Dagblaðið Vísir - DV - 19.08.2011, Síða 50

R
agnheiður Ösp Sigurð-
ardóttir vöruhönnuð-
ur safnaði blýöntum,
strokleðrum og ým-
iss konar smáhlutum
af miklum móð þegar hún var
lítil. Hún lagði ást við þessa
litlu hluti og suma þeirra á hún
enn þann dag í dag. Hún seg-
ist alltaf hafa verið haldin söfn-
unaráráttu og eftir því sem hún
varð eldri þróaðist áráttan í að
starfa við að búa til einstaka
hluti.
Hönnun Ragnheiðar hefur
fengið mjög jákvæðar viðtök-
ur. Hún selur púðana Knotnot
og kollana Bentey í Epal. Púð-
arnir eru í formi hnúta í mjúkri
yfirstærð og það er skemmtileg
saga á bak við það hvernig þeir
urðu til. „Hnútarnir eru undir
áhrifum frá veru minni í Skáta-
hreyfingunni. Ég hef alltaf ver-
ið hugfangin af hnútum síðan
ég lærði að hnýta hnúta í skát-
unum. Mér fannst skemmti-
legt að hnýta þá. Við undir-
búning þá skoðaði ég alls kyns
hnúta og mig langaði til þess
að leika mér með þá andstæðu
að hnútar eiga að vera sterk-
ir og traustir og púðar eiga að
vera mjúkir og eftirgefanlegir.
Að sjálfsögðu urðu þeir að vera
fallegir líka.“
Hark og mikil vinna
Ragnheiður Ösp útskrifað-
ist úr Listaháskóla Íslands
árið 2008 og fór svo út í fram-
haldsnám. Hún er tiltölu-
lega nýkomin heim en hefur
þrátt fyrir það tekist að koma
ár sinni vel fyrir borð. Hún
segist vera ötul við að skapa
eigin tækifæri. „Mér hefur
gengið ágætlega síðan ég út-
skrifaðist, þetta er auðvitað
líka hark og mikil vinna. Fyrst
og fremst þarf maður að vera
duglegur í sköpunarferlinu
og koma hlutunum frá sér í
framleiðslu.“
Hugfangin af leik
Ragnheiður er hugfangin af
leik og segist nota leik mik-
ið í sköpunarferlinu. Marg-
ar vörur hennar mætti kalla
krúttlegar og í svokölluðum
japönskum stíl sem leggur
mikla áherslu á persónusköp-
un. Henni er þó sköpunar-
ferlið ekki alltaf ljúfur leikur.
„Ég er haldin fullkomnunar-
áráttu og það fylgir því ákveð-
in sjálfsgagnrýni að skapa svo
maður er alltaf svolítið harður
við sjálfan sig. En maður leyf-
ir ekki sjálfsgagnrýni að taka
úr leikinn sem fylgir því að
skapa.“
Hönnun Ragnheiðar má
skoða á heimasíðu hennar:
umemi.com.
kristjana@dv.is
50 | Lífsstíll 19.–21. ágúst 2011 Helgarblað
1. Haltu dagbók
Besta leiðin til þess að vera full-
viss um að hlaupaþjálfun þín
gangi vel er að halda skrá yfir
árangurinn. Haltu dagbók yfir
hlaupin til þess að sjá hvernig
gengur, það kemur fljótt í ljós
að það eitt að skrá árangurinn
hefur þau áhrif að þér gengur
betur. Dagbókin getur verið
í hvaða formi sem er, nokkr-
ar athugasemdir á töflu inni í
eldhúsi eða nákvæm skrá yfir
leiðir. Ekki gleyma að skrifa
stórum stöfum hvernig þér leið
eftir hlaupið.
2. Fáðu þér súkkulaði
Gott, dökkt súkkulaði er
heilsubót og ef slen og þreyta
tefur þig frá hlaupum er ekk-
ert sem mælir því mót að fá
sér súkkulaðimola áður en
þú ferð út að hlaupa. Ekki er
molinn fitandi, hann er örv-
andi, og rannsóknir leiða í
ljós að súkkulaði reynist þeim
sem þjást af síþreytu ágæt-
is bót. Efnið sem hefur þessi
jákvæðu áhrif á móti sleninu
kallast plythenol, andoxunar-
efni sem er líka í berjum, mel-
ónum og ólífuolíu.
3. Farðu í greiningu
Ef þú vilt forðast álagsmeiðsli
skaltu fara í hlaupagreiningu.
Í slíkri greiningu kemur í ljós
hvort þú þarft innan- eða ut-
anstyrkta hlaupaskó, margir
komast að því að þeir hlaupa
í of litlum skóm, hlaupa ekki
nægilega mikið á táberginu og
svo framvegis.
