Dagblaðið Vísir - DV - 19.08.2011, Blaðsíða 6

6 | Fréttir 19.–21. ágúst 2011 Helgarblað
G
unnar Ólafsson, fimm-
tugur Reykvíkingur og for-
maður víkingafélagsins
Einherja, má ekki breyta
nafni sínu í fornu orðmynd-
ina Víkingr samkvæmt nýlegum úr-
skurði mannanafnanefndar. For-
maðurinn, sem er titlaður jarl vegna
stöðu sinnar innan víkingafélagsins,
er ekki sáttur við þessa niðurstöðu
nefndarinnar og hyggst leita ann-
arra leiða til að breyta nafni sínu.
Orðið víkingr kemur víða fyr-
ir í íslensku fornsögunum en sam-
kvæmt fornu máli gat r staðið í enda
orðs á eftir öðrum samhljóða. Síð-
ar var stafnum u stungið inn á milli
síðustu tveggja stafanna í orðinu.
Gunnar er ekki par hrifinn af þessu
u-i í orðinu sem hann telur með öllu
óþarft. „Þetta u pirrar mig.“
Ástæðan fyrir því að Gunnar vill
breyta nafninu sínu er sú að hann
segist alltaf hafa verið víkingur í
sér, alveg frá því hann var barn. „Ég
er víkingur í mér; mér hefur alltaf
liðið þannig.“ Gunnar hefur fengið
útrás fyrir víkingaáhuga sinn með
þátttöku í víkingafélaginu sem var
stofnað árið 2008. Þar sem Gunn-
ar er formaður félagsins er hann
titlaður jarl innan þess. Meðlim-
ir félagsins, sem eru 15 talsins um
þessar mundir, hittast reglulega í
gömlum bragga í Nauthólsvík. „Við
erum að skylmast og segja sögur
og svo erum við fengnir í alls konar
uppákomur.“
Átti að heita Víkingur Þór
Gunnar segir að hann hafi orðið
furðu lostinn fyrir einum og hálf-
um mánuði þegar móðir hans til-
kynnti honum að hún hefði viljað
nefna hann Víking Þór. Faðir hans
vildi hins vegar að hann fengi nafnið
Gunnar eftir afa hans. „Ég fékk sjokk
og sagðist nú skilja af hverju ég hefði
alltaf verið svona mikill víkingur í
mér sem barn. Ég bjó í Bandaríkjun-
um í tuttugu ár en ég skildi aldrei af
hverju ég hafði alltaf þennan mikla
víkingaáhuga. Mamma svaraði svo
mörgum spurningum fyrir mér með
því að segja mér að ég hefði átt að
heita Víkingur Þór,“ segir hann.
Í kjölfarið á þessari opinberun
ákvað Gunnar að reyna að fá nafni
sínu breytt í Víkingr. Orðið hefur hins
vegar alltaf verið honum ofarlega
í huga enda er víkingaáhugi hans
mikill. Til að mynda hefur hann verið
með einkanúmerið Víking í 15 ár. „Ég
var þriðji í röðinni til að fá mér einka-
númer hér á landi árið 1996. Bílnúm-
erið mitt er Víking.“
Víkingr sagt brjóta í bága
við nútímamál
Í úrskurði mannanafnanefndar um
nafnið Víkingr kemur fram að nafn-
ið brjóti í bága við málkerfi nútíma-
máls. „Hljóðskipan sú sem fram
kemur í nafninu Víkingr brýtur í bága
við málkerfi nútímamáls og lög um
mannanöfn miðast við það málkerfi.“
Gunnar er þó ekki af baki dottinn
því hann segist nú ætla að sækja um
að fá að breyta nafninu sínu í Víking
– hann vill ekki heita Víkingur út af
u-inu í orðinu sem hann er svo lít-
ið hrifinn af. Ef mannanafnanefnd
samþykkir ekki það nafn er annar
möguleiki, að flytja utan, til dæm-
is til Noregs eða Bandaríkjanna, í
skamman tíma og breyta nafninu
þar úti og flytja svo aftur til Íslands
í kjölfarið. Gunnar er því reiðubúinn
að leggja ýmislegt á sig til að láta
drauminn um nafnið Víkingr eða
Víking rætast.
n Gunnar Ólafsson er ósáttur við mannanafnanefnd n Segist vera víkingur í sér
n Ætlar nú að sækja um nafnið Víking n Er formaður víkingafélagsins Einherja
Má ekki heita Víkingr
Ingi Freyr Vilhjálmsson
fréttastjóri skrifar ingi@dv.is
Í fullum herklæðum Gunnar sést hér í víkingaklæðnaði ásamt tveimur félögum sínum.
Hann er formaður víkingafélagsins Einherja sem er hópur manna sem hittist í herklæðnaði
til að skylmast, ganga berserksgang og segja sögur, í anda víkinga. Gunnar er í miðjunni, líkt
og formanni sæmir.
Víkingur í sér Gunnar segist vera
víkingur í sér og að hann hafi átt að
heita Víkingur Þór. Hann vill fá að breyta
nafninu sínu í Víkingr en fær ekki.
mynd SiGtryGGur ari
„Ég er víkingur í
mér; mér hefur
alltaf liðið þannig.
