Frjáls verslun - 01.05.2005, Page 104

104 F R J Á L S V E R S L U N • 5 . T B L . 2 0 0 5
KYNNING
Stiki ehf. er þekkingarfyrirtæki sem sérhæfir sig í verndun upplýsinga. Með ráðgjöf og sérhæfðum hugbúnaði tryggir Stiki öryggi upplýsinga fyrir viðskiptavini sína.
Fyrirtækið var stofnað árið 1992 og öll starfsemin er bæði
öryggis- og gæðavottuð af bresku staðlastofnuninni BSI skv.
BS 7799 og ISO 9001.
Krafa um upplýsingaöryggi hefur fengið byr undir báða
vængi jafnt í opinbera geiranum sem og hjá einkafyrirtækjum.
Fjármálaeftirlitið beinir þeim tilmælum til aðila sem starfa á fjár-
málamarkaði að þeir geri viðeigandi ráðstafanir til að tryggja
öryggi upplýsinga hjá sér. Persónuvernd gerir sömuleiðis
kröfu til aðila sem vinna með persónuupplýsingar að þeir
tryggi öryggi þeirra á fullnægjandi hátt. Fyrirtæki gera sér æ
betur grein fyrir mikilvægi þess að hafa upplýsingaöryggi í lagi
og sækjast eftir ráðgjöf og lausnum á því sviði.
Upplýsingar eru verðmæti Stiki beitir alþjóðlegum stöðlum
um upplýsingaöryggi til að ná betri stjórn á öryggi
upplýsinga. Staðlarnir innihalda nákvæma lýsingu
á hönnun, þróun og innleiðingu stjórnkerfis og þeir
og notkun þeirra tryggir samræmi í vinnubrögðum
og alþjóðleg viðmið. Hugmyndafræðin byggir á því
að upplýsingar séu eignir fyrirtækisins eða stofn-
unarinnar. Upplýsingaeignir þurfa því að vera vel
skilgreindar og þeim þarf að stýra eins og öðrum
áþreifnalegri eignum eða sjóðum. Upplýsingaeignir
geta verið margs konar. Til dæmis orðspor fyrirtækis og þekking
starfsmanna auk hefðbundinna upplýsingaeigna svo sem gagna, vél-
og hugbúnaðar. Upplýsingar eru geymdar, meðhöndlaðar og færðar
á margan annan hátt en í upplýsingakerfum fyrirtækisins og þeim
upplýsingum þarf að stýra. Upplýsingar á mæltu máli eru ekki síður
mikilvægar en upplýsingar á pappír eða tölvutæku formi.
Áætlanir um samfelldan rekstur skipta máli Í kjölfar atburðanna
í Bandaríkjunum 11. september 2001 hafa fyrirtæki í auknum
mæli lagt áherslu á að gera áætlanir um samfelldan rekstur. Það
eru áætlanir um aðgerðir sem grípa þarf til ef rekstur verður fyrir
óvæntu áfalli. Slík rekstraráföll geta orðið hvort sem er
af völdum náttúruhamfara, fyrir slysni eða vegna illvilja.
Flestir þekkja t.d. afleiðingar straumleysis, rofs á símalínum
eða árása tölvuþrjóta á tölvukerfi fyrirtækja. Stiki aðstoðar
fyrirtæki við að innleiða slíkar áætlanir og veitir sömuleiðis
ráðgjöf við greiningu og endurbætur á verkferlum. Oft eru
þessi ferli til, en óskráð og aðeins til í kolli starfsmanna. Stór
hluti af breyttu stjórnskipulagi fyrirtækis eða stofnunar til að
uppfylla kröfur um upplýsingaöryggi er gerð skipulagshand-
bókar. Slík verkefni eru stór þáttur í starfsemi Stika.
Heilbrigðisnet og hugbúnaðarþróun Viðskiptavinir Stika eru
mörg af stærstu fyrirtækjum landsins og að auki fjölmargar
opinberar stofnanir og ráðuneyti. Hjá fyrirtækinu starfa 12
sérfræðingar með víðtæka menntun og mikla reynslu af inn-
leiðingu upplýsingaöryggis og hugbúnaðarþróun. Stiki hýsir
jafnframt tölvukerfi sem eru á ábyrgð heilbrigðis-
og tryggingamálaráðuneytisins og innihalda við-
kvæmar persónupplýsingar. Fyrirtækið hefur því
sjálft mikla reynslu af hýsingu og meðferð við-
kvæmra gagna.
Hjá Stika hefur um nokkurt skeið verið unnið
að þróun íslenska heilbrigðisnetsins sem er ætlað
að vera öruggur farvegur rafrænna samskipta milli
aðila í heilbrigðisþjónustu. Heilbrigðisnetið saman-
stendur af upplýsingakerfum einstakra aðila sem tengjast því og
þeim fjarskiptabúnaði sem tengir þá saman, auk samskipta- og
öryggisreglna. Stiki hefur einnig þróað upplýsingakerfi fyrir heil-
brigðisstofnanir svokallað RAI-matskerfi sem stendur fyrri Residen-
tal Assessment Instrument. Kerfið er notað til að meta heilsufar
fólks og þörf fyrir umönnun, t.d. aldraðs fólks sem dvelur á hjúkr-
unarheimilum og þeirra sem þiggja heimahjúkrun. Stiki hefur einnig
þróað kerfi til að meta þörf aldraðra fyrir vist á öldrunarstofnun, svo-
nefnt vistunarmat sem unnið er á vegum sveitarfélaga. Loks má geta
þess að hjá Stika er unnið að margvíslegri hugbúnaðarþróun fyrir
fjármálafyrirtæki auk samþættingarverkefna í upplýsingatækni.
STIKI EHF.
Upplýsinga-
öryggi er krafa
dagsins Svana Helen Björnsdóttir, framkvæmdastjóri Stika.
Öryggi upplýsinga
– ráðgjöf og hug-
búnaðarlausnir.
Heilbrigðisnetið
í smíðum.