Dagblaðið Vísir - DV - 19.08.2011, Blaðsíða 8

8 | Fréttir 19.–21. ágúst 2011 Helgarblað
F
yrrverandi leigusali Kvik-
myndaskóla Íslands,
eignar haldsfélagið Vota-
berg ehf., þurfti að afskrifa
allt að hundrað milljónir
króna af skuldum skólans við fé-
lagið samkvæmt heimildum DV.
Kvikmyndaskólinn leigði húsnæði
af Votabergi í Víkurhvarfi í Kópa-
vogi þar til skólinn var fluttur í hús-
næði í Ofanleiti í byrjun þessa árs.
Skólinn hafði þá ekki greitt Vota-
bergi leigu af húsnæðinu frá því í
apríl árið 2009.
DV greindi frá því í janúar að
skuldir Kvikmyndaskólans við
Votaberg næmu á annað hundr-
að milljónum króna og að í gangi
væru samningaviðræður um upp-
gjör á skuldinni. Þessar samninga-
viðræður enduðu með því, sam-
kvæmt heimildum DV, að komist
var að samkomulagi um að Kvik-
myndaskólinn myndi greiða Vota-
bergi um fimmtán milljónir króna
með mánaðarlegum afborgunum.
Eftirstöðvar skuldanna voru af-
skrifaðar. Kvikmyndaskólinn hefur
því ekki enn greitt Votabergi millj-
ónirnar fimmtán heldur átti að gera
það í skömmtum á næstu árum.
Deilt um fjárframlag
Málefni Kvikmyndaskóla Íslands
hafa verið nokkuð til umræðu í fjöl-
miðlum síðastliðnar vikur. Fram-
tíð skólans er í uppnámi þar sem
stjórnendur skólans telja sig þurfa
hærra fjárframlag frá ríkinu til að
starfrækja hann. Rökin eru þau að
helsta vandamál skólans sé undir-
fjármögnun. Stjórnendur skólans
hafa deilt við menntamálaráðu-
neytið um upphæð fjárframlags-
ins úr ríkissjóði. Fyrr á árinu fóru
stjórnendur fram á að árlegt fjár-
framlag til skólans yrði hækkað úr
um 40 milljónum upp í 140 millj-
ónir króna. Menntamálaráðuneyt-
ið hafnaði þessari beiðni og setti
fram gagntilboð upp á 57 milljónir
króna. Skólinn og ráðuneytið hafa
síðan deilt um upphæð fjárfram-
lagsins þar sem skólinn hefur sagst
vilja 70 milljónir króna frá ríkinu.
Ekki er komin niðurstaða í þessar
viðræður skólans og ráðuneytisins
en framtíð skólans veltur á niður-
stöðunni.
Kvikmyndaskólinn er fjár-
magnaður með skólagjöldum og
umræddu fjárframlagi frá rík-
inu. Skólaárið kostar 1,2 milljónir
króna á hvern nemanda og voru um
150 nemendur í honum á síðasta
misseri. Um það bil einn fimmti
af rekstrartekjum skólans kem-
ur frá hinu opinbera en 4/5 hlutar
með skólagjöldum. Skólinn fékk 43
milljónir á fjárlögum ársins 2009
og 42 milljónir króna í fyrra. Áætl-
að var að skólinn fengi 39 milljón-
ir króna á ári næstu fjögur árin en
viðræður eru í gangi um hærra fjár-
framlag, líkt og áður. Skólinn er því
einkaskóli sem fær opinberan styrk.
Landsbankinn tók
fasteignina yfir
Þegar DV greindi frá deilum Kvik-
myndaskólans og Votabergs í janú-
ar var allt útlit fyrir að málið færi
fyrir dóm. Votaberg hafði þá reynt
að kyrrsetja eignir skólans en án
árangurs þar sem stjórnendur
skólans báru því við að hann væri
eignalaus. Deilan leystist svo með
áðurnefndnum hætti.
Viðskiptabanki Votabergs,
Landsbankinn, hefur leyst fasteign-
ina í Víkurhvarfi til sín og er hún í
eigu fasteignafélags bankans, Reg-
ins, í dag. Fasteignin, sem er um
7.000 fermetrar, var eina eign félags-
ins.
Votaberg er tæknilega gjald-
þrota félag með neikvætt eigið fé
upp á nærri 1,5 milljarða, sam-
kvæmt ársreikningi ársins 2009.
Rúmlega 400 milljóna króna tap var
af rekstrinum árið 2009 og heildar-
skuldirnar nema 2,8 milljörðum
króna. Votaberg mun því að öllu
óbreyttu verða gjaldþrota með tíð
og tíma. Staða Kvikmyndaskóla Ís-
lands væri umtalsvert verri ef skól-
inn hefði þurft að greiða Votabergi
alla skuldina.
Ingi Freyr Vilhjálmsson
fréttastjóri skrifar ingi@dv.is
n Leigusali Kvikmyndaskólans afskrifaði stærstan hluta skulda skólans
n Viðræður um framtíð skólans í gangi n Leigusalinn stefnir í þrot
Tugir milljóna
afskrifaðir „Eftir-stöðvar skuldanna voru afskrifaðar.
