Dagblaðið Vísir - DV - 19.08.2011, Blaðsíða 20

20 | Fréttir 19.–21. ágúst 2011 Helgarblað
M
ikil átök eru innan þýska
fasteignafélagsins R.E.D.
Berlin Development. Fé-
lagið er í eigu þriggja ís-
lenskra hluthafa og sá
fjórði samanstendur af Þjóðverjum.
Þeir Klaus Wagner og Moritz Müll-
er, starfsmenn R.E.D. Berlin Deve-
lopment komu til Íslands í sumar
og lögðu inn gögn hjá sérstökum
saksóknara. Óskuðu þeir eftir rann-
sókn á vinnubrögðum íslensku hlut-
hafanna sem einnig komu að stjórn
félagsins. Telja þeir að Íslendingarnir
hafi gerst sekir um fjárdrátt og brot-
ið lög.
Um er að ræða fasteignaverkefni
í Berlín við Revaler Strasse 99 und-
ir nafninu R.E.D. Berlin Develop-
ment sem Hilmar Steinar Sigurðs-
son, þá starfsmaður Glitnis, kom
að í Berlín árið 2007 ásamt Guðjóni
Heiðari Haukssyni hjá Kapital North
og þýskum fjárfestum. Keyptu þeir
72 þúsund fermetra lóð sem er nærri
Alexanderplatz í Berlín og hýsti áður
stærsta járnbrautaverkstæði Þýska-
lands og var þá í eigu Austur-Þýska-
lands (DDR). Var eignin keypt á um
fjórar milljónir evra árið 2007 sem
að stórum hluta var fjármagnað með
láni frá Glitni. Þar er ýmis starfsemi
í dag á vegum fyrirtækja sem leigja
húsnæði af fasteignafélaginu.
Nálgunarbann á mann sem
hrakti blaðamann burt
Blaðamaður DV fékk að finna fyr-
ir ógnunum frá þýskum manni sem
tengist Íslendingum þegar hann fór
að hitta starfsmenn R.E.D. Berlin
Development í Berlín á þriðjudag-
inn. „Leyfðu mér að tala við þennan
íslenska blaðamann svo ég geti sagt
honum hvað þið eruð miklir fávitar,“
öskraði maðurinn á blaðamann og
starfsmann þýska fasteignafélagsins
á umræddri lóð R.E.D. Berlin Deve-
lopment í Berlín. Keyrði hann ógn-
andi í kring þar til blaðamaður og
þýski aðilinn sáu sér ekki annað fært
en að yfirgefa lóðina í gegnum hlið-
argötu á bifreið sem þeir voru á. Um-
ræddur maður hefur hlotið fangels-
isdóm í Þýskalandi fyrir ofbeldisbrot.
Búið er að fara fram á nálgunarbann
á hann til þess að banna honum að
koma nálægt starfsmönnum og skrif-
stofu R.E.D. Berlin Development.
Hálftíma eftir að blaðamaður
hafði verið hrakinn á brott kom síð-
an símtal frá Hilmari Steinari Sig-
urðssyni þar sem hann reyndi að
hafa áhrif á skrif blaðamanns. Þann-
ig virtist Þjóðverjinn sem hafði verið
með ógnandi tilburði hafa hringt í
Hilmar Steinar og upplýst hann um
væntanlega umfjöllun DV. Hilmar
Steinar Sigurðsson og Guðjón Heið-
ar Hauksson hafa hótað DV mál-
sókn vegna umfjöllunar blaðsins um
R.E.D. Berlin Devlelopment.
Hilmar rekinn frá Glitni
Hluthafahópur R.E.D. Berlin Deve-
lopment í dag samanstendur af Win-
ter ehf. (46%), Kvarter (8,5%), Kapital
North ehf. (21%) og Red Berlin Hold-
ing GmbH (24,5%). Þess skal getið
að Kvarter er í eigu Hilmars Steinars
Sigurðssonar. Þegar hann sá um fjár-
mögnun verkefnisins fyrir Glitni árið
2007 bað hann um að fá að taka pers-
ónulega þátt í því. Var það samþykkt
af yfirmönnum bankans. Samkvæmt
heimildum DV var hann rekinn frá
Glitni haustið 2008 eftir fall bankans.
