Tímarit Máls og menningar - 01.03.1956, Qupperneq 48

TÍMARIT MÁLS OG MENNINGAR
heldur reka saman hausana og horfa
ofan í kistuna, og sjá:
Að hinn gamli góði Ebenezar
Tottleham Machintoss bakarameistari
sem mátti ekki vita sitt vamm, það er
ekki von hann ætti gott að una þess-
um ósköpum eins og ekkert væri:
hann liggur nú á grúfu í kistu sinni
eins og til að fela hið gula vaxandlit
í blygðun.
Þá geta hinir samhentu þjónar
kirkjunnar ekki haft hemju á sér leng-
ur og fóru að hlæja.
VETUR
(írskt kvæði frá 11. öld)
í ofmyrkri úfins vetrar
öldurnar þungu hefjast
og hníga að jaðri heims.
Á heyteigum hnípa fuglar,
en blóðdökkur hrafninn hlakkar
við óhljóð í ómildum vetri,
reykugum, dökkhrjúfum, dimmum.
Hundamir hvæsa yfir beinum,
járnpottur hangir á hlóðum
eftir dimmleitan dag.
Hermann Pálsson þýddi.