Skiptum lokið á félögum í eigu starfsmanna Icebank:
Rúmlega tveggja milljarða gjaldþrot
Búið er að ljúka skiptum á þremur
gjaldþrota félögum sem voru í eigu
starfsmanna Sparisjóðabanka Ís-
lands, Icebank. Félögin þrjú voru
notuð til að fjármagna hlutabréfa-
kaup starfsmannanna á bréfum í
Icebank árið 2007. Félögin heita
HDH Invest, Saltsalan og Óseki.
Stærstu skuldirnar voru inni
í félaginu HDH Invest sem var í
eigu Agnars Hanssonar, fyrrver-
andi forstjóra Icebank. Lýstar kröf-
ur í búið námu rúmum 1.400 millj-
ónum króna. Engar eignir voru í
búinu.
Hin félögin tvö, Saltsalan, sem
er í eigu Önnu Þórunnar Reynis
sem var aðstoðarframkvæmda-
stjóri viðskiptabankaþjónustu, og
Óseki, sem er í eigu Ólafs Styrmis
Ottóssonar sem var framkvæmda-
stjóri erlendra viðskipta og stað-
gengill bankastjóra. Kröfur í bú
Saltsölunnar námu rúmum 500
milljónum króna og kröfurnar í bú
Óseka námu rúmum 300 milljón-
um króna. Engar eignir fundust í
þessum tveimur búum.
Líkt og DV greindi frá fyrr á
árinu breyttu stjórnendur Ice-
bank reglum bankans til þess að
þeir gætu lánað starfsmönnum
hans fjármuni til hlutabréfakaupa
í honum árið 2007.
ingi@dv.is
Félag agnars stærst Skiptalokum er
lokið í þremur eignarhaldsfélögum sem
voru í eigu starfsmanna Icebank. Kröfur í bú
Agnars Hanssonar forstjóra námu rúmum
1.400 milljónum króna.
Saman á
Menningarnótt
Saman-hópurinn hvetur foreldra
til að fylgja börnum sínum og ung-
lingum í bæinn á Menningarnótt og
njóta dagskrárinnar saman.
Hann bendir á að útivistartíminn
er í fullu gildi á Menningarnótt og
þrátt fyrir að sumartíminn geri ráð fyr-
ir að börn 12 ára og yngri séu ekki úti
eftir kl. 22 og unglingar yngri en 16 ára
ekki úti eftir kl. 24 þurfi að taka mið af
aðstæðum hverju sinni og foreldrar
beri ábyrgð á börnum sínum og ung-
lingum. Allajafna safnast mikill fjöldi
fólks í miðborg Reykjavíkur á Menn-
ingarnótt. Því er mikilvægt að foreldr-
ar hugi að því að börn og unglingar
séu ekki eftirlitslaus í miðborginni.
Síðasta ár var nokkur umfjöllun í fjöl-
miðlum um ölvun í kjölfar dagskrár
Menningarnætur og bágt ástand ölv-
aðra unglinga sem fluttir voru í Mið-
bæjarathvarf af lögreglu.
Saman-hópurinn hvetur því for-
eldra til að elska börnin sín óhikað og
setja þeim skýr mörk á Menningar-
nótt – sem og aðra daga. Lögreglan á
höfuðborgarsvæðinu tekur undir orð
hópsins og hvetur foreldra til að fylgja
börnum sínum og unglingum í bæinn
á Menningarnótt og njóta dagskrár-
innar saman. Samvera foreldra og
unglinga er ein besta forvörnin.
Emmy-tilnefning
RÚV hefur verið tilnefnt til alþjóð-
legra Emmy-verðlauna fyrir frétta-
flutning af eldgosinu í Eyjafjalla-
jökli í fyrravor. Tilnefningin er fyrir
bestu fréttaumfjöllun, en auk RÚV
eru Sky News, TV Globo í Brasi-
líu og ABS-CBN á Filippseyjum til-
nefnd til verðlaunanna í ár. Þetta
er í fyrsta sinn sem íslenskur miðill
er tilnefndur fyrir fréttaumfjöllun.
Tilkynnt verður um verðlaunin við
hátíðlega athöfn í Lincoln Center í
New York 26. september næstkom-
andi. Alþjóðlegu Emmy-verðlaunin
eru veitt árlega en aðild að sam-
tökunum sem veita verðlaunin eiga
fagmenn úr skemmtanaiðnaði og
fréttaheiminum frá 50 löndum og
500 fyrirtækjum.
Slösuð við
Rauðhóla
Hjálparsveitir skáta í Reykjavík og
Kópavogi sóttu konu á fimmtudag
sem var slösuð rétt við Rauðhóla.
Ekki er vitað nákvæmlega um tildrög
slyssins en konan var ein á gangi og
var talið að hún væri ökklabrotin.
Björgunarmenn báru hana sex til
átta hundruð metra leið að björgun-
arsveitarbíl sem flutti konuna á stað
þar sem sjúkrabíll komst að. Konan
mun hafa hringt sjálf eftir aðstoð.