Dagblaðið Vísir - DV - 19.08.2011, Blaðsíða 31

Þ
egar að við héldum að tiltrú
kjósenda á stjórnmála-
mönnum gæti ekki orðið
minni birtist í vikunni könn-
un sem sýnir einmitt og akk-
úrat það. Aðeins tólf prósent að-
spurðra fallast á að Alþingi standi
vörð um hagsmuni almennings.
Tveir þriðju eru sannfærðir um að
stjórnvöld gangi fremur erinda fjár-
málastofnana en fólksins í landinu.
Stappar nú nærri að alþingismenn
séu hataðasta stétt landsins. Þykja
verri en fjármálafurstarnir. Kjósend-
ur treysta aðeins einum hópi manna
verr en ríkisstjórninni. Það er stjórn-
arandstöðunni. Innan við þriðjung-
ur telur að stjórnarandstöðunni sé
betur treystandi en þessari ríkis-
stjórn sem þó er einhver sú óvinsæl-
asta sem um getur – ríkisstjórn sem
kjósendur eru sannfærðir um að taki
hagsmuni banka fram yfir hagsmuni
almennings. Skilaboðin gætu tæp-
ast verið skýrari. Alþingismenn njóta
ekki nauðsynlegs trausts. Kjósendur
flokkanna treysta þeim ekki. Stjórn-
málalífið í landinu er með öðrum
orðum í alvarlegri úlfakreppu.
Nýtt landslag?
Við viðlíka fordæmingu og nú mælist
á stjórnmálalífinu standa stjórn-
málaflokkarnir vitaskuld höllum
fæti. Jaðrar við að flokkakerfið riði til
falls. Steinlímið í flokkakerfinu sem
þróast hefur hefur í heila öld er að
vísu sterkt – níðsterkt. Fjórflokkurinn
hefur lifað af öll áföll, allar kreppur
og allar atlögur við að brjóta hann
upp. En nú er allt komið á flot og allt
eins mögulegt að jarðhræringarnar
framkalli nýtt landslag í íslenskum
stjórnmálum. Svipumst ögn um.
Framsóknarflokkurinn hefur tek-
ið stakkaskiptum með nýrri forystu
sem er komin ansi langt frá þeim
áherslum sem Halldór Ásgrímsson
markaði þegar stefnan var tekin á
mölina, í faðm frjálslyndra og hóf-
samra miðjumanna. Í allra síðustu
tíð hefur flokkurinn meira að segja
færst inn í mengi þjóðernisíhalds –
í kjölfar Frjálslynda flokksins (sem
hlýtur að vera eitthvert mesta öfug-
nefni sem um getur) sem hélt sér á
floti fram að hruni með því að daðra
við öfgafullar þjóðernishugmyndir.
Við slíka tilfærslu losnar um frjáls-
lynda og Evrópusinnaða framsókn-
armenn sem verða landlausir fyrir
vikið. Klofningurinn hefur orðið sí-
fellt augljósari svo mönnum á borð
Guðmund Steingrímsson hlýtur að
vera farið að líða eins og þeir séu
lentir í vitlausu partíi.
Tveir formenn í VG
Í Sjálfstæðisflokknum hefur um
nokkra hríð staðið yfir ógnarhörð
valdabarátta á milli harðlínuafla
og hins hófsama borgaralega arms,
sem stundum er kenndur við Deigl-
una og Geir H. Haarde. Af nýjustu
ummælum formannsins í Evrópu-
málum virðist sem harðlínuöflin séu
smám saman að ná undirtökunum.
Við slíka þróun gætu frjálslyndir hóf-
semdarmenn innan flokksins auð-
veldlega lent á pólitískum berangri.
Samfylkingin á ekki síður í for-
ystukreppu. Lausnari flokksins eftir
hrun, Jóhanna Sigurðardóttir forsætis-
ráðhera, verður ekki formaður til lang-
frama og enginn augljós arftaki er í
sjónmáli. Í viðleitni til að forðast átök
hefur meiri áhersla verið lögð á hópefli
og pólitísk leiktjöld fremur en á virkt
málefnastarf meðal flokksmanna. Fyr-
ir vikið hafa ástríðufullir flokksmenn
ekki fundið kröftum sínum viðnám
innan vébanda Samfylkingarinnar og
margir úr armi hægrikrata eru orðnir
ansi óþreyjufullir og jafnvel farnir að
hugsa sér til hreyfings. Margir þeirra
fengu upp í kok þegar Samfylkingin sá
til þess að Geir H. Haarde sat einn eftir
í snörunni í landsdómsmálinu.
