Frjáls verslun - 01.05.2005, Side 151

F R J Á L S V E R S L U N • 5 . T B L . 2 0 0 5 151
Svo mörg voru þau orð:
„Verðtryggingakerfið sem við erum með er svo gott kerfi að það er til
tals að taka það upp víða erlendis.“
Guðmundur Ólafsson, hagfræðingur og lektor við viðskipta- og hagfræðideild
Háskóla Íslands. Morgunblaðið 2. júní.
„Við hjá Landsbankanum höfum í nokkurn tíma bent á að sterkt gengi
myndi sérstaklega koma niður á landsbyggðinni þar sem atvinnulífið er
einhæft og sjávarútvegur og ferðaþjónusta vega þungt. Því miður virðist
það nú vera að koma í ljós.“
Edda Rós Karlsdóttir, hagfræðingur hjá greiningardeild Landsbankans.
Fréttablaðið 2. júní.
„Stjórnandi er sá sem er ofarlega í skipuriti stofnunar eða fyrirtækis,
meðan leiðtogi í þeim skilningi sem ég legg í orðið, er hver sá sem
eggjar starfsmenn áfram og hvetur þá til frekari dáða.“
Lee Warren, kennari við Harvard háskóla í Bandaríkjunum. Morgunblaðið 9. júní.Eggert Benedikt Guðmundsson, forstjóri HB Granda,
gefur góða uppskrift.
Eggert Benedikt Guðmundsson,
forstjóri HB-Granda, segist ekki
vera mikill kokkur. „Eiginkonan,
Jónína Lýðsdóttir, stendur oftast
fyrir því góða í eldhúsinu. Hins
vegar er ég mikill áhugamaður
um góðan fisk og sérstaklega
þann fisk sem á undir högg að
sækja hjá mörgum. Þar á meðal
er ufsi sem er þó einstaklega
bragðgóður.“
Eggert gefur uppskrift
sem hann fékk hjá Þórunni
Þórðardóttur, gæðastjóra hjá HB-
Granda.
„Þessi réttur er þeim kostum
búinn að vera ljúffengur, hollur
og svo auðveldur í meðförum að
meira að segja ég hef reitt hann
fram með góðum árangri.“
1 kg. ufsi, roðlaus og
beinlaus, skorinn í bita
250 g skyr
1 dl rjómi eða majónes
2-3 msk. karrý
(milt madras er best)
1 tsk. salt
1/4 tsk. broddkúmen
(ground cumin)
ostur
Setjið ufsabitana í eldfast mót
og stráið salti yfir. Blandið skyr-
inu, rjómanum/majónesinu, karr-
ýinu og broddkúmeninu saman
og smyrjið yfir ufsann. Setjið
ostinn yfir og bakið í 30 mín. við
180-200° C.
Þetta er grunnuppskrift sem
hægt er að bæta við og breyta.
Þannig má t.d. setja lauk, hvít-
lauk, sveppi og papriku í botninn
á undan ufsanum. Raunar má
breyta öllu – nema ufsanum.
Sælkeri mánaðarins:
SKYRUFSI
New York er uppáhaldsborg Svöfu Grönfeldt.
Uppáhaldsborgin:
STÓRA EPLIÐ
New York, sem stundum er
kölluð „stóra eplið“, er upp-
áhaldsborg Svöfu Grönfeldt, fram-
kvæmdastjóra stjórnunarsviðs
Actavis Group.
„Það er orkan sem mér finnst
mest heillandi, fjölbreytileikinn
og þar eru allar tegundir af fólki
í alls konar ástandi. Það er svo
mikil hugmyndaauðgi í borginni
sem er uppspretta sköpunar-
gáfunnar. Mér finnst gaman að
skoða mannlífið í borginni og
ganga um. Þó finnst mér ágætt
að fara eftir tvo til fjóra daga en
hávaðinn er mikill í borginni.“
Svafa ferðast mikið starfsins
vegna. Hún er í útlöndum að
jafnaði í þrjá til fjóra daga í hverri
viku. „Það þarf gott skipulag og
góðan mann,“ segir hún en hún
og eiginmaður hennar eiga tvö
börn. Oft situr hún fundi í New
York eða millilendir þar. Þá fór
hún oft þangað þegar hún stund-
aði meistaranám í stjórnun í
Melbourne sem er á austurströnd
Florida.
Vikuna áður en viðtalið var
tekið var Svafa í Bandaríkjunum,
Tyrklandi og Rússlandi. Vikuna á
eftir lá leiðin til Moskvu, Möltu,
Danmerkur og síðan til Íslands
þar sem hún var í fjóra daga. Þá
lá leiðin til Búlgaríu, Serbíu og
Bandaríkjanna.