Dagblaðið Vísir - DV - 19.08.2011, Page 46

46 | Lífsstíll 19.–21. ágúst 2011 Helgarblað
Beikon og
blóðberg í
uppáhaldi
Samkvæmt sjónvarpskokkn-
um Tyler Florence notum við
ekki nógu mikið af blóðbergi,
öðru nafni timjan, í matargerð
en kryddið er í sérstöku upp-
áhaldi hjá stjörnukokknum.
„Ef ég á að velja eitthvað sem
ég get ómögulega verið án í
eldhúsinu er það svínakjöt.
Beikon gerir allt betra. Einnig
er ólívuolían algjörlega ómiss-
andi en í kryddinu er það
ferskt blóðberg sem verður
fyrir valinu. Sama hver árs-
tíðin er. Stundum eru salvían
og rósmarínið of kröftug krydd
en að mínu mati er blóðbergið
alltaf viðeigandi,“ sagði Flo-
rene í spjalli hjá sjónvarps-
þáttadrottningunni Opruh
Winfrey.
Unglinga-
ólétta er
smitandi
Unglingsstúlkur eru líklegri til
að verða ungar mæður ef eldri
systir þeirra eignaðist barn á
unglingsaldri. Þetta kem-
ur fram í rannsókn vísinda-
manna í Bretlandi og í Nor-
egi á gögnum yfir 40 þúsund
norskra stúlkna. Áhrif eldri
systurinnar eru mest þegar
systurnar eru á svipuðum aldri
eða þær koma úr fátækum
fjölskyldum. „Systur umgang-
ast hvor aðra meira en þær
umgangast vini og skólafélaga
og eru því líklegar til að verða
fyrir áhrifum hvor frá annarri,“
segir í fréttatilkynningu frá
vísindamönnum sem stóðu að
rannsókninni. Samkvæmt nið-
urstöðunum jukust líkurnar á
unglingaóléttu um 20 prósent
ef stelpur áttu eldri systur sem
varð ung mamma.
Geta haft
slæm áhrif
Samkvæmt sérfræðingum við
Cornell-háskólann og háskól-
ann í Chicago hefur of náið
samband hennar við vini hans
slæm áhrif á ástarlíf hjóna.
Sér í lagi ef karlmaðurinn er á
aldrinum 57–68 ára. Ástæðan
er ekki afbrýðisemi. „Karlmað-
ur sem finnst sem hann hafa
misst tengingu við besta vin-
inn til eiginkonunnar upplifir
það sem árás á karlmennsku
sína,“ segir Edward Laum-
ann, höfundur rannsóknar-
innar, en samkvæmt honum
eru karlmenn í þessari stöðu
92% líklegri til að þróa með
sér risvandamál. Rannsóknin
birtist í American Journal of
Sociology.
É
g fékk bara nóg og ákvað
einn daginn að hætta
að vera svona feit,“ seg-
ir Anna Lovísa Þorláks-
dóttir, 21 árs Hafnar-
fjarðarmær, sem hefur lést um
40 kíló á tveimur og hálfu ári.
Anna Lovísa segist alltaf hafa
verið feit. „Ég var feitur krakki
og þótt ég hafi æft fótbolta í 14
ár var ég alltaf í yfirþyngd. Ég
var með astma og var á pústi,
með lélegt bak og hnén slöpp.
Ég var í rauninni 17 ára gam-
almenni,“ segir Anna Lovísa
sem tók málin í eigin hendur.
Hreinsaði til í mataræðinu, tók
út brauð, pasta og nammi og
var með einn nammidag. „Svo
fór ég að mæta í ræktina og ár-
angurinn lét ekki á sér standa.
Á fyrstu 12 vikunum hafði ég
náð af mér mér tíu kílóum. Ég
sá að þetta var hægt en smám
saman fór þetta að verða erfið-
ara svo ég skráði mig í fjarþjálf-
un og fór að lyfta lóðum. Þá
fór þetta að vera meira alvöru
hjá mér. Kílóin héldu áfram að
hrynja af en ég fór líka að fá lín-
ur og flottara líkamsform.“
Anna Lovísa segir að það
hafi tekið langan tíma að sí-
ast inn að hún væri ekki leng-
ur feita vinkonan í hópnum.
„Mér fannst ég enn þá feita-
bolla. Eftir að hafa verið feit
svona lengi og hafa brotið
sjálfa mig svona mikið nið-
ur er erfitt að snúa við. Í vor
í fyrsta skiptið gerði ég mér
loksins grein fyrir að ég væri
ekki feit lengur,“ segir Anna
Lovísa sem hafði prófað alla
mögulega kúra. „Ég var búin
að reyna allt. Nema að hætta
að borða og gubba,“ segir hún
og viðurkennir að hún vildi
óska að hún hefði breytt lífs-
stílnum fyrr svo hún hefði
ekki upplifað unglingsárin í
yfirþyngd. „Ég upplifi eftirsjá
en það þýðir ekkert. Maður
verður bara að vera sátt við að
hafa þó byrjað á þessum degi.
