Dagblaðið Vísir - DV - 26.11.2010, Qupperneq 36

36 VIÐTAL UMSJÓN: XXXXX xxx@dv.is 26. nóvember 2010 FÖSTUDAGUR
Y rsa Sigurðardóttir hefur verið spör á viðtöl í gegn-um tíðina. „Ég tek sjálfa mig ekki sérlega hátíð-
lega og finnst ég ekkert áhugaverð
persóna þótt ég skrifi bækur. Það er
líka ekki hægt að fara í mörg viðtöl,
þau verða fljótt endurtekning og þá
verður maður bara leiðinlegur fyrir
allra augum.“
En Yrsa er allt annað en hefð-
bundin. Hún hóf feril sinn sem
barnabókahöfundur og breytti svo
yfir í blóðugar glæpasögur með lög-
fræðinginn Þóru í fararbroddi. Yrsa
er nálægt því að gera Þóru ódauðlega
en hún hefur nýverið selt útgáfurétt-
inn til Þýskalands og stendur til að
gera spennuþáttaröð með lögreglu-
konunni fræknu í aðal hlutverki.
Með nýjustu bók sinni er hún
komin á enn aðrar slóðir því að
þótt börn komi við sögu er hún
mergjuð hryllingssaga.
Sígandi lukka
Yrsa hefur verið fastagestur í jóla-
bókaflóðinu í þó nokkur ár og
henni hefur ekki einungis tekist að
vinna hylli Íslendinga heldur virð-
ist heimsbyggðin öll ólm vilja fá að
lesa um afdrif Þóru og sakamála-
rannsóknir hennar því bókunum
hefur verið dreift í hátt í hundr-
að löndum. Sjálf segir Yrsa síg-
andi lukku besta í þessum efnum.
Stundum gangi vel og stundum
gangi hægt. „Ég tek þessu öllu með
jafnaðargeði, ég vonast til þess að
íslensk leikkona fari með hlutverk
Þóru í þáttunum, en eflaust hef ég
ekkert að gera með það. Það verð-
ur forvitnilegt að fylgjast með.“
Æskuárin í Bandaríkjunum
Foreldrar Yrsu eru Sigurður B. Þor-
steinsson læknir og Kristín Halla
Jónsdóttir. Þau fluttu með Yrsu og
systur hennar Ýri til Texas í Banda-
ríkjunum þegar hún var átta ára.
„Ég bjó í suðurríkjum Banda-
ríkjanna í fjögur ár. Ég bý líklega að
því alla ævi að hafa flutt búferlum.
Ég fór úr Hafnarfirðinum til Texas
og frá Texas aftur til Hafnarfjarðar
þaðan sem við fluttum svo á Sel-
tjarnarnes. Ég var alltaf að skipta
um umhverfi og skóla og þurfti því
að aðlagast nýju lífi reglulega. Það
er börnum oft hollt. Ég held ég hafi
öðlast góða félags- og aðlögunar-
hæfni á þessum stakkaskiptum.“
Las eina bók á dag
Yrsa var gríðarlegur lestrarhestur
sem barn. Hún segist nánast hafa
gleypt í sig bækur. Eitt árið ætlaði
hún sér að lesa eina bók á dag í
heilt ár.
„Það tókst næstum því,“ seg-
ir hún hlæjandi. „Ef ég hefði ekki
ákveðið að lesa þá löngu bók Á
hverfanda hveli hefði mér líklega
tekist það.“ Yrsa segist hafa les-
ið flest sem hönd á festi. „Ég réðst
til atlögu við bókaskápinn og las
hann upp til agna. Kannski var
það vegna þess að ég var stundum
hálfvinalaus í nýjum aðstæðum að
ég hafði allan þennan tíma en ég
hallast þó frekar að því að lestur-
inn hafi verið ástríða.“
Yrsa segist hins vegar ekki hafa
leitt hugann að því að verða rithöf-
undur fyrr en á seinni árum. „Rit-
störfin heilluðu mig ekki fyrr en
seint og síðar meir. Þegar ég var
yngri leiddi ég hugann að því að
verða læknir eins og faðir minn
en útilokaði það svo á unglingsár-
unum. Stærðfræðin lá svo vel fyr-
ir mér.
Ritstörf mín hófust einfaldlega
með því að ég settist niður við að
skrifa. Þannig horfa ritstörfin við
mér. Þau eru ekki þannig að and-
inn komi yfir þig og stýri þér í
gegnum það mikla verk að skrifa
heila bók. Það þarf að sitja við
þetta löngum stundum og einbeita
sér að skrifunum.“
HRYLLINGS-
AMMAN
Yrsa Sigurðardóttir rithöfundur kann að hræða úr landanum
líftóruna með eðalhryllingi í spennubókum sínum. Þrátt fyrir að bera
aldurinn einstaklega vel er Yrsa stundum kölluð hryllingsamman
sem er viðurnefni sem bæði henni og barnabarni hennar finnst
hrikalega töff. Kristjana Guðbrandsdóttir ræddi við Yrsu um
unglingsárin og ungdóminn, þrálátar sögusagnir um að hún skrifi
líka undir höfundarnafninu Stella Blómkvist og neikvæðni í þjóðfé-
laginu sem slái allan hrylling út.
MYNDIR SIGTRYGGUR ARI
UM YRSU
Yrsa Sigurðardóttir sendi frá sér
sína fyrstu barnabók, Þar lágu
Danir í því, árið 1998. Á eftir komu
barna-/unglingabækurnar Við
viljum jól, í júlí (1999), sem hlaut
viðurkenningu Barnabókaráðs
Íslands, Barnapíubófinn, Búkolla
og bókarránið (2000), B 10 (2001)
og Biobörn (2003) sem hlaut Íslensku
barnabókaverðlaunin það ár.
Fyrsta „fullorðinsbók“ Yrsu, spennu-
sagan Þriðja táknið, kom út árið
2005. Hún hlaut mjög góðar
viðtökur og hefur verið þýdd á
sjö tungumál. Eftir það komu Sér
grefur gröf (2006), Aska (2007)
Auðnin (2008) Horfðu á mig (2009)
og Ég man þig (2010).
Til þess að hafa góða yfirsýn set
ég atburðarásina upp í
Excel-töflu.