilgangur FjármálaAUÐAR var að auka
hagnýta þekkingu kvenna á fjármálum.
Markmiðið var að konurnar öðluðust meiri
þekkingu og sjálfstraust á sviði fjármálaum-
sýslu og ættu auðveldara með að líta á sig
sem fjármálaverur.
Markmið LeiðtogaAUÐAR var að gefa
konum í leiðtogastöðum tækifæri til að efla
hæfileika sína sem leiðtogar og gefa þeim
kost á að styrkja tengslanet sín á milli. Þá
var einnig gengið út frá því að þessar konur
yrðu öðrum konum stuðningur og fyrir-
mynd seinna meir.
Markmið FrumkvöðlaAUÐAR var að
veita konum hvatningu og stuðning til þess
að auka hæfni sína og möguleika á að koma
á fót fyrirtækjum sem gætu náð örum vexti
og viðhaldið honum.
Í FramtíðarAUÐI var síðan blandað
saman fróðleik og skemmtun og stúlkum á
aldrinum 13-16 ára gefinn kostur á að taka
þátt í ritgerðasamkeppni um nýsköpun til
þess að auka áhuga þeirra og áræði.
Allt námskeiðahald AUÐAR-verkefnisins
miðaðist að því að konur tækju þátt í að
skapa fleiri störf og auka hagvöxt landsins.
Hóparnir studdu síðan hver annan og við
það margfaldaðist það afl sem býr í krafti
kvenna.
AUÐAR-verkefninu lauk í byrjun þessa árs
og þegar horft er yfir farinn veg er ástæða
til að fyllast bjartsýni fyrir hönd kvenna
í atvinnulífi á Íslandi. Fjöldi nýrra starfa
hefur litið dagsins ljós, viðskiptahugmyndir
hafa fæðst og þróast og fjöldi kvenna sem
kynntist í þessu átaki starfar enn saman að
uppbyggingu sem enn á eftir að skila sér út
í atvinnulífið.
Auður lifir enn í hugum
og hjörtum kvennanna
sem tóku þátt í starfinu
Það var frábært að taka þátt í þessu starfi og það skildi mikið eftir sig hjá öllum sem
komu að því.
AUÐUR í krafti kvenna náði til allrar þjóðarinnar á sinn hátt og það á vel við konur að
vera hluti af stórum verkefnum og að hafa tilgang með verkum sínum.
Allir sem komu nálægt þessu átaki voru mjög virkir og gáfu svo mikið af sér að það varð
til einstaklega góður og uppbyggjandi andi sem lifir enn á meðal fólksins.
Þetta átaksverkefni stendur skör hærra en önnur svipuð erlendis, enda var vel til þess
vandað. Við tókum það besta frá Bandaríkjunum og Írlandi og endurbættum það áður en
við fórum af stað með Auðarátakið og þessi góði undirbúningur skilaði sér í frábæru starfi.
Auður í krafti kvenna hlaut viðurkenningu Evrópusambandsins sem „Best Practice“ á
þessu sviði í Evrópu og það er enn að vekja athygli erlendis.
Innan Auðar urðu til sambönd kvenna sem starfa enn saman og vinna að framförum og
við eigum enn eftir að sjá árangur þessa starfs áfram. Með AUÐI varð til hugmyndafræði
sem deyr ekki meðal kvennanna.
Ég hitti oft konur sem tóku þátt í Auðarverkefninu og margar þeirra hafa sagt mér að
þátttakan hafi einfaldlega breytt lífi þeirra.
Auður lifir enn í hugum og hjörtum þeirra, hún olli hugarfarsbreytingu sem á lengi eftir
að skila sér út í þjóðfélagið til hagsbóta fyrir alla.

Halla Tómasdóttir, fyrrverandi framkvæmdastjóri AUÐAR
í krafti kvenna og lektor við Háskólann í Reykjavík: