Ægir - 01.03.2007, Page 75

75
Rannsóknir í líftækni seldar
til Noregs
Líftæknifyrirtækið Prokaria,
sem er dótturfyrirtæki Matís,
hefur ennfremur unnið náið
að eldisrannsóknum með
erfðarannsóknum þar sem
skoðuð eru tengsl erfða við
vöxt og kynþroska fiska. Með
slíkri aðferð er hægt að velja
hvaða fjölskyldur henta best
til eldis. Um er að ræða að-
ferð sem ekki hefur nýtt ann-
ars staðar og því spennandi
tækifæri á þessu sviði. Nú
þegar er farið að selja slíkar
rannsóknir erlendis, svo sem
til Noregs. Vonast er til þess
að hægt verði að selja þessar
rannsóknir víðar þegar fram
líða stundir. Við ætlum okkur
einnig að notfæra okkur
þekkingu Prokaria, á sviði
erfðatækni og erfðagreining-
ar, fyrir matvælaiðnaðinn í
heild sinni. Þar eru tækifæri á
að tengja saman upplýsingar
um samsetningu og innihald í
matvælum við upplýsingar
um neyslu matvæla.
Kælitækni tryggir ferskleika
fisksins
Jafnhliða aukinni áherslu á
fiskeldi hefur Matís unnið að
umfangsmiklum rannsóknum
á kælitækni fyrir útflutning á
ferskum fiski. Vísindafólk
okkar hefur unnið að því að
kanna hvað hitastig afurðir
þola í flutningi því ekki er
ráðlagt að frysta fiskinn; þá
tapar hann vatni og frumur
springa í vöðvum. Áður fyrr
var fiskurinn kældur niður í
fjórar gráður en nú er farið að
kæla niður í 0 gráður. Þannig
tekst að lengja geymsluþol
fisksins og halda honum
ferskari þegar hann kemur á
markað.
Kælikerfi og vinnsluferlar
skipta ekki aðeins máli fyrir
útflutning á sjávarafurðum
heldur útflutning á matvælum
í heild sinni. Þá er einnig
horft til þátta á borð við rekj-
anleika matvæla en mikill
ávinningur fylgir því að laga
og bæta alla keðjuna. Nið-
urstöður þessara rannsókna
hafa meðal annars myndað
drög að gagnagrunni um
gæði fiskmetis eftir stað- og
tímasetningu veiða. Sjávarút-
vegsfyrirtæki hafa síðan að-
gang að þessum gagnagrunni
og geta hagað sínum veiðum
á grunni þessara upplýsinga.
Ljóst er að stofnun Matís
felur í sér verulegar breyting-
ar á þeirri starfsemi sem áður
tilheyrði þeim stofnunum sem
runnu inn í fyrirtækið. Gerðar
eru meiri kröfur til okkar en
áður og leggjum við því mikla
áherslu á að bjóða samkeppn-
ishæfar lausnir sem koma að
notum fyrir fyrirtæki hér á
landi sem erlendis.
Í lokin langar mig fyrir
hönd Matís að óska tímaritinu
Ægi til hamingju með 100 ára
afmælið. Blaðið hefur verið
mikilvægur vettvangur um
sjávarútvegsmál á Íslandi og
þess er óskandi að svo verði
um ókomna tíð.
Sjöfn Sigurgísladóttir, forstjóri Matís.
Æ G I R Í H U N D R A Ð Á R
Matís er sameinað fyrirtæki Rannsóknastofnunar
fiskiðnaðarins, MATRA (Matvælarannsóknir
Keldnaholti) og Rannsóknastofu Umhverfisstofn-
unar. Þá á Matís líftæknifyrirtækið Prokaria.
Tæplega 100 manns starfa hjá Matís;
í Reykjavík, Akureyri, Höfn, Vestmannaeyjum,
Neskaupsstað, Sauðárkróki og Ísafirði.