Frjáls verslun - 01.05.2005, Side 112

112 F R J Á L S V E R S L U N • 5 . T B L . 2 0 0 5
Við erum mjög stolt af árangri síðasta árs. Rekstrarafkoma ÁTVR var sú besta frá upphafi og fyrirtækið hlaut bæði eftir-sótta viðurkenningu og verðlaun þar sem fjöl-
margir þættir í rekstrinum voru lagðir til grundvallar,“
segir Sigrún Ósk Sigurðardóttir, fjármálastjóri ÁTVR.
„Fyrirtækið hlaut bæði viðurkenningu fjármálaráðu-
neytisins sem ríkisstofnun til fyrirmyndar árið 2004
og Íslensku gæðaverðlaunin 2004. Gæðaverðlaunin
byggjast á stefnumótun, framkvæmd, forystu og
árangri í rekstri ekki síður en gæðamati en fyrir-
tækin eru metin samkvæmt svonefndu EFQM líkani
sem notað er við veitingu sambærilegra verðlauna
erlendis.
ÁTVR er þjónustufyrirtæki sem farið hefur í gegnum miklar
breytingar á undanförnum árum og hefur gerbreytt ímynd sinni
með markvissum aðgerðum. Skýr stefnumótun, gæðastarf og mat
á þjónustuþáttum hefur gegnt stóru hlutverki í framkvæmd breyt-
inganna. Það er ekki aðeins ásýnd vínbúðanna sem hefur breyst
heldur einnig margt í innra starfi fyrirtækisins. Má þar nefna öfluga
fræðslu starfsfólks með tilkomu Vínskólans en megintilgangurinn
með stofnun hans er að efla vöruþekkingu starfs-
fólks og bæta þannig þjónustu og ráðgjöf til við-
skiptavina.“
Markmið ÁTVR er að stuðla að ábyrgri áfeng-
isneyslu og hefur fyrirtækið í því skyni tekið þátt
í fræðslu og forvörnum. „Við höfum t.d. verið í
samstarfi við Umferðarstofu í auglýsingaherferð-
inni „Aktu aldrei undir áhrifum“ og Lýðheilsustöð
vegna útgáfu bæklingsins „Hvað veist þú um
áfengi?“ Nú stendur ÁTVR hins vegar að auglýs-
ingaherferð í sjónvarpi og í vínbúðum þar sem
vakin er athygli á ábyrgð þess sem veitir áfengi. Gestgjafar mega
og eiga að gera þá kröfu til gesta sinna að þeir aki ekki heim undir
áhrifum áfengis. Markmiðið er að vekja athygli á og skapa umræðu
um málefnið og benda um leið á nauðsyn þess að áfengis sé neytt
á ábyrgan hátt og að það sé öllum til ánægju.“
ÁTVR
Hlaut tvenn stjórnunarverðlaun
ÁTVR hlaut bæði við-
urkenningu fjármála-
ráðuneytisins sem ríkis-
stofnun til fyrirmyndar
árið 2004 og Íslensku
gæðaverðlaunin 2004.
Sigrún Ósk Sigurðardóttir fjármálastjóri er, eins og annað starfsfólk, stolt af árangri síðasta árs.
KYNNING