Frjáls verslun - 01.02.2006, Blaðsíða 88

88 F R J Á L S V E R S L U N • 2 . T B L . 2 0 0 6
SUMARHÚS
KYNNING
Húsasmiðjan flytur nú inn verksmiðjuframleidd hús frá danska fyrirtækinu Danhaus í Esbjerg á Jótlandi. Húsin henta einstaklega vel sem sumarhús en einnig er hægt að fá
einbýlishús á einni, einni og hálfri og tveimur hæðum. Sumarhúsin
frá Danhaus eru minnst 95 fermetrar að flatarmáli
en fyrirtækið framleiðir hús allt upp í rúma 220 fer-
metra að stærð. Danhaus-húsin eru timburklædd að
utan en einnig er hægt að klæða þau með múrsteini
sem er mjög vinsælt víða erlendis.
Páll Emil Beck, ráðgjafi og sölumaður, segir að
Danhaus hafi upphaflega framleitt hús fyrir þýskan
markað og eru það mikil meðmæli með húsunum
þar sem Þjóðverjar eru sérlega kröfuharðir þegar
kemur að húsum og húsbyggingum. Þá má geta
þess að Danhaus fékk á síðasta ári Byggesocietetets
Gyldne Söm, Gyllta naglann, sem er viðurkenning
fyrir hágæðaframleiðslu sem sérstaklega er ætluð erlendum mark-
aði.
Húsin frá Danhaus eru úr sænskum viði sem kemur beint frá sög-
unarmyllum í Norður-Svíþjóð. Eftir að timbrið hefur verið tekið í
hús í verksmiðjunni í Danmörku fer það ekki þaðan út aftur óvarið
og er húseiningunum meira að segja hlaðið í gáma innan dyra.
Veggir koma í heilu lagi, timburklæddir utan, fulleinangraðir og gifs-
klæddir innan, með gluggum og dyrum. Allt er fullfrágengið og ekki
annað eftir en að mála inn- og milliveggi eftir að þeim hefur verið
komið fyrir. Gifsið, sem notað er, er svokallað harðgifs (Fermacell)
sem gefur betri hljóðeinangrun en venjulegar gifsplötur auk þess
sem bæði er hægt að negla í það og skrúfa. Vilji menn panelklæða
veggi er sáraeinfalt að hefta panel á gifsið, en Páll segir að nú sé æ
algengara að menn máli veggi nýrra sumarbústaða. Allar innihurðir
fylgja húsunum en hins vegar hvorki innréttingar
né gólfefni.
Húsið rís á „augnabliki“ Uppsetningartími Dan-
haus-húsanna er ótrúlega stuttur. Þannig tekur
það tvo menn ekki nema 16 klst. að reisa 95-105
fermetra hús en viku að fullklára húsið.Undir því
er steyptur sökkull og steypt gólfplata. Ofan á hana
leggja menn gólfefni að eigin ósk og flestir velja
að leggja hita í gólfin. Loftin koma með einangrun
en eftir er að klæða þau og áður en það er gert er
gengið frá lögnum að loftljósum. Í veggjum eru raflagnir sem borað
er inn í til að koma fyrir innstungum og rofum.
Hjá Danhaus vinna sex arkitektar við að hanna húsin og laga
þau að óskum viðskiptavina. Húsin sem hingað koma eru byggð
eftir stöðluðum teikningum en hægt er að fá 6 mismunandi
útfærslur á þeim eða hanna ný hús ef samið væri um kaup á a.m.k.
10 húsum í einu.
Þeir sem vilja kynna sér Danhaus-húsin, hvort heldur sem er
einbýlishús eða sumarbústaði, geta farið inn á heimasíðu Danhaus,
www.danhaus.dk, eða leitað upplýsinga í Húsasmiðjunni. Fimm
hús eru nú í framleiðslu fyrir Íslendinga og koma tvö þau fyrstu í
maí og hin þrjú nokkru síðar en afgreiðslufrestur er að jafnaði um
fimm mánuðir.
Danhaus
-einingahúsin
eru í hæsta gæðaflokki
Páll Emil Beck, ráðgjafi og sölumaður hjá Húsasmiðjunni.
Danhaus-sumarbústaður í smíðum. Hér er Danhaus-raðhús sem væri vel til þess fallið að nota sem mótel.
HÚSASMIÐJAN:
Húsin frá Danhaus
henta jafnt sem
sumarbústaðir eða
einbýlishús í þéttbýli
og þau fást í ýmsum
stærðum og með
margbreytilegu fyrir-
komulagi.