Tímarit Máls og menningar - 01.09.1944, Síða 59

JÓN ÓSKAR:
ÚTLEND SKIP
Hlunnar að hálfu í sandi;
hestar á fjörubeit.
Skip fyrir ljósu landi
lítur nú þjóðin teit.
Samt er ég ekki að öllu
ugglaus á blárri strönd.
Gimbill með glaða bjöllu,
gakktu við mína hönd.
Fjarlægra þjóða fánar,
íjarlægra þjóða nöfn
upp stíga aí öldum Ránar
útlend í hverri höfn
ókunnug eyju kaldri
án þess að vita um þig,
lækur, sem lágu skvaldri
liðast á bak við mig.
Mættu þau ljósum litum
lýðveldið okkar sjá;
heyra, hvað helzt við ritum,
hverfa svo aftur frá.
Hlunnar í húmi rauðu
hljóðlega þá við mér
brosa í beini dauðu:
Betra er nú hjá þér.