Ægir - 01.07.2003, Qupperneq 8

8
Ú T G E R Ð
Nú eru gerðar út um fjörutíu
trillur frá Grímsey og segir Sæ-
mundur Ólason, trillukarl sem
gerir út Kristínu EA, að hljóðið
sé gott í Grímseyingum með
komandi mánuði. Að vonum
snýst allt mannlíf í Grímsey
um fiskinn og því ríður á að út-
gerðin gangi vel. Á milli 90 og
100 manns búa í Grímsey nú
um stundir og hefur íbúatalan
haldist nokkuð svipuð alllengi.
Sæmundur Ólason telur ekki
ástæðu til að hafa áhyggjur af
framtíð Grímseyjar, þar sé
mannlíf gott og unga kynslóðin
vilji búa þar áfram. Á meðan
svo sé hafi menn ekki ástæðu
til að ætla að illa fari.
Sæmundur telur að Grímsey-
ingar hafi ekki ástæðu til að bera
sig illa á nýju fiskveiðiári. Afla-
heimildir sem koma í hlut
Grímseyinga eru í ár 1.593 tonn í
þorskígildum, sem er aukning
um 316 tonn í þorskígildum frá
síðasta fiskveiðiári. Grímsey er
núna í 39. sæti í kvóta yfir landið
og hefur færst upp um tvö sæti
frá fyrra ári.
Bróðurpartur afla Grímseyjar-
báta fer ferskur í land með Sæfara
og segist Sæmundur selja aflann
suður í Garð og þaðan er hann
sendur á erlenda markaði. Ein
nokkuð öflug saltfiskvinnsla er í
eynni og þar er umtalsverður afli
saltaður. Hins vegar hefur orðið
eilítil birgðasöfnun í saltfiski nú
síðsumars, sem er reyndar þekkt
vandamál á þessum tíma. Hinir
miklu sumarhitar í Evrópu sl.
gerðu mönnum þó óvenju erfitt
fyrir varðandi saltfiskinn.
Grímseyingar
í framkvæmdaham
Eins og áður segir telur Sæmund-
ur Ólason ekki ástæðu til að ætla
að byggð sé í hættu í Grímsey,
ekki á meðan þar fái menn að róa
og bjarga sér. Hann segir menn í
framkvæmdahug í eynni. Þar hafi
til dæmis verið unnið að því að
endurnýja gamla hafnargarðinn
og dýpka höfnina og innsigling-
una í höfnina og einnig standi
fyrir dyrum miklar framkvæmdir
við flugvöllinn, sem eins og Sæ-
mundur orðar það er þjóðvegur
Grímseyinga. „Það er ætlunin að
fara í endurnýjun á flugvellinum
núna í október og á meðan verður
honum lokað tímabundið. Þó
verður gert ráð fyrir að flugvélar
geti lent hér vegna bráðatilfella,
en áætlunarflugið leggst af. Mér
Gott hljóð
í Grímseyingum
- kvóti Grímseyjarbáta hefur aukist um rúm 300 tonn frá síðasta fiskveiðiári
www.isfell.is
Ísfell ehf • Fiskislóð 14 • P.O.Box 303 • 121 Reykjavík • Sími 5200 500 • isfell@isfell.is
Allt fyrir togveiðarnar