Dagblaðið Vísir - DV - 26.11.2010, Page 54

54 VIÐTAL 26. nóvember 2010 FÖSTUDAGUR
Ragnheiður Ragnarsdótt-ir sundkona segist alveg ófeimin við að sitja fyrir. „Ég
geri þetta fyrst og fremst vegna þess
að mér finnst það skemmtilegt og
áhugavert, hins vegar þá er það stað-
reynd að það er dýrt að sinna atvinnu-
mennsku í sundi,“ segir Ragnheiður.
„Ég þarf að borga fyrir keppnisferðir
og ég þarf að æfa alla daga og því get
ég ekki stundað launaða vinnu. Úti
í heimi er það algengt fyrirkomulag
að íþróttafólk tryggi sér auglýsinga-
samninga, bakhjarla og að það sitji
fyrir. Það er ekkert athugavert við það
að íþróttamenn sem hafa ástríðu fyr-
ir íþróttinni leiti sér styrkja með öll-
um ráðum. Mamma og pabbi standa
þétt við bakið á mér. Ég hefði aldrei
náð svona langt án þeirra. Atvinnu-
mennskunni fylgja miklar fórnir. Ég
hef eytt öllu mínu fé í sundið og hef
því til dæmis aldrei getað fest kaup á
íbúð eða slíku þótt það standi auðvit-
að til í framtíðinni. Ég er þeim afskap-
lega þakklát fyrir stuðninginn.“
Ragnheiður segist hafa feng-
ið mjög jákvæð viðbrögð við þeim
myndum sem hafa birst af henni.
Ljósmyndarinn Arnold Björnsson
tók af henni kynþokkafullar myndir
sem birtust á vefsvæði Pressunnar og
þá var Ragnheiður á nýjustu forsíðu
tímaritsins Nýs Lífs. „Ég hef fengið já-
kvæð viðbrögð við myndunum og til-
boð um fyrirsætustörf úti í heimi. Ég
hef farið í nokkrar myndatökur nú
þegar fyrir erlend tímarit. Ég fékk
mér umboðsmann nýverið, Tinnu
Róberts dóttur, og hún mun sjá um að
leggja rækt við þau tækifæri sem mér
bjóðast og líta í kringum sig fyrir mig.
Ég geri það af nauðsyn enda mikið
um að vera hjá mér þessa dagana.“
Leiklistin heillar líka
Ragnheiður er nú stödd í Hollandi
að keppa á Evrópumóti og leggur
af stað eftir helgi til Dúbaí þar sem
hún keppir á heimsmeistaramóti um
miðjan desember. Hún ferðast mik-
ið um heiminn vegna keppna og æf-
inga og segir verkefnin takmarkast
þess vegna.
„Ég hef fengið tilboð um að leika
í kvikmyndum og ég hef þurft að
hafna þeim tilboðum. Ég hef hins
vegar mikinn áhuga á leiklist og
langar til að leggja rækt við hana
seinna meir, sækja leiklistartíma og
efla hæfni mína. Tökur á kvikmynd
eru hins vegar langt ferli og og það
myndi raska æfingum og þar með
ferlinum. Ég hef lagt svo mikið und-
ir í sundinu að ég myndi aldrei hætta
þeim árangri. Leiklistin verður því að
bíða betri tíma þótt ég myndi athuga
öll tækifæri sem mér byðust.“
Kynþokki er stór hluti af lífinu
Ragnheiður er opinská kona og
er ekki í vandræðum með að sýna
kynþokka sinn. Margar myndanna
af henni eru enda djarfar og kyn-
þokkafullar. „Ég hef heilbrigt sjálfs-
traust og líkami minn er sterkur og
eflaust þykir mörgum hann falleg-
ur. Ég hræðist ekki kynþokkann.
Kynþokki er stór hluti lífs okkar og
ekkert sem þarf að fara í felur með.
Best er þegar honum er teflt fram af
jákvæðni og heilbrigði. Ætli okkur
skorti ekki góðar fyrirmyndir þar?
Því nóg er af þeim slæmu í þessum
heimi.“
Strangt mataræði
Stinnur líkami Ragnheiðar vekur
eftitekt. Hún er stolt af honum seg-
ist hugsa vel um líkamann þegar
hún stundar æfingar hvað mest. „Ég
borða mikið af grænmeti, ávöxtum,
góðri fitu og próteinum. Ég tek syk-
ur alveg út úr fæðuvalinu og borða
lítið af pasta og brauði. Ef ég dett í
einhverjar freistingar þá finnst mér
gott að fá mér nachos-flögur.“
Kærasti Ragnheiðar er Logi
Brynjarsson matreiðslumaður á
veitingastaðnum Höfninni. „Hann
er að læra inn á strangt mataræði
mitt,“ segir Ragnheiður. „Það er
auðvitað alger synd að ég megi ekki
dýfa mér í það sem honum þykir
skemmtilegt að elda en hann er svo
mikill meistari að hann getur eld-
að handa mér frábæran og hollan
mat.“
Ragnheiður Ragnarsdóttir, sundkona og afreksíþróttakona, er
komin með umboðsmann og stefnir hátt í fyrirsætubransanum.
Djarfar myndir hafa birst af henni á netinu og í tímaritum sem
gefa í skyn að hún sé óhrædd við að tefla fram kynþokka sínum.
STOLT
af stinnum líkama
Ég hef heilbrigt sjálfstraust og
líkami minn er sterkur
og eflaust þykir mörgum
hann fallegur. Ég hræð-
ist ekki kynþokkann.
Heitar myndir Ragnheiður
segist hafa fengið gífurlega jákvæð
viðbrögð við myndunum og tilboð
um fyrirsætustörf úti í heimi. „Ég
hef farið í nokkrar myndatökur nú
þegar fyrir erlend tímarit. Ég fékk mér
umboðsmann nýverið.“
Leiklistin heillar Þótt Ragnheiður hafi fengið tilboð um að leika í kvikmyndum
hefur hún ekki getað þegið þau hingað til. Hún segist þó hafa mikinn áhuga á leiklist
og ætlar að efla sig á því sviði.
Atvinnumennskunni fylgja miklar fórnir Foreldrar Ragnheiðar styðja dóttur sína
alla leið enda er afar kostnaðarsamt að sinna atvinnumennsku af heilum hug.