Endaði með afskrift Viðræður Kvikmyndaskólans og leigusalans Votabergs enduðu
með því að samið var greiðslu upp á um 15 milljónir króna. Leigusalinn afskrifaði því allt að
hundrað milljónir króna af kröfum sínum á hendur skólanum. Böðvar Bjarki Pétursson er
stofnandi og stjórnarformaður Kvikmyndaskólans.
Barn var skilið eftir á gangstétt á Seltjarnarnesinu á fimmtudagsmorgun:
Mildi að barnið var vel búið
Hjónin sem gleymdu sex mánaða
gömlu stúlkubarni sínu á gangstétt
á Seltjarnarnesi, á fimmtudags-
morgun, vildu ekki ræða við DV
þegar blaðamann bar að garði. Þau
kvörtuðu undan ónæði og óskuðu
eftir því að fá að vera látin í friði.
Mál þeirra er nú til rannsóknar hjá
barnaverndarnefnd.
Tildrög málsins eru þau að for-
eldrar stúlkunnar voru að fara að
bera út dagblöð og höfðu ætlað sér
að taka barnið með í blaðburðinn.
Barnið varð hins vegar eftir í barna-
bílstól á gangstéttinni þegar for-
eldrarnir fóru að sinna blaðburð-
inum. Leigubílstjóri og athugull
nágranni fundu barnið og kölluðu
lögregluna til  um klukkan tuttugu
mínútur í sex um morguninn. For-
eldrarnir settu sig í samband við
lögregluna um klukkutíma síðar
þegar þau áttuðu sig á því að stúlk-
an hafði gleymst. Guðrún Jónsdótt-
ir, nágranni foreldranna, var á leið í
ræktina þegar hún kom að barninu.
Hún segir að barnið hafi verið ís-
kalt og grátandi þegar hún kom að
því. Hún kallaði til leigubílstjóra
sem var að þvo bíl sinn á þvottapl-
ani skammt frá og þau hringdu eft-
ir aðstoð lögreglunnar. „Það er ekki
daglegt brauð að lenda í svona,“
segir Hilmar Kristensson leigubíl-
stjóri sem var réttur maður á réttum
stað í morgunsárið fyrir algjöra til-
viljun. „Ég labbaði yfir götuna til að
sjá hvað þetta væri og þá sá ég bara
barn í stólnum. Fyrstu viðbrögð
mín voru að athuga hvort barnið
væri lifandi,“ segir Hilmar í samtali
við DV. Barninu mun ekki hafa orð-
ið meint af, það var vel klætt og því
fór betur en á horfðist.
Ein og yfirgefin Sex mánaða gömul
stúlka varð eftir þegar foreldrar hennar
fóru að bera út blöð í morgunsárið.
Mistök í lyfjaafhendingu
14 alvarleg
mistök á
þessu ári
Fjórtán tilkynningar um alvarleg
mistök við afhendingu lyfja hafa
borist Lyfjastofnun það sem af er
ári. Ekki er víst að tilkynnt sé um
öll slík tilvik og hvetur stofnunin
fólk til að láta vita verði misbrest-
ur við afgreiðslu í apótekum. Þetta
kom fram í fréttum RÚV á fimmtu-
dagskvöld. Í fyrra bárust Lyfja-
stofnun fjörutíu tilkynningar um
alvarlegan misbrest við afhend-
ingu lyfja í apótekum. Þó er ekki
endilega tilkynnt um öll slík tilfelli.
Í fréttum RÚV á miðvikudagskvöld
var greint frá hjartveikum sjö-
tugum manni sem hugðist kaupa
hjartalyf en fékk þess í stað afgreitt
nikótínlyf. Lyfjastofnun fékk ekki
tilkynningu um málið þrátt fyrir
að maðurinn hefði síðar hnigið
niður og þurft að fara í hjartaþræð-
ingu. Læknum er ekki skylt að láta
Lyfjastofnun vita ef sjúklingur fær
afgreidd röng lyf, en að sögn for-
stjóra stofnunarinnar, Rannveigar
Gunnarsdóttur, gera þeir það oft-
ast. Apótekum er þó skylt að halda
skrár yfir slík mistök og því er erfitt
að halda skrá yfir þetta.
Kjaradeila leikskólakennara
Sáttafundur
boðaður í
kjaradeilu
Boðað hefur verið til fundar klukk-
an tíu á föstudagsmorgun í kjara-
deilu leikskólakennara og samn-
inganefndar sveitarfélaganna.
Samningamenn Félags leikskóla-
kennara mæta á fundinn ásamt
formanni félagsins, Haraldi Frey
Gíslasyni. Forystumenn félagsins
hafa fundað með viðsemjendum
sínum um kjaramál síðustu daga
og vikur en lítið hefur þokast.
Leikskólakennarar fara fram á
11% launaleiðréttingu umfram
12.8% launahækkun, en því hefur
Samband íslenskra sveitarfélaga
hafnað og ekkert hefur miðað í
samningaviðræðum deilenda að
undanförnu. 96% félagsmanna
greiddu atkvæði með því að fara
í verkfall, og mun það hefjast á
mánudaginn í næstu viku ef ekki
tekst að semja. Fundurinn mun
vera lokatilraun til að afstýra verk-
falli leikskólakennara.
Bresti verkfall leikskólakenn-
ara á mun það hafa víðtæk áhrif í
samfélaginu.