Frjáls verslun - 01.02.2006, Blaðsíða 45
F R J Á L S V E R S L U N • 2 . T B L . 2 0 0 6 45
utan félagssvæðisins er hugsunin e.t.v. frekar að eiga í fyrir-
tækjum í ákveðinn tíma og endurselja síðan. Það má því segja
að það sé blæbrigðamunur á því hvort við erum að fjárfesta
á heimaslóðum eða annars staðar þegar litið er á hvernig við
viljum fá arðinn úr fjárfestingunum.
Hjá Upphafi er litið til þess að setja fjármuni í útfærslu
viðskiptahugmynda á frumstigi eða til verkefna sem eru
að hefjast eða komin skammt á veg. Við gerum tiltölulega
strangar kröfur og markmiðið er að þessi verkefni skili arði,
en við gerum okkur ljóst að áhætta í nýsköpunarverkefnum er
mikil. Verkefni í þessum málaflokki krefjast oft þolinmæði og
það getur stundum liðið langur tími áður en menn uppskera
árangur af erfiði sínu. Við tökum á móti beiðnum sem bæði
geta komið frá frumkvöðlum sem leita eftir stuðningi eða
þeim sem eru að leita eftir hlutafé í fyrirtæki, sem þeir hafa trú
á. Það er síðan okkar að vega og meta arðsemina og ákveða
hvort við tökum þátt eða ekki.“
Bjarni getur þess að Upphaf hafi þegar átt þátt í að stofnað
var hlutafélagið Plasteyri ehf., sem er að setja á stofn nýja
verksmiðju til framleiðslu á plastumbúðum. Fyrstu afurðirnar
verða frauðplastkassar undir fiskútflutning og ýmiss konar
plastílát undir matvæli. „Þátttaka Upphafs í stofnun fyrirtæk-
isins er liður í stefnu félagsins að auka fjölbreytni atvinnulífs í
iðnaði á Akureyri og eru miklar vonir bundnar við fyrirtækið.
Heildarfjárfestingin er 125 milljónir króna og á Upphaf ríflega
helming í félaginu.“
Tækifærin liggja víða
Bjarni Hafþór segir mikil tækifæri vera fyrir bæði félögin. „Við
erum með töluverðan fjölda fyrirspurna og beiðna á borði
okkar. Ef öllum beiðnum væri svarað játandi þá væri fjárfest-
ingaþætti starfseminnar fljótlega lokið. Verkefnin falla, eins og
gefur að skilja, misvel að fjárfestingastefnu okkar, sum höfða
alls ekki til okkar á meðan önnur eru freistandi, en það tekur
tíma að vinna úr öllum umsóknum og finna hentuga fjárfest-
ingakosti. Við sem stöndum að Hildingi og Upphafi erum bjart-
sýnir fyrir hönd félaganna og teljum okkur vel í stakk búna til
að takast á við krefjandi og spennandi verkefni.“
Plasteyri er nýtt fyrirtæki á Akureyri, sem Upphaf á ríflega helming í. Myndin er tekin þegar stjórn og framkvæmdastjóri fyrirtækisins kynntu starf-
semina, talið frá vinstri: Guðmundur B. Guðmundsson, Helgi Aðalsteinsson, Bjarni Hafþór Helgason og Hrafn Stefánsson framkvæmdastjóri.
Hafnarstræti 91-95 • 600 Akureyri
Sími: 4603400. Fax: 4603401.
Nettföng: hildingur@hildingur.is • upphaf@upphaf.net
Netsíður: www.hildingur.is • www.upphaf.net