Ég vildi ekki vera 166 cm og
104 kíló í dag. Ég gerði þetta
alveg upp á mitt einsdæmi og
er ofboðalega stolt af sjálfri
mér,“ segir hún en Lovísa er
löngu laus við astmann auk
þess sem hún finnur hvorki
fyrir verkjum í hnjám eða baki
lengur.
Anna Lovísa ætlar að taka
þátt í módelfitnessmóti sem
haldið verður í nóvember. Að-
spurð segist hún einfaldlega
stefna á að taka þátt. „Ég stefni
á að standa uppi á sviði sátt
með minn árangur. Svo væri
gaman að geta bætt sig á næstu
mótum. Draumurinn er að
taka þátt í Arnold Classic einn
daginn. Það væri geðveikt.“
Aðspurð um ráð handa
þeim sem langar að breyta
lífsstíl sínum segir hún þol-
n Hafði reynt alla mögulega kúra
þegar hún ákvað að breyta um lífsstíl„Ég vildi ekki
vera 166 cm
og 104 kg í dag. Ég
gerði þetta alveg upp
á mitt einsdæmi og
er ofboðalega stolt
af sjálfri mér.
Náði að
losna við
40 kíló
Desember 2009 Anna Lovísa
hafði hér breytt um lífsstíl en var
enn þá of þung. Á tveimur og hálfu
ári náði hún af sér 40 kílóum.
Þ
að væri ofsögum sagt að
segja að Vitabar sé fal-
ið leyndarmál í miðbæ
Reykjavíkur. Því er ein-
faldlega ekki lengur að skipta,
að minnsta kosti ef miðað
er við röðina sem myndast á
staðnum í hverju hádegi. Og
af hverju myndast þessi röð?
Svarið er einfalt: frábær matur
á frábæru verði.
Umhverfið á Vitabar er lát-
laust og gamaldags. Þar er þjón-
að til borðs og þar fá gestir rými
og næði til að skoða blöðin og
spjalla saman. Vitabar er þann-
ig ekki „skyndibitastaður“, að
minnsta kosti ekki í amerískum
skilningi, en hann er ekki held-
ur veitingastaður, að minnsta
kosti ekki í frönskum skilningi.
Vitabar myndi falla einhvers
staðar mitt á milli, svolítið eins
og amerískur „diner“ sem selur
hefðbundinn kaloríuríkan mat í
góðum skömmtum. Hægt er að
panta sér hamborgara í ýmsum
stærðum og gerðum, steik með
frönskum, egg og beikon og þar
fram eftir götunum. Svo er allt-
af heitt á könnunni en kaffið er
ókeypis fyrir þá sem snæða á
staðnum – sem er snilld.
En vindum okkur í það sem
máli skiptir, matinn sjálfan.
Hamborgararnir á Vitabar eru
á heimsmælikvarða að mati
undirritaðs. Þar ber helst að
nefna flaggskipið sjálft, Gleym-
mérei, hamborgara með hvít-
lauk og gráðaosti sem klikkar
aldrei. Verðið er einnig með
eindæmum gott. Hamborgara-
tilboð kostar litlar 850 krónur
en þar er drykkur ekki talinn
með (sumir eiga það nefnilega
til að vilja öl, sem er ögn dýr-
ara en kók). Steikarmáltíðin á
sér einnig ófáa aðdáendur, sér-
staklega þegar litið er til verðs-
ins, 1.950 krónur. Grænmet-
isætur eru eflaust velkomnar
inn á Vitabar, en persónulega
myndi ég ráðleggja þeim að
fara annað.
Niðurstaðan er sú, að það
er alltaf gott að vera á Vitabar.
„Það eru dópistar á Vitabar,“
sungu liðsmenn Retro Stefson
um uppáhaldsveitingastaðinn
sinn og ég held að ég viti hvers
vegna. Það versta við staðinn
núna er hversu erfitt það er að
fá borð, sérstaklega í hádeg-
inu um helgar – eftir átök gær-
kvöldsins. Hvað dópið varðar
þá hef ég heyrt mun meira af
„sniff“ hljóðum frá salernum
„fínni“ veitingahúsa. Á Vitab-
ar er einfaldlega gott að vera.
Staður til að njóta, þar sem
enginn dæmir. Og allir fara
sáttir heim.
P.s. pantið piparsósu með
frönskunum, það sér enginn
eftir því!
bjorn@dv.is
Hamborgarar á heimsmælikvarða
Indíana Ása Hreinsdóttir
indiana@dv.is
Heilbrigði
inmæði mikilvæga. „Þetta er
hægt. Byrjaðu í dag og þú sérð
ekki eftir því eftir eitt ár. En
þetta er ekki spurning um að
vera í megrun heldur breyta
um lífsstíl. Ég hefði aldrei trú-
að því að ég væri á þessum stað
en í dag lendi ég oft í því að fólk
gengur fram hjá mér því það
hreinlega þekkir mig ekki í út-
liti. Mér finnst það alltaf jafn
fyndið.“
Vitabar
Hraði
Matur
Viðmót
Umhverfi
Verð
Niðurstaða
Í skyndi
Björn
Teitsson