Ægir - 01.07.2003, Page 64

64
F I S K Ú T F L U T N I N G U R
„Við erum í samstarfi við mörg
flugfélög um fragtflutninga, en
fyrst og fremst er Flugfélagið
Bláfugl að flytja fyrir okkur
ferskfisk,“ segir Skúli Skúla-
son hjá Flugflutningum í
Keflavík.
„Við fljúgum daglega með fisk
með Bláfugli frá Keflavík til Ed-
inborgar í Skotlandi og Kölnar í
Þýskalandi. Í þetta flug fara allar
tegundir af fiski og stór hluti af
þessum fiski fer til ákveðinna
móttakenda sem síðan dreifir vör-
unni áfram. Magnið er nokkuð
árstíðabundið. Minna er um
flutninga á sumrin, en á álags-
tímum, t.d. fyrir jól og páska,
höfum við ekki nægilegt pláss til
þess að anna eftirspurn. Þessi
markaður hefur klárlega verið að
vaxa, en ég geri mér ekki grein
fyrir því hversu stór hann er. Í
fyrra var þéttur vöxtur í þessu og
mér heyrist á framleiðendum að
þeir spái því að sjófrystingin
muni minnka á næstunni en að
sama skapi verði aukning í út-
flutningi á ferska fiskinum. Verð-
in eru betri fyrir ferska fiskinn nú
um stundir og þá færa menn sig í
auknum mæli yfir í hann,“ segir
Skúli
Cork á Írlandi bætist við í
áætlun Bláfugls
Skúli segir að með flugi Bláfugls
til Edinborgar, Kölnar og Luxem-
borgar tengist þessi flutningar
gríðarlega sterku flutninganeti
sem geri það að verkum að auð-
velt sé að flytja fiskinn áfram til
annarra áfangastaða. Í lok septem-
ber breyttist áætlun Bláfugls í þá
veru að þá fór félagið að fljúga til
Cork á Írlandi „Við höfum fengið
fyrirspurnir um fiskflutninga á
Írland og því geri ég ráð fyrir að
eitthvað verði um að þangað verði
fluttur fiskur, þó svo að það verði
kannski aldrei mjög mikið. Á
þessu svæði er mikil hefð fyrir
fiski, en kvótasamdráttur hefur
gert það að verkum að Írarnir eru
farnir að horfa í kringum sig með
að fá fisk annars staðar frá.“
Standa vel að málum
Skúli segir að Íslendingar séu í
fremstu röð í útflutningi á fersk-
um fiski. Hér séu gerðar meiri
kröfur varðandi t.d. hreinlæti og
umbúðir. „Við getum síður en svo
kvartað yfir því hvernig varan
kemur til okkar og að sama skapi
leggjum við áherslu á að vel sé að
flutningunum staðið. Kaupendur
erlendis koma reglulega til Ís-
lands til þess að fylgjast með því
að við stöndum vel að málum,“
segir Skúli.
Tilraunir með fiskflutninga
með Air Greenland
frá Akureyri
Skúli segir að Flugflutningar hafi
í samstarfi við útflytjendur á
Norðurlandi verið að kanna þann
möguleika að flytja ferskan fisk í
áætlunarflugi Air Greenland frá
Akureyri til Danmerkur, en Air
Greenland flýgur milli Akureyrar
og Kaupmannahafnar tvisvar í
viku, á mánudögum og fimmtu-
dögum. Meðal annars sendi fisk-
vinnslufyrirtækið Dalmar ehf. á
Dalvík prufusendingu með Air
Greenland í byrjun september. Sá
fiskur fór áfram frá Kaupmanna-
höfn niður á meginland Evrópu.
Hjá Dalmar fengust þær upplýs-
ingar að flug Air Greenland hafi
þótt áhugaverður kostur, enda að-
eins 45 mínútna akstur milli Dal-
víkur og Akureyrar, í staðinn fyr-
ir um sex tíma akstur þegar flytja
þarf fiskinn suður á Keflavíkur-
flugvöll, og því hafi þótt ástæða
til þess að gera tilraun með að
flytja ferskan fisk með þessu flugi
beint frá Akureyri.
Skúli segir að fleiri framleið-
endur hafi verið að þreifa sig
áfram með flutning á fiski með
áætlunarflugi Air Greenland, en
of snemmt sé að spá fyrir um
hvort þessi flutningsleið festi sig í
sessi.
Erfitt að spá fyrir
um framtíðina
Skúli segir erfitt að spá fyrir um
hver þróunin verði í útflutningi á
ferskum fiski. Þar segir hann að
utanaðkomandi aðstæður ráði
miklu um. Til dæmis hafi hitarn-
ir í Evrópu sl. sumar sett töluvert
strik í reikninginn og ekki sé
gott að segja hvað framtíðin beri í
skauti sér varðandi samkeppni á
þessum mörkuðum, t.d. frá Nor-
egi. „Ég hef trú á því að vöxtur
verði áfram í þessu, en það verður
auðvitað bara að koma í ljós,“
segir Skúli Skúlason.
Bláfugl flýgur til Bretlands
og meginlands Evrópu
Í samvinnu við fiskútflytjendur á Norðurlandi hafa Flugflutningar verið að þreifa sig áfram með mögulega fiskútflutning í áætlunar-
flugi Air Greenland frá Akureyri til Kaupmannahafnar.