Dagblaðið Vísir - DV - 19.08.2011, Blaðsíða 2

2 | Fréttir 19.–21. ágúst 2011 Helgarblað
Jónína hótaði
Thelmu
Thelma
Ásdísar-
dóttir, ráðgjafi
fórnarlamba kyn-
ferðisofbeldis,
segist hafa fengið
hótunarsímtal frá
Jónínu Benedikts-
dóttur, eiginkonu Gunnars Þorsteins-
sonar í trúfélaginu Krossinum. Tilefni
símtalsins var að Thelma hefur veitt
sjö konum, sem saka Gunnar um
kynferðisofbeldi, ráðgjöf. Thelma til-
kynnti lögreglu um atvikið.
„Í fyrsta lagi fannst mér það styðja
þeirra frásögn hvað þær voru margar.
Síðan kom annað til sem ég get ekki
greint frá því þá væri ég að brjóta
trúnað, og það getur hver lesið í
það eins og hann vill, sem varð þess
valdandi að ég trúði þeim,“ segir
Thelma um upphaf málsins.
Rannsaka
kvótasvindl
Þorsteinn
Erlings-
son, eigandi út-
gerðarfyrirtækis-
ins Saltvers, var
stjórnarformaður
Reykjaneshafnar
á sama tíma og
meint löndunars-
vindl fyrirtækis-
ins á að hafa viðgengist við höfnina.
Heimildir DV herma að honum verði
gert að greiða yfir 200 milljónir króna
til Fiskistofu vegna meints svindls.
Fyrrverandi starfsmaður Saltvers hef-
ur sakað fyrirtækið um gróft löndun-
arsvindl. Málið hefur verið til rann-
sóknar hjá Fiskistofu undanfarna
mánuði. Þorsteinn, sem er fyrrver-
andi bæjarfulltrúi og stjórnarmaður
í Sparisjóði Keflavíkur, hefur ekkert
viljað tjá sig um málið við DV.
Árangurslaust
fjárnám
Tollstjórinn
í Reykjavík
gerði árangurs-
laust fjárnám hjá
Jóni Ólafssyni,
eiganda vatns-
fyrirtækisins Ice-
landic Glacial í
Ölfusi, fyrr á árinu samkvæmt heim-
ildum DV. Lánardrottnar Jóns, meðal
annars Landsbankinn, munu þar af
leiðandi getað óskað eftir því að bú
Jóns verði tekið til gjaldþrotaskipta
þar sem hann á ekki eignir til að
greiða útistandandi lán sín þar sem
fjárnámið var árangurslaust. Fjár-
námið er eitt af þeim atriðum sem
skipta máli í dómsmáli sem Lands-
bankinn hefur höfðað gegn Jóni
vegna um 420 milljóna króna sjálf-
skuldarábyrgðar sem hann gekkst í
vegna láns til eignarhaldsfélags.
Fréttir vikunnar í DV
1 2 3
V
atnskóngurinn Jón Ólafs-
son dvaldi í Hornvík í þrjá
daga um miðjan júlí. Jón var
þar í för ásamt fjölskyldu
sinni og öðru fólki, meðal
annars fjölskyldu frá Los Angeles í
Bandaríkjunum. Þetta er ekki í fyrsta
sinn sem Jón dvelur í Hornvík norð-
ur á Ströndum því hann dvaldi þar
líka í fyrra.
Það stóð víst til að Jón dveldi
í Hornvík ásamt bandaríska leik-
stjóranum Kevin Reynolds en ekk-
ert varð af því þetta árið. Kevin þessi
er hvað þekktastur fyrir að hafa leik-
stýrt myndum á borð við Robin
Hood: The Prince of Thieves og Wa-
terworld. Kevin var á ferðalagi um
Vestfirði fyrir tveimur árum og fór
þá meðal annars til Hornvíkur. Hann
fór afar fögrum orðum um Horn-
strandir að því er fram kom á vef ís-
firska fréttamiðilsins Bæjarins besta
en lét ekki eins vel af bátsferðinni,
enda ekki reyndur sjóhundur þó svo
hann hafi séð um að leikstýra mynd-
inni Waterworld sem gerðist mest öll
á hafi úti.
Lét ferja vatn til Hornvíkur
Hópurinn gisti í tjöldum í Hornvík
þetta árið en það þótti furðu sæta hjá
heimamönnum þegar fréttist að Jón
hefði látið ferja drykkjarvatn til Horn-
víkur, þar sem í raun er nóg af því.
Drykkjarvatn Jóns var að sjálfsögðu
hans eigin framleiðsla sem nefnist
Icelandic Glacial. Upphaflega vildi
Jón fá að ferja heilt bretti af hálfs lítra
vatnsflöskum með Icelandic Glacial
til Hornvíkur en varð þó ekki að ósk
sinni þar sem magnið var svo mikið.
