Frjáls verslun - 01.05.2005, Qupperneq 126

126 F R J Á L S V E R S L U N • 5 . T B L . 2 0 0 5
Draumur hverrar konu er að eignast pels. Gaman er að líta inn í verslunina Jakobspelsar neðst á Skólavörðustígnum og sjá að hægt er
að láta drauminn rætast. Guðrún Jakobsdóttir, eig-
andi verslunarinnar, segir skemmtilegt að sjá breyt-
ingarnar á pelsatískunni, eins og þær komu henni
fyrir sjónir í vor á stórsýningum sem hún sækir á
hverju ári í Mílanó og Kastoria í Grikklandi. „Pelsarnir eru aftur orðnir
elegant og glæsilegir, eins og þeir voru þar til þeir breyttust fyrir
nokkrum árum er farið var að stíla inn á hinn nýríka Rússamarkað.“
„Pelsahönnuðir og feldskerar í Evrópu eru að gera feikilega fallega
hluti. Ein helsta nýjungin eru pelsar úr skinnum sem yfirhárin hafa
verið plokkuð af. Þegar þau eru horfin verður eftir himneskur feldur,
silkimjúkur og fisléttur og flíkurnar verða hreint út sagt yndislegar.
Íslenskar konur hafa því miður verið svolítið hræddar við að velja sér
þessa nýju pelsa og halda sig enn við þá klassísku úr hefðbundnum
feldi.
Skinn í öllum regnbogans litum Fyrst var farið að vinna skinn með
þessum hætti fyrir fjórum árum og er árangurinn orðinn mjög góður.
Nota má hvaða skinn sem er en þó eru helst notuð ljósbrún minka-
skinn, en til skamms tíma var ljósbrúni liturinn ódýrastur. Hann varð
hins vegar fyrir valinu vegna þess hve auðvelt er að
aflita skinnin og lita á ný í öllum regnbogans litum
í takt við tískuna. En fleira er gert en að plokka
yfirhárin og aflita skinnin því farið er að brenna í
þau mynstur með sérstakri leysigeisla-aðferð og er
vissulega svolítið óvenjulegt að sjá ekta skinnpels
skreyttan á þennan hátt.
Guðrún sækir ekki aðeins skinnavörusýningar í Mílanó heldur
einnig í Grikklandi en þangað koma fulltrúar allra helstu tískuhúsa í
Evrópu. Í Jakobspelsum fást ýmsir aukahlutir, skinnhattar, treflar og
slár, t.d. óvenjuleg herðaslá úr heilu úlfsskinni sem haldið er saman
með því að stinga skottinu í gengum eyrað. Hentug slá á svölum
sumardegi þegar konur fara í veislur í léttum sumarkjólum og þurfa
að bregða einhverju hlýju yfir axlirnar. Guðrún hefur auk þess flutt
inn skinnkápur og leðurjakka frá Frakklandi og Ítalíu sem fallið hafa
mjög vel að smekk íslenskra kvenna.
Margbreytilegir pelsar Klassískir pelsar eru hvað vinsælastir hér á
landi en ástæða er til að skoða pelsana og jakkana úr plokkuðum og
aflituðum skinnum sem ómögulegt er annað en falla fyrir. Ekki má
heldur gleyma því að pelsar eru ekki jafndýrir og margir halda og
gæðin eru framúrskarandi.
JAKOBSPELSAR
Himneskar flíkur úr fisléttum feldi
Velur pelsa fyrir
íslenskar konur á
öllum helstu tískusýn-
ingum heims.
Sama kápa eftir að henni
hefur verið snúið við.
Guðrún í skinnkápu úr aflituðu skinni af minkalöppum. Snúa má kápunni við svo úr verði eins konar regn-
kápa. Einnig er hægt að taka innra byrðið og þá er skinnfeldurinn fóðraður með silki.
KYNNING