4. Notaðu tæknina
Vertu sem mest á hreyfingu og
notaðu allt sem þér dettur í hug
að geti hjálpað þér við hlaupin,
púlsmæli, hugbúnað í farsíma,
blikkandi höfuðfat! Bara hvað
sem er sem gerir það að verk-
um að þú heldur þig við efnið.
Hin virta heilsustofnun Mayo
Clinic hannaði græjuna Gruve
sem fylgist með þér daglega og
lætur í sér heyra ef þú situr kyrr
of lengi. Græjan kostar 200 doll-
ara og fæst á gruve.com.
5. Ekkert hælsæri
Þú færð hælsæri ef skórnir eru
of litlir eða ef snið þeirra hentar
þér illa. Það er líka alveg bann-
að að fara berfættur í hlaupas-
kóna eða í sokkum úr gerviefn-
um sem brenna húðina. Fáðu
þér almennilega hlaupasokka
og þú færð ekki hælsæri.
5 hlauparáð sem virka
n Langar þig til að verða góður hlaupari?
Hvern hefði grunað að súkkulaði hjálpaði? Gott súkkulaði er
örvandi og rekur slenið burt.
Vinurinn
skemmir
fyrir
Samkvæmt sérfræðingum við
Cornell-háskólann og háskól-
ann í Chicago hefur of náið
samband hennar við vini hans
slæm áhrif á ástarlíf hjóna.
Sér í lagi ef karlmaðurinn er á
aldrinum 57–68 ára. Ástæðan
er ekki afbrýðisemi. „Karlmað-
ur sem finnst sem hann hafa
misst tengingu við besta vin-
inn til eiginkonunnar upplifir
það sem árás á karlmennsku
sína,“ segir Edward Laum-
ann, höfundur rannsóknar-
innar, en samkvæmt honum
eru karlmenn í þessari stöðu
92% líklegri til að þróa með
sér risvandamál. Rannsóknin
birtist í American Journal of
Sociology.
Hættulegra
fyrir konur að
reykja
Konur sem reykja eru líklegri
til að fá hjartaáfall en karl-
menn samkvæmt nýrri rann-
sókn sem gerð var á 30 ára
tímabili. Sérfræðingar segja
niðurstöðurnar ógnvekjandi
sér í lagi þar sem konur reykja
vanalega færri sígarettur en
karlmenn. Samkvæmt Al-
þjóðaheilbrigðisstofnuninni
látast flestir vegna hjartasjúk-
dóma. Þar kemur einnig fram
að hjartasjúkdómar eru mest-
megnis tilkomnir vegna óheil-
brigðs lífsstíls. Hingað til hefur
verið talið að reykingar auki
líkur á hjartaáfalli um helm-
ing en samkvæmt nýju rann-
sókninni eru konur sem reykja
í 25% meiri hættu á að þróa
með sér hjartasjúkdóma en
karlmenn sem reykja.
Bakstur án
eggja og
mjólkur
Sá hópur sem
þarf að huga
sérstaklega að
mataræði sínu
fer sífellt stækk-
andi og eru fyrir því
margar ástæður. Margir þurfa
til að mynda að forðast egg,
mjólk, sykur eða hveiti. Hér
fylgir uppskrift þar sem þessu
innihaldi er sleppt og annað
notað í staðinn. Kókosmjólkin
gefur góða mýkt í þessa toppa
og súkkulaðimúslíið er auðvi-
tað afar bragðgott.
Múslítoppar án eggja og
mjólkur
3 1/2 dl hveiti
2 1/2 dl súkkulaðimúslí
1 tsk. salt
2 dl kókosmjöl
1 tsk. vanilludropar
1 dl olía
1 dl kókosmjólk
1 dl agave síróp
Hitið ofninn í 180 gráður. Hrærið allt
vel saman, setjið deigið með skeið á
bökunarpappír á plötu og bakið í 12
mínútur.
Heldur í leikgleðina
n Ragnheiður Ösp vöruhönnuður er haldin söfnunar- og fullkomnunaráráttu
Púki og lamb Þessir
skemmtilegu smáhlutir eru
væntanlegir úr framleiðslu.
Sjá meira á umemi.com.
Bentey-kollurinn Þessi kollur
fæst í Epal. Upphaflega var hann
verkefni í Listaháskólanum. Þá var
nemendum sett fyrir að umbreyta
húsgögnum úr Ikea. Ragnheiður
ákvað að bora göt í koll og sauma
út í hann.
Sugarfarm Þessar sætu og krútt-
legu fígúrur heilla Ragnheiði.
Knotnot-púði Fallegir mjúkir
hnútar í yfirstærð.
Ragnheiður á vinnustofu sinni „Mér hefur
gengið ágætlega síðan ég útskrifaðist, þetta er
auðvitað líka hark og mikil vinna. Fyrst og fremst
þarf maður að vera duglegur í sköpunarferlinu og
koma hlutunum frá sér í framleiðslu.“