Tímarit Máls og menningar - 01.03.1979, Síða 59

Peter Weiss
Nú reyna Bandaríkin
að sigra með rógburði
i
Eftir hina misheppnuðu tilraun til þess að sigra Víetnam hernaðarlega
gripu Bandaríkjamenn til efnahagslegs hernaðar. Langt er síðan byrjað var
að undirbúa þetta nýja árásarform. Því sem stjórnin í Washington gat ekki
komið fram með vopnavaldi vill hún nú ná með því að svelta og rægja.
Þremur árum eftir að Suðrið var frelsað og þjóðin að nýju sameinuð
verður Víetnam að þola allsherjar áróðursherferð, sem hefur jafnvel tekist
með afmyndunum og lygum að gera marga þeirra sem áður voru hlynntir
Víetnömum fulla efasemda og beinlínis fjandsamlega.
Tilgangur þessara árása er:
1. að hindra uppbygginguna og koma í veg fyrir að eðlilegt ástand
komist á í þessu stríðshrjáða sósíalíska landi.
2. að gera lítið úr því hugrekki sem Víetnamar hafa sýnt í fjörutíu ára
hernaði gegn nýlendu- og heimsvaldastefnunni, en ásaka þá í staðinn fyrir
pólitíska kreddu, útþensluáform og ofsóknir gegn þjóðernisminnihluta.
3. að sjá auk þess til að sekt Bandaríkjamanna gleymist.
2
Hver sá sem fylgst hefur með ólýsanlegum erfiðleikum og þjáningum Víet-
nama og fengið nasasjón af háttum þeirra og menningu veit að engin
breyting hefur orðið á eðli og afstöðu fólksins eða flokksins. Það hlakkar
í borgarablöðunum um leið og þau kenna víetnömsku stjórninni um neyðar-
ástandið.
Neyðin er hins vegar afleiðing þess að skógarnir hafa verið eyðilagðir
kerfisbundið, jarðvegurinn eitraður, mangovetrén, sem styrktu flóðgarðana
og tryggðu rísuppskeruna, upprætt. Vegna þess að hinu náttúrlega jafn-
vægi er raskað hafa á regntímunum orðið flóð sem snerta fjórar milljónir
49
4 TMM