Tímarit Máls og menningar - 01.03.1956, Side 33

HEIMSÓKN Á ÞORRA
Það er náttúrlega alveg rétt, sagði gesturinn og smáfór frá með fótinn svo
hægt væri að skella aftur, en hætti þó ekki að tala fyren skollið var í lás: sá
sem tekur í nefið þarf fyren varir að snýta sér. En samt er altaf stórgleðj andi
fyrir sálina að fá í nefið. Ég segi fyrir mig, þegar búið var að rannsaka veikina
mína í tíu ár, þá var mér haldin veisla á Ríkisspítalanum, og doktorarnir gáfu
mér í nefið. Þá sagði ég: ætli ég mætti biðja um lítilræði á þessum mikla degi?
Hvað er það, sögðu doktorarnir. Það er að allir sjúklíngar hér á Ríkisspítalan-
k um fái ókeypis í nefið í dag. Og þá sögðu þeir: er þetta nú alt og sumt sem við
getum gert fyrir þig á afmælinu Oddur minn harmagrátur, og ég sagði já,
nema hvað mér þætti vænt um ef þeir sem eru í tukthúsinu feingju líka ókeypis
í nefið í minníngu dagsins.
Og þar skall hurðin í lás.
23