Frjáls verslun - 01.05.2005, Page 147

KVIKMYNDIR
Í öðrum hluta höfum við
svo einu heiðarlegu lögguna í
Sin City, John Hartigan (Bruce
Willis), sem sér feril sinn á enda-
stöð og fylgjumst við með honum
síðasta daginn í vinnunni við að
bjarga 11 ára gamalli stúlku úr
klónum á morðsjúkum syni öld-
ungardeildarþingmanns. Ekki fer
betur en svo að hann er dæmdur
í fangelsi fyrir barnsránið. Þegar
hann sleppur út tekur á móti
honum stúlkan sem orðin er að
hinni glæsilegu Nancy (Jessica
Alba).
Í þriðja hlutanum höfum við
einkaspæjarann Dwight (Clive
Owen), sem er að reyna að
gleyma fortíðinni, sem hvað eftir
annað sækir á hann. Þegar spillt
lögga er drepin tekur hann að sér
að vernda ungar vændiskonur
sem höfðu slysast til að drepa
lögguna. Ásamt fögrum nætur-
drottningum er hann á ferð um
borgina með líkið af löggunni
og með lögguna og mafíuna á
hælunum.
Fer ótroðnar slóðir Segja má að
Robert Rodriguez sé tvöfaldur
í roðinu þegar kemur að kvik-
myndum. Hann er þekktur fyrir
blóðugar spennumyndir á borð
við El Mariachi, Desperado,
From Dusk Till Dawn og Once
Upon a Time in Mexico. Myndir
sem engir foreldrar færu með
börn sín á. Svo er hann öðrum
þræði að gera myndir fyrir börn
og þar heldur merki hans á lofti
trílógían um njósnakrakkana
Spy-kids, en þær myndir eru enn
sem komið er vinsælustu kvik-
myndirnar sem Rodriguez hefur
gert. Og þegar þessar línur eru
skrifaðar er verið að frumsýna
vestan hafs The Adventures of
Shark Boy & Lava Girl in 3-D,
sem hann leikstýrir. Er sú kvik-
mynd í anda Spy-kids kvikmynd-
anna og segir frá ímyndaðri
hetju ungs drengs. Hetjan lifnar
við og leiðir unga drenginn í
mikil ævintýri. Hugmyndina fékk
Rodriguez hjá syni sínum Racer
og eru þeir feðgar skráðir fyrir
handritinu. Og þá má að lokum
geta þess að Rodriguez er þegar
farinn að undirbúa Sin City 2,
sem hann áætlar að frumsýna
2007 og er jafnvel hugmyndin að
gera Sin City 3.
Rodriguez segir að allt frá því
hann las fyrstu Sin City bókina
árið 1992 hafi hann haft hug á
að gera kvikmynd eftir þeim:
„Það var þó ekki fyrr en ég hafði
komist að þeirri niðurstöðu að
ég vildi ekki gera kvikmynd sem
væri gerð eftir teiknimyndasög-
unni Sin City heldur vildi ég gera
kvikmynd sem yrði að teikni-
myndasögunni Sin City.“
Robert Rodriguez og Frank Miller við tökur á Sin City.
F R J Á L S V E R S L U N • 5 . T B L . 2 0 0 5 147
Árlega birtir bandaríska
kvikmyndatímaritið lista yfir
valdamestu einstaklingana í
Hollywood, svokallaðan „Power
List“. Unnið er eftir þeirri formúlu
að sá sé valdamestur sem sýnir
mestan gróða af kvikmyndum
sínum og framtíðarspár geri ráð
fyrir áframhaldandi velgengni.
Þegar á heildina er litið eru ein-
staklingarnir á listanum ekki
þekktir í augum þeirra sem fylgj-
ast með í fjarlægð, heldur eru
þetta þeir sem stjórna bak við
tjöldin, veita kvikmyndafyrirtækj-
unum forystu. Nokkrir þekktir
einstaklingar eru þó sjáanlegir
og tveir þeirra skipa efstu
sætin, Peter Jackson og Steven
Spielberg. Í næstu sætum eru
forstjórar og stjórnarformenn.
Það sem vekur mesta athygli
er að í efsta sæti er Nýsjálend-
ingurinn Peter Jackson, sem
sjaldan stígur fæti sínum á götur
í Hollywood. Hann var í sjötta
sæti í fyrra og styrkur hans er að
mestu að þakka gengi Lord of
the Rings trílógíunnar, en saman-
lagðar brúttótekjur af myndunum
eru 3 milljarðar dollara. Þá er
spá um afkomu hans á þessu ári
ekki slæm, en kvikmynd hans,
King Kong, er sögð munu keppa
við síðustu Star Wars myndina
um mestu vinsældir á árinu. Og
það er til marks um styrk hans
að hann fær 20 milljón dollara
fyrir að leikstýra King Kong, sem
er hæsta upphæð sem nokkur
leikstjóri hefur fengið, auk þess
sem hann fær 20% af ágóðanum
af myndinni.
Peter Jackson er
valdamestur í Hollywood
Ein vinsælasta kvikmynd ársins 1972 var The Poseidon Adventure,
sem fjallaði um farþega og áhöfn á skemmtiferðaskipi sem þurfa að
berjast fyrir lífi sínu þegar skipið lendir í stórsjó. Með aðalhlutverkin
fóru Gene Hackman og Ernest Borgnine. Sex árum síðar var gerð
framhaldsmynd, Beyond the Poseidon Adventure, sem þótti léleg,
þrátt fyrir að stórstjörnurnar Michael Caine og Sally Field væru í fram-
varðasveit þekktra leikara. Myndirnar voru gerðar eftir samnefndri
skáldsögu Paul Gallico. Nú hefur rykið verið dustað af skáldsögunni,
ekki af einum aðila heldur tveimur. Síðar á þessu ári verður sýnd
tveggja hluta sjónvarpsmynd sem gerð er eftir sögunni. Þar eru í
aðalhlutverkum Adam Baldwin, Steve Guttenberg og Bryan Brown.
Og þá hefur verið staðfest að stórmyndaleikstjórinn Wolfgang Pet-
ersen (Air Force One, Troy) er byrjaður að undirbúa tökur á The
Poseidon Adventure og er áætlað að frumsýna myndina á næsta ári.
Verður um mjög dýra kvikmynd að ræða. Í aðalhlutverkum eru Kurt
Russell, Emmy Rossum og Richard Dreyfuss.
Peter Jackson ræður ferðinni í
Hollywood.
POSEIDON ÆVINTÝRIÐ ENDURGERT