Ástandið í VG er lítið skárra eins
og blasað hefur við. Að vísu hefur
hluti órólegu deildarinnar horfið á
braut en á meðan enn eru í raun tveir
formenn (Steingrímur og Ögmund-
ur) verður flokkurinn ekki til stór-
ræða. Gæti raunar kvíslast upp hve-
nær sem er.
Hvað verður?
Með því að svipast svona örstutt um
yfir sviðið sést að við ríkjandi ástand
er frjálslyndi armur Framsóknar-
flokks, Sjálfstæðisflokks og Sam-
fylkingar við það að verða heimilis-
laus – og gæti hæglega tekið saman
höndum. Miðjan í íslenskum stjórn-
málum er galopin.
Hrunið hreyfði við flokkakerfinu.
Borgarahreyfingin tappaði af reið-
inni og Besti flokkurinn veitti farveg
fyrir kjósendur til að koma fyrirlitn-
ingu sinni á stjórnmálaflokkunum á
framfæri. Hvað verður í framhaldinu
verður spennandi að sjá.
Umræða | 31Helgarblað 19.–21. ágúst 2011
Notar þú strætó?
„Allt of lítið.“
Vigfús Þormar Gunnarsson
26 ára nemandi
„Mjög lítið, ég bý í miðbænum. En það kemur
samt fyrir.“
Magnús Einarsson
75 ára fyrrverandi fasteignasali
„Nei.“
Elísabet Ingólfsdóttir
27 ára laganemi
„Örsjaldan.“
Hildur H. Sigurðardóttir
27 ára herferðarstarfskona hjá Amnesty
„Nei.“
María Kristjánsdóttir
63 ára sjúkraþjálfari
Myndin Fallegt síðdegi Árstíðaskipti eru framundan og því mikilvægt að nýta hvert tækifæri til að njóta þeirra góðu daga sem eftir eru af sumrinu. Þessi huggulegu eldri
hjón nýttu góða veðrið til að virða fyrir sér hafið og höfnina einn góðan veðurdag fyrr í ágúst. MyNd GuNNar GuNNarSSoN
Maður dagsins
Toppurinn á
tilverunni
Guðríður Guðmundsdóttir
Guðríður Guðmundsdóttir er framkvæmda­
stjóri Ormsteitis sem er fastur sumarliður
á Héraði. Hátíðin er nú haldin í 20. skipti og
mikið verður um dýrðir. Guðríður segir Orms­
teiti skipta miklu máli fyrir íbúa sem taka
virkan þátt í hátíðarhöldunum.
Hver er maðurinn?
„Guðríður Guðmundsdóttir, framkvæmda­
stjóri Ormsteitis og öryggisstjóri hjá
Vélaverkstæði Hjalta á Reyðarfirði.“
Hvar ert þú alin upp?
„Ég er alin upp á Egilsstöðum.“
Hvað drífur þig áfram?
„Lífið. Það er bara skemmtilegt.“
Hvað finnst þér best að borða?
„Mér finnst allur matur góður, en það besta
sem ég fæ er andabringur. Þær standa upp
úr.“
Átt þú þér fyrirmynd?
„Ég á mér enga sérstaka fyrirmynd.“
uppáhaldsleikari?
„Í dag er það Örn Árnason. Mér finnst hann
frábær.“
Hver er saga ormsteitis?
„Þetta var upphaflega lítil uppskeruhátíð
sem byrjaði á Egilsstöðum fyrir 20 árum en
hefur nú þróast upp í stóra tíu daga hátíð
sem er haldin víðs vegar um Hérað. Alveg frá
Möðrudal á Fjöllum upp í Fljótsdal.“
Hvaða máli skiptir svona
hátíð fyrir bæjarfélagið?
„Svona hátíð skiptir mjög miklu máli
fyrir bæjarbúa. Þetta gefur okkur öllum
krydd í tilveruna og hingað koma gestir og
gangandi. Hátíðin hefur byggt upp mikla
samstöðu hjá bæjarfélaginu. Fólk kynnist
betur, bæði í gegnum götugrillin og í karni­
valinu. Hverfin þéttast og það er alveg
magnað hvað allir eru duglegir að vera með
og skreyta og gera fínt.“
Hverju ætlar þú ekki að
missa af á hátíðinni?
„Ég myndi ekki vilja missa af karnivalinu
sem verður núna á föstudaginn. Ég ætla
ekki heldur að missa af stóra bæjarhá­
tíðardeginum sem verður á laugardaginn.
Þar verður markaður, hreindýraveisla,
söngkeppni barna og kvöldvaka. Þetta
er toppurinn á tilverunni og mætingin og
stemningin hefur alltaf verið góð.“
Kjallari
Eiríkur
Bergmann
Galopið á miðjunni
Dómstóll götunnar
„Kjósendur treysta
aðeins einum hópi
manna verr en ríkisstjórn-
inni. Það er stjórnarand-
stöðunni.