Ægir - 01.07.2003, Qupperneq 5
Kristján kveður
Kristján Ragnarsson lætur af starfi formanns Landssambands
íslenskra útvegsmanna á aðalfundi LÍÚ í lok október. Flestir
tengja saman Kristján Ragnarsson og LÍÚ, enda ekki
undarlegt þegar haft er í huga að Kristján hefur óslitið
starfað hjá LÍÚ síðan 1958 - lengstaf sem framkvæmdastjóri og formaður. Ægir birtir ítarlegt
viðtal við Kristján á þessum tímamótum.
Smábátaútgerð fyrir austan
„Það eru afar sterk öfl sem vilja leggja niður smábátaútgerðina í
landinu. Stórútgerðin vill fá til sín þær aflaheimildir sem smábátarnir
eru að veiða til þess að hlutabréf þessara stóru fyrirtækja verði
eftirsóttari. Ég hef stundum kallað þetta „hlutabréfafiskveiðistjórnunar-
kerfi“,“ segir Gunnar Hjaltason, formaður Félags smábátaeigenda á
Austurlandi. Ægir kynnti sér smábátaútgerð á Austfjörðunum.
Kraftur í Toppfiski
Það er kraftur í starfsfólkinu hjá Toppfiski ehf. í Reykjavík. Í ár
stefnir í að um tíu þúsund tonn af hráefni verði unnin hjá
Toppfiski, allt þetta hráefni er keypt á mörkuðum eða í beinum
viðskiptum við útgerðir út um allt land. Það hefur ekki farið
mikið fyrir þessu fyrirtæki í umræðunni, en þar starfa engu að
síður um áttatíu manns. Toppfiskur flytur stærstan hluta sinna
afurða, sem eru bæði ferskar og frystar, á Bretlandsmarkað.
Tekist á um ESB
Fjör færðist í umræðu um íslenskan sjávarútveg og ESB í kjölfar
Íslandsheimsóknar Franz Fischlers, sem fer með sjávarútvegsmál í
framkvæmdastjórn ESB. Í þessu blaði kynnum við sjónarmið
andstæðinga og stuðningsmanna aðildar Íslands að ESB og stöðu
sjávarútvegsins í þeirri umræðu.Við birtum athyglisverðar greinar
Birgis Tjörva Péturssonar, framkvæmdastjóra Heimssýnar, hreyfingar sjálfstæðissinna í
Evrópumálum, og Svanfríðar Jónasdóttur, varaformanns Evrópusamtakanna.
Eyrnalokkar og karamellur í fiski
„Ég hef séð með eigin augum að stundum fara ýmsir óæskilegir hlutir með fiskinum til
kaupenda. Í Bretlandi sá ég til dæmis hjá einum kaupanda ýmsa smáhluti sem hann hafði
fundið í fiski í gegnum sitt eftirlit og meðal annars kom þessi fiskur héðan frá Íslandi.
Þarna mátti til dæmis sjá eyrnalokka, hringi, límbönd, plástra, ýmiskonar málmhluti,
karamellur og sælgætisbréf,“ segir Elvar Thorarensen, gæðastjóri Brims, m.a. í fróðlegu
spjalli um gæðamál í fiskvinnslu á Íslandi.
Risaverkefnið SEAFOODplus
Rannsóknastofnun fiskiðnaðarins mun á næstu árum taka þátt í risavöxnu evrópsku verkefni
sem hefur það að meginmarkmiði að fá fleiri til að borða fisk. Þetta er langviðamesta
verkefni sem Rf hefur tekið þátt í og verður að því unnið næstu fimm árin. Meðal annars
verður kannað hver áhrif sjávarfangs eru á heilsu og vellíðan fólks og hvernig unnt sé að
stuðla að auknu öryggi sjávarafurða.
Í B L A Ð I N U
Útgefandi: Athygli ehf.
ISSN 0001-9038
Ritstjórn: Athygli ehf.
Hafnarstræti 82, Akureyri
Sími 461-5151
Bréfasími 461-5159
Ritstjóri: Óskar Þór Halldórsson (ábm.)
Sími: 461 5135
GSM: 898 4294
Netfang: oskar@athygli.is
Auglýsingar: Athygli ehf.
Suðurlandsbraut 14, Reykjavík,
Sími 515-5200,
Bréfasími 515-5201
Netfang: augl@athygli.is
Auglýsingastjóri:
Inga Ágústsdóttir
Sími 515-5206
GSM 898-8022
Netfang: inga@athygli.is
Hönnun & umbrot:
Athygli ehf.
Suðurlandsbraut 14, Reykjavík,
Sími 515-5200,
Bréfasími 515-5201
Prentun: Gutenberg ehf.
Áskrift: Ársáskrift Ægis árið 2003
kostar 6600 kr.
Áskriftarsímar 515-5200 & 515-5207
Forsíðumyndina tók Óskar Þór Halldórsson í
fiskvinnslufyrirtækinu Toppfiski ehf. í Reykjavík.
ÆGIR kemur út 11 sinnum á ári. Eftirprentun og
ívitnun er heimil, sé heimildar getið.
8
44
45
55
42
52
Útgerðamenn - Fiskeldisstöðvar
Sjódælur úr AISI 316L ryðfríu stáli
0,75 kW til 75 kW
6 m³/klst. til 228 m³/klst.
Gæði - Öryggi - Þjónusta
LOWARA sjódælur
Danfoss hf
Skútuvogi 6 Sími 510 4100
www.danfoss.isFrá
bæ
rt
ve
rð