Hann fékk því einungis að ferja átta
kippur af vatnsflöskum til Hornvíkur.
Í för með hópnum var leiðsögu-
maður. Fóru góðar sögur af Jóni sem
göngumanni og kom það í raun á
óvart hversu þróttmikill hann var og
frár á fæti. Hann gekk um allt svæðið
og skoðaði meðal annars hið marg-
rómaða Hornbjarg.
Athafnamaðurinn Jón
Jón á hlut í vatnsfyrirtækinu Ice-
landic Water Holdings ehf., sem
framleiðir Icelandic Glacial
drykkjarvatn. Fyrr á þessu ári greindi
DV frá því að fyrirtækið væri yfir-
veðsett en skömmu síðar birtist við-
tal við Jón í tímaritinu Mannlífi. For-
síðufyrirsögnin var á þá leið að Jón
haldi „ískaldur“ á djúpið við endur-
fjármögnun vatnsverksmiðju sinnar
í Ölfusi. DV birti nú síðast frétt um
Jón á miðvikudag þar sem greint var
frá því að tollstjórinn í Reykjavík hafi
gert árangurslaust fjárnám hjá Jóni
Ólafssyni í maí á þessu ári.
Fjárnámið var gert vegna tæp-
lega 33 milljóna króna skuldar Jóns
við tollstjóraembættið, að því er
fram kemur í endurriti úr gerðarbók
sýslumannsins í Reykjavík sem DV
hefur undir höndum.
n Vatnskóngurinn Jón Ólafsson lét ferja Icelandic Glacial til Hornvíkur n Dvaldi
þar í þrjá daga ásamt fjölskyldu og vinum n Jón þótti vera mikill göngugarpur
Jón vildi drekka
sitt vatn í Hornvík
Birgir Olgeirsson
blaðamaður skrifar birgir@dv.is
„Upphaflega vildi
Jón fá mun meira
vatn ferjað til Hornvíkur en
varð þó ekki að ósk sinni.
Icelandic Glacial Athafnamaðurinn Jón Ólafsson lét ferja sína eigin framleiðslu til Hornvíkur.
Hornvík Jón dvaldist í Hornvík ásamt fjölskyldu sinni og kunningjum.
www.xena.is
Mikið af
fínum skóm í
leikfimina
no3 - st. 36-41 verð kr. 2500.-
Opið virka daga 11-18
laugardag 11-16
Grensásvegur 8 og Nýbýlavegur 12 - Sími 517 2040
SKÓMARKAÐUR
no2 - st. 41-46 verð kr. 6795.-
no1 - st. 28-35 verð kr. 3995.-
TILBOÐ
Þráinn Bertelsson:
„Kvikmynda-
gerð mun lifa“
„Þetta er embættismannakerfið í
sinni ljótustu mynd og aðgerða-
leysi Katrínar Jakobsdóttur sem
fór í leyfi áður en málið var leyst.
Það hefði átt að leysa þetta fyrir
fimm mánuðum,“ segir Þráinn
Bertelsson, þingmaður Vinstri-
grænna, en hann hefur sagt að
hann styðji ekki fjárlög ríkisstjórn-
arinnar nema lausn verði fundin í
málefnum Kvik-
myndaskólans.
Kvikmyndaskóli
Íslands fær ekki
aukið framlag
frá mennta -og
menningar-
málaráðuneyt-
inu þar sem
skólinn hefur
ekki sýnt fram á að hann geti upp-
fyllt skilyrði reglugerðar um viður-
kenningu einkaskóla á framhalds-
skólastigi að því er rekstrarhæfi
varðar. „Þetta er óskaplega dap-
urlegt og ótrúlegt hvernig bæði
embættismenn í menntamála-
ráðuneytinu og stjórnmálamenn
hafa fjandskapast í kvikmynda-
gerð sem er sú listgrein sem veltir
mestum fjármunum og skapar
flest afleidd störf.“
Þráinn segist ekki óttast um ís-
lenska kvikmyndagerð en segir að
enginn skilningur sé á því að fólk
þurfi að læra iðnina. „Kvikmynda-
gerð mun lifa í þessu landi, sama
hvað nátttröllin gera, en þetta
gerir þeim það ekki auðveldara.
Það er fullkomin skilningur á því
að fólk þurfi að læra lögfræði en
ekki kvikmyndagerð,“ segir Þrá-
inn. Í tilkynningu frá ráðuneytinu
segir að það geti ekki mælt með
auknum ríkisframlögum til Kvik-
myndaskólans og Ríkisendurskoð-
un geti það ekki heldur á meðan
svo mikil óvissa ríki um rekstur
skólans. Ráðuneytið bíður nú eftir
upplýsingum um áform skólans
um næstu skref og þá með hvaða
hætti ráðuneytið getur komið
að þeim skrefum með hagsmuni
nemendanna að leiðarljósi.
astasigrun@dv.is