Frjáls verslun - 01.05.2005, Síða 94

94 F R J Á L S V E R S L U N • 5 . T B L . 2 0 0 5
KYNNING
Þ að er allur heimurinn undir og hann er heill-andi,“ segir Bára Mjöll Ágústsdóttir, deild-arstjóri tekjuskráningardeildar Samskipa,
brosandi. Hún er viðskiptafræðingur að mennt og
MBA frá Háskólanum í Reykjavík. „Við erum með
49 skrifstofur í 21 landi svo starfinu fylgja mikil
alþjóðleg samskipti. Það er því óhætt að segja að
starfið víkki sjóndeildarhringinn, „Það er nærtækt
að spyrja hana hvort hún sé sigld kona. „Ætli það
ekki,“ svarar hún kímin. „Ég ferðast reyndar eins
og flestir í dag með flugi en í þeirri merkingu að
hafa komið víða þá má segja að sé ég nokkuð
sigld og ég starfaði m.a. um skeið í Bandaríkj-
unum sem var mjög lærdómsríkt.“
Um áramótin síðustu fluttu Samskip nær alla
starfsemi sína á höfuðborgasvæðinu undir eitt
þak í Kjalarvogi og segir Bára það hafa jafnast
á við byltingu. „Hér eru nú Samskip, Landflutn-
ingar-Samskip og Jónar Transport til húsa, aðalskrifstofur félagsins
og vöruhús sem eru með þeim stærstu og fullkomnustu hér á landi.
Aðstaðan auðveldar viðskiptavinum til muna aðkomu og öll sam-
skipti við félagið en vinnuumhverfið er ekki síður til fyrirmyndar fyrir
starfsmenn. Í húsinu er fullkomið mötuneyti, tveir matsalir, níu fund-
arsalir, kaffihús og 15 kaffibarir og/eða smáeldhús, fjögur sófa- eða
hvíldarherbergi sem nýtast fyrir smærri fundi og eru með sjónvarpi
og tafli, bókasafn og tölvurými fyrir þá starfsmenn sem ekki hafa
aðgang að tölvum. Þá er ónefndur tækja- og skvasssalur, bað- og bún-
ingsaðstaða fyrir ríflega 200 manns og sérstök leikherbergi fyrir börn
starfsmanna sem þeir gætu þurft að taka með
sér tímabundið í vinnuna. Hér starfa eða hafa
aðstöðu nærri tveir af hverjum þremur starfs-
mönnum félagsins á Íslandi, sem eru um 550 tals-
ins, en á erlendri grundu starfa aðrir 750.“
Við flutninga urðu líka fjölmargar skipulags-
breytingar innan fyrirtækisins. „Sem dæmi má
nefna að nú sér ein deild, tekjuskráningardeild,
um að skrá allar tekjur Samskipa en fólkið sem
sá um það áður var ýmist að vinna í útflutnings-
deild, innflutningsdeild eða landflutningadeild.
Þannig erum við sífellt að leita leiða til þess að
þjappa starfseminni betur saman og skerpa sýn-
ina. Við erum í örri þróun og það eina sem maður
getur verið næsta viss um eru að það verða breyt-
ingar en ég kann vel við mig í umhverfi þar sem
ríkir líf og fjör,“ segir Bára og brosir, en frítímans
segist hún njóta með eiginmanni sinum, Helga
Magnúsi Baldvinssyni,
deildarstjóra lána-
deildar VÍS, og börnum
þeirra þremur.
SAMSKIP
Bára Mjöll Ágústsdóttir,
deildarstjóri tekjuskrán-
ingardeildar Samskipa,
kann vel við sig í þeim
öldugangi sem oft
fylgir örri þróun og
breytingum fyrirtækja í
nútímasamfélagi.
Aðstaða fyrir starfsmenn er
til fyrirmyndar í nýju húsnæði
Samskipa en þar er m.a. tækja-
og skvasssalur, kaffihús, bóka-
safn og hvíldarherbergi.
Stígur ölduna á spennandi tímum