Er ástæðan meðal annars talin vera
sú að það hafi þótt mjög óviðeigandi
að hann hafi persónulega tekið þátt
í umræddu fasteignaverkefni í Berl-
ín. Auk þess að fara með hlut í R.E.D.
Berlin Development á Kvarter 120
fermetra sumarbústað í Grímsnesi
og er 33 milljóna króna lán áhvílandi
á bústaðnum sem Íslandsbanki veitti
í febrúar á þessu ári.
Íslenskir fjárfestar með
neikvætt eigið fé
Ekki liggur fyllilega ljóst fyrir hvern-
ig starfsemi Winter er háttað í dag en
félagið er stærsti hluthafinn í R.E.D.
Berlin Development. Hilmar sett-
ist í stjórn félagsins í sumar en er þó
ekki hluthafi. Hefur hann áður upp-
lýst DV um að ástæða þess hafi verið
sú að vegna reynslu sinnar hafi hann
þótt heppilegur fulltrúi. Félagið er
með neikvætt eigið fé upp á um 75
milljónir króna samkvæmt ársreikn-
ingi þess fyrir árið 2010. Eyddi félagið
rúmlega 30 milljónum króna í lög-
fræðikostnað erlendis í fyrra. Kapital
North sem fer með 21 prósents hlut í
R.E.D. Berlin Development var með
neikvætt eigið fé upp á um 70 millj-
ónir króna árið 2009.
Vilja ekki taka tíu
milljóna evra tilboði
R.E.D. Berlin Development er með
útistandandi lán upp á 2,5 milljónir
evra hjá Íslandsbanka sem er á gjald-
daga í nóvember á þessu ári. Þjóð-
verjarnir hafa þegar fundið þýskan
fjárfesti sem er tilbúinn að kaupa
umrætt fasteignaverkefni fyrir meira
en tíu milljónir evra sem myndi
tryggja öllum hluthöfum gróða auk
þess sem Íslandsbanki fengi þá lán
sitt greitt að fullu til baka. Íslend-
ingarnir hafa sýnt því lítinn áhuga
að taka umræddu kauptilboði Þjóð-
verjans. Í stað þess halda átök áfram
innan hluthafahóps R.E.D. Berlin
Development. Þannig telur þýsk-
ur starfsmaður R.E.D. Berlin Deve-
lopment að einhverjir aðilar tengdir
fasteignafélaginu hafi látið stinga göt
á öll dekk á bíl sínum að næturlagi í
vikunni. Það voru hins vegar Þjóð-
verjarnir sem komu fyrst auga á um-
rætt fasteignaverkefni og finnst þeim
ósanngjarnt að nú sé verið að reyna
að koma þeim frá völdum.
Þjóðverjar reknir fyrir spillingu
Þeir Werner Jenke og Kai Renken,
sem voru starfsmenn Liegenschafts-
fonds, fasteignafélags í eigu Berlín-
ar, voru reknir fyrr á þessu ári fyrir
að hafa persónulega komið að fast-
eignaverkefnum með Íslendingum,
samfara því að sjá um sölu eigna fyr-
ir Berlín. Hafa fjölmiðlar í Berlín flutt
margar fréttir af málinu undanfarna
mánuði. Hafa meðal annars verið
uppi háværar raddir um að Holger
Lippmann, forstjóri félagsins, segði
af sér vegna þátttöku tveggja starfs-
manna sinna með íslenskum fjár-
festum. Der Tagesspiegel, Berliner
Zeitung, Welt Online og Berliner
Morgenpost hafa fjallað um málið.
Þannig má nefna að þeir voru
báðir með netfang hjá íslenska fast-
eignafélaginu Kapital North, sem
enn fer með 21 prósents hlut í fast-
eignaverkefninu R.E.D. Berlin Deve-
lopment. Upphaflega ætluðu um-
ræddir starfsmenn að selja FL Group
45 fasteignir upp á 100 milljónir evra
árið 2007 en ekkert varð af því vegna
mótmæla stjórnmálamanna í Berl-
ín. Átti Kapital North, undir forystu
Guðjóns Heiðars Haukssonar, að
vera fulltrúi FL Group við umrædd
kaup.
