Tímarit Máls og menningar - 01.05.1955, Síða 5

Byggingarsjóður Máls og menningar
Vikið skal hér örfáum orðum að því áhugamáli sem efst er á baugi hjá
stjórn og félagsráði Máls og menningar.
Við höfum áður skýrt felagsmönnum frá hlutafélaginu Vegamótum sem
nokkrir vinir Máls og meningar stojnuðu fyrir tveim árum í þeim tilgangi að
tryggja Máli og menningu framtíðar starfsheimili og sérílagi stað fyrir bóka-
búð sína við aðalgötu í höfuðstaðnum. Hlutafélaginu tókst að festa kaup á
eigninni Laugaveg 18, einum bezta stað í miðbœnum, en þar standa ónothœf
gömul hús. Til þess að staðurinn komi að gagni verður að reisa nýja bygg-
ingu, og draumur þeirra sem stofnuðu Vegamót og stjórnar Máls og menning-
ar er að sjá hana jullgerða á tuttugu ára afmœli félagsins 1957.
Nú fœrist óðum nœr þessu afmœli og væri því nauðsynlegt að hefja bygg-
ingarframkvœmdir strax á þessu ári, ef húsið á að komast upp í tœka tíð. Bygg-
ingarnefnd og bœjarráð hafa gert samþykkt um skipulagið og teikning er til-
búin, fjárfestingarleyfi reyndar ófengið en hlýtur að verða veitt, þar sem þetta
er þriðja árið sem umsókn er gerð og byggingar rísa hver af annarri við
Laugaveginn, ein jafnvel á lóð áfastri við Laugaveg 18. Því verður ekki trúað
að Vegamót verði lengur höfð útundan.
Þar sem allt kapp verður lagt á að hefja framkvœmdir í ár er nauðsynlegt
fyrir Vegamót og Mál og menningu að hafa fé til taks til að koma byggingunni
af stað. Félagsfundur í Vegamótum hejur samþykkt beiðni til allra hluthafa
að þeir leggi fram í lánum til 10 ára upphæð til jafns við þá sem hver hefur
lagt fram í hlutafé, og hefur sú tillaga fengið góðar undirtektir.
Eftir er þá hlutur Máls og menningar að láta ekki sitt eftir liggja. Félagið
kappkostar með sölu skuldabréja að eignast allt að þriðjungi hlutafjárins í
Vegamótum, og þyrfli nú að geta lagt fram a. m. k. samsvarandi upphœð í
byggingarkostnað. Þegar litið er á hvað þeir 160 vinir Máls og menningar
sem Vegamót stofnuðu hafa lagt mikið af mörkum, treystir Mál og menning
því að þúsundir annarra af félagsmönnum vilji einnig leggja sinn skerf í þá
afmœlisgjöf sem Mál og menning getur bezt hlotnazt: að fá vegleg húsakynni
til frambúðar undir starfsemi sína, en þau mundu um leið skapa jélaginu miklu
öruggari fjárhagsgrundvöll.
Þesgu tímaritshefti fylgir boðsbréf frá stjórn Máls og menningar til félags-
115