Dagblaðið Vísir - DV - 26.11.2010, Síða 24

24 erlent 26. nóvember 2010 föstudagur
Kosið verðum um vantraust á ríkis-
stjórn Silvios Berlusconis, forsætis-
ráðherra Ítalíu, þann 14. desember.
Síðastliðna helgi funduðu forsetar
efri og neðri deildar ítalska þingsins,
þeir Renato Schifani og Gianfranco
Fini, með Giorgio Napolitano, for-
seta Ítalíu. Ákveðið var að ganga fyrst
frá stöðugleikaáætlun fyrir ítalsk-
an efnahag áður en kosið yrði um
vantrauststillöguna, sem var borin
upp af ítalska Demókrataflokknum
og Flokki ítalskra gilda. Berlusconi
hefur látið hafa eftir sér að ef van-
trauststillagan verði samþykkt muni
það óhjákvæmilega leiða til nýrra
kosninga.
Flokkurinn í upplausn
Frelsisflokkur Berlusconis, sem
vann mikinn kosningasigur í þing-
kosningum árið 2008 er í mikilli
upplausn. Hann stofnaði flokkinn
ásamt Fini en eftir að þeim lenti illi-
lega saman ákvað Berlusconi að reka
Fini úr flokknum. Í kjölfarið varð til
flokksbrot sem er leitt af Fini, und-
ir nafninu Framtíðar- og frelsis-
hreyfingin. Fini sætti sig við að ríkis-
stjórnin sæti áfram eftir að hafa verið
rekinn úr flokknum, eða allt þang-
að til í byrjun nóvember – þegar
hann setti Berlusconi afarkosti. Vildi
hann að Berlusconi segði af sér, ell-
egar myndi hann draga þá ráðherra
sem tilheyra Framtíðar- og frelsis-
hreyfingunni úr ríkisstjórninni. Nú
hafa fimm ráðherrar sagt sig úr ríkis-
stjórninni síðan Fini setti Berlusconi
afarkostina.
Fyrirsætan farin
Á meðal ráðherranna sem hafa
yfirgefið ríkisstjórnina er Mara Carf-
agna, sem gegnir stöðu jafnréttis-
málaráðherra, en hún hefur jafnan
verið talin til helstu skjólstæðinga
Berlusconis. Carfagna er meðal ann-
ars þekkt fyrir útlit sitt, en hún vann
áður fyrir sér sem nærfatafyrirsæta
og hefur einnig tekið þátt í fegurðar-
samkeppnum. Hún var vænd um
ósæmileg tengsl við Berlusconi þeg-
ar hún var skipuð í ráðherraembætti
en nú hefur hún ákveðið að segja
skilið við ríkisstjórnina og fyrrver-
andi læriföður sinn. Hún hefur deilt
á Berlusconi fyrir að hafa ekki brugð-
ist við „ruslakreppunni“ í heimaborg
hennar, Napoli – en þar eru þúsund-
ir tonna af rusli á götum úti sem hef-
ur ekki verið hirt svo vikum skiptir.
Berlusconi sigurviss
Þrátt fyrir allt segir Berlusconi að
hann sé þess fullviss að vantrausts-
tillagan verði felld. Verði hún hins
vegar samþykkt ætlar Berlusconi að
ganga óhræddur til nýrra kosninga.
Hann hefur látið birta kannanir sem
sýna að 56 prósent Ítala eru ánægðir
með hans störf sem forsætisráðherra
en þess ber að geta að þessar kann-
anir hafa einungis birst í fjölmiðlum
sem eru í eigu Berlusconis sjálfs. Tal-
ið er nær lagi að rúmlega 30 prósent
Ítala séu ánægðir með störf glaum-
gosans frá Sardiníu.
VANTRAUST Á
BERLUSCONI
Forseti Ítalíu, Gi-
orgio Napolitano,
hefur fallist á að
kosið verði um
vantrauststillögu
á ríkisstjórnina
þann 14. desember
næstkomandi.
Silvio Berlusconi
er kokhraustur að
vanda, þrátt fyrir
að ráðherrar flýi
ríkisstjórnina einn
af öðrum.
BjörN teitSSoN
blaðamaður skrifar: bjorn@dv.is
Talið er nær lagi að rúmlega 30
prósent Ítala séu ánægð-
ir með störf glaumgos-
ans frá Sardiníu.
Nærfatafyrirsæta og ráðherra
MaraCarfagnahefurákveðiðað
yfirgefaríkisstjórnina.
Silvio Berlusconi
Hefurummargtað
hugsaþessadagana.
Lín Design / Laugavegi 176 / Sími 533 2220 / www.lindesign.is
Íslensk jólahönnun
Mjúka jólagjöfin fyrir
alla fjölskylduna
Kíktu í vefverslun
www.lindesign.is
Ekkert sendingargjald!
Skattalækkanir
handa konum
Alþjóðagjaldeyrissjóðurinn hefur
gefið írsku ríkisstjórninni ýmis
ráð til að vinna bug á kreppunni
þar í landi. Eitt þeirra er að lækka
tekjuskatt um 5 prósent, en sú
lækkun á bara að ná til kvenna.
Telur Alþjóðagjaldeyrissjóður-
inn að með því móti sé hægt að
hvetja heimavinnandi konur til að
snúa aftur út á vinnumarkaðinn
og bæta þar með við þjóðarfram-
leiðslu. Ekki eru allir á eitt sáttir
við tillöguna, en vinsæll útvarps-
þáttastjórnandi í Írlandi sagði að
„öllu fé sem konur eigi eftir að
vinna sér inn verði eytt í verslun-
arferðir og hárgreiðslu.“
Týndir í hafi í 50
daga en lifðu af
Þrír piltar á táningsaldri frá Sam-
óa-eyjum var bjargað af túnfisk-
veiðiskipi á miðvikudaginn, eftir
að hafa velkst um á Kyrrahafi síð-
an 5. október þegar þeir týndust í
hafi. Piltarnir, tveir 15 ára og einn
14 ára, voru taldir af eftir árang-
urslausa leit þar sem nýsjálensk-
um herþotum var meðal annars
beitt. Fundust piltarnir rétt undan
ströndum Fiji-eyja, eða í um 1.400
kílómetra fjarlægð frá þeim stað
sem þeir týndust. Þeir höfðu ein-
ungis drukkið regnvatn og deilt
með sér tveimur kókoshnetum
þann tíma sem þeir voru týndir,
auk þess sem þeir skiptu með sér á
einum sjófugli.