Samfara því að vinna fyrir fast-
eignafélag Berlínar voru þeir Werner
Jenke og Kai Renken með eigið fyr-
irtæki í Berlín þar sem félagið Berlin
Towers GmbH, félag í eigu íslenskra
fjárfesta er enn skráð til heimilis í
dag. Þeir Jenke og Renken hafa al-
farið verið í eigin rekstri eftir að þeir
voru reknir frá störfum sínum hjá
Berlínarborg fyrr á þessu ári. Werner
Jenke og Kai Renken hafa unnið fyr-
ir íslensku hluthafana í R.E.D. Berlin
Development, Kapital North, Winter
og Kvarter. Óhætt er að segja að orð-
spor íslenskra fjárfesta sem komu að
fasteignakaupum í Berlín á tímum
útrásarinnar sé ekki mjög hátt skrif-
að hjá mörgum Þjóðverjum í dag.
n Hilmar Steinar Sigurðsson og Guðjón Heiðar Hauksson hóta DV málsókn n Blaðamaður hrakinn af lóð R.E.D.
Berlin Development í Berlín n Íslendingar vilja ekki taka tíu milljóna evra tilboði frá þýskum fjárfesti í eignina
Íslendingar í átökum
við Þjóðverja í Berlín
„Leyfðu mér að
tala við þennan ís-
lenska blaðamann svo ég
geti sagt honum hvað þið
eruð miklir fávitar.
Annas Sigmundsson
blaðamaður skrifar as@dv.is
n Ragnhildur Bjarkadóttir, sem lauk
meistaranámi í alþjóðsamskiptum við
Stjórnmálafræðideild Háskóla Íslands
fyrr á þessu ári, skrifaði meistararitgerð
um samningatækni Íslendinga á útrása-
tímanum. Bar ritgerðin heitið „Við erum
köldustu gangsterarnir“, og var hún byggð
á viðtölum við 15 íslenska kaupsýslumenn
sem tekin voru á tímabilinu apríl 2007 til
apríl 2008.
„Svo virðist sem kjarkur, áhættusækni,
kappsemi, hugrekki, óformleiki, þrjóska og
metnaður hafi orðið til þess að Íslendingar
urðu rokkstjörnur samningafræða. Þetta
eru eiginleikar köldustu gangsteranna,“
segir í ritgerð hennar. Þeir hafi líka ein-
kennst af viðkvæmni, minnimáttarkennd
og hroka... Illa ígrundaðir samningar væru
bara lagaðir eftir á ef þeir færu úrskeiðis.
Það er því ekki ofsögum sagt að Íslend-
ingar voru klárlega köldustu gangsterarnir
í þeim skilningi að þekkingarlausir og
hrokafullir gengu þeir til verks á alþjóða-
vettvangi og hristu upp í fyrirfram gefnu
hátterni. Þótt það hljómi ekki vel við
lestur, skilaði það til skamms tíma árangri
sem síðar má deila um hver var,“ voru orð
Ragnhildar um útrásarvíkingana.
Þýskir fjármálamenn sem blaðamaður DV
hitti í Berlín lýstu íslenskum fjárfestum á
mjög svipaðan hátt og Ragnhildur gerði
í ritgerð sinni. Árangur þeirra í Berlín hafi
ekki verið mjög farsæll. Þeir hafi oft og
tíðum verið hrokafullir, þóst vita allt betur
en aðrir í kringum sig, mætt timbraðir á
fundi og jafnvel mætt með kauptilboð
sem þeir höfðu skrifað á servíettu á
tíu mínútum daginn áður við drykkju.
Reynsluleysi þeirra hafi einnig verið mjög
áberandi. Þannig virðist orðspor margra
þeirra vera fremur neikvætt í Berlín.
Timburmenn og hroki
Hótar málsókn Hilmar Steinar Sigurðsson,
fyrrverandi starfsmaður Glitnis og hluthafi og
stjórnarmaður í R.E.D. Berlin Development,
hefur hótað DV málsókn vegna umfjöllunar
blaðsins um þýska fasteignafélagið.
Gamalt járnbrautaverkstæði Á 72 þús-
und fermetra lóð R.E.D. Berlin Development í
Berlín var áður stærsta járnbrautaverkstæði
Þýskalands sem var í eigu Austur-Þýskalands
(DDR) fyrir fall Berlínarmúrsins.