Dagblaðið Vísir - DV - 19.08.2011, Blaðsíða 4

4 | Fréttir 19.–21. ágúst 2011 Helgarblað
F
yrir marga aðra var ösku­
fallið frá jöklinum mikið böl
en það reyndist blessun fyrir
okkur,“ segir hin filippseyska
Lynali Keller sem stödd var
hér á landi í vikunni í einstakri píla­
grímsferð ásamt eiginmanni sín­
um, Svisslendingnum Marcel Keller.
Þau gerðu sér sérstaka ferð hingað
til lands til að heimsækja mikinn
áhrifavald í lífi þeirra beggja. Eyja­
fjallajökul.
Sólsetur í öskumistri heillaði
Þegar eldgosið mikla varð í jöklinum
í fyrra höfðu Lynali og Marcel aldrei
hist. Hún hafði búið og starfað í Zü­
rich í Sviss í nærri tvö ár en hann
var heimamaður. Örlagakvöld í lífi
þeirra beggja varð helgi eina þegar
þarlendir fjölmiðlar greindu frá því
að flugsamgöngur yrðu lamaðar um
nær gervalla Evrópu vegna öskufalls
frá Eyjafjallajökli. Marcel tók eftir
einum jákvæðum punkti úr þess­
um fréttum því það fylgdi sögunni
að sólsetrið í Zürich yrði einstakt í
ösku mistrinu sem sjá mátti frá stórri
hæð þar í borg. Þar sem hann er
áhugamaður um ljósmyndun ákvað
hann að slá til, taka með sér mynda­
vélina og freista gæfunnar.
Í hinum enda borgarinnar fékk
Lynali sömu hugmynd. Hún vissi á
hinn bóginn ekki að sólsetrið yrði
enn magnaðra en vanalega vegna
öskunnar. Hún vildi bara ná mynd
af sólsetrinu enda er hún einnig
áhugaljósmyndari eins og hún tjáði
blaðamanni DV sem settist niður
með þeim hjónum þar sem þau
snæddu hádegisverð á Fiskfélag­
inu í Reykjavík áður en þau héldu
heim til Zürich aðfaranótt föstu­
dags. Þau höfðu dvalið hér á landi
frá því á sunnudag og kvöddu land
og þjóð með miklum söknuði að
eigin sögn.
Fundu ástina í öskusólsetri
„Það var sagt frá því í blaðinu að
sólsetrið yrði stórfenglegt í ösku­
mistrinu, dramatískir litir og
draumur allra ljósmyndara. Ég
vissi ekkert um þetta og ætlaði mér
bara að taka myndir af sólsetrinu.
Ég gekk upp þessa hæð og þar var
hópur fólks samankominn,“ segir
Lynali sem vildi þá ólm ná mynd
af sjónarspilinu. „Ég náði hins veg­
ar ekki góðum myndum en Marcel
var þarna og hafði tekið myndir. Ég
beið því aðeins þarna og hann fann
mig og gaf sig á tal við mig,“ segir
Lynali. „Hann spurði hvort ég hefði
náð myndum af þessu og ég sagði:
Nei, ég missti af því, ég hefði átt að
mæta fyrr.“ Áhugaljósmyndararnir
tveir tóku tal saman og í kjölfarið
fóru Lynali og Marcel að vera reglu­
lega í sambandi. Þau ræddu saman
um ljósmyndun, fóru á stefnumót
og enduðu sem kærustupar.
Grafið í giftingarhringana
„Við höfðum aldrei hist áður þetta
kvöld. Og núna erum við gift. Við
giftum okkur í mars síðastliðnum,“
segir Lynali skælbrosandi. „Við erum
að heimsækja Ísland í fyrsta skipti.
Okkur langaði rosalega að „heiðra“
þetta eldfjall sem leiddi okkur sam­
an,“ bætir hún við og til að gera fal­
lega ástarsögu enn sætari réttir Mar­
cel blaðamanni giftingarhringinn.
„Við létum grafa „Eyjafjallajökull“
í giftingarhringana okkar. Eldfjallið
verður alltaf með okkur.“
Eins og gefur að skilja vekur ástar­
saga þeirra ávallt mikla athygli þeg­
ar þau segja hann. „Það þykir öll­
um þetta afar falleg saga. Þegar við
segjum einhverjum hana þá ætlar
viðkomandi vart að trúa henni, en
svona gerðist þetta nú samt. Fyrir
marga aðra var öskufallið þessa helgi
mikið böl en það reyndist einstök
blessun fyrir okkur.“
n Öskuský eldgossins leiddi Lynali og Marcel Keller saman n Ætluðu að mynda öskusól-
setrið í Zürich n Heimsóttu jökulinn í vikunni með nafn hans grafið í giftingarhringana„Fyrir marga aðra
var öskufallið
þessa helgi mikið böl
en það reyndist einstök
blessun fyrir okkur.
Sigurður Mikael Jónsson
blaðamaður skrifar mikael@dv.is
Ástarsaga í öskuskýi
Eyjafjallajökuls „Eldfjallið verður alltaf með okkur.
Fundu ástina í öskusólsetri Marcel og
Lynali Keller hittust fyrir tilviljun til að taka
myndir af sólsetrinu í Zürich sem sveipað
var öskumistri frá Eyjafjallajökli í fyrra. Þau
giftu sig í mars og létu grafa nafn jökulsins í
giftingarhringana. Mynd SiGtryGGur Ari
„Hann svarar engu um þetta í bili,“
segir Jóhannes Tómasson, upplýs­
ingafulltrúi innanríkisráðuneytisins,
aðspurður hver afstaða Ögmund­
ar Jónassonar innanríkisráðherra
sé til kröfu Arnar Snævars Sveins­
sonar og Erlings Haraldssonar sem
hafa krafist skaðabóta frá ríkinu.
Árið 2004 komst Mannréttindadóm­
stóll Evrópu að þeirri niðurstöðu að
íslenska ríkið hefði brotið á Erni og
Erlingi þegar þeir voru dæmdir fyrir
að veiða án kvóta. Í tólftu grein álits
Mannréttindadómstólsins kemur
fram að ríkið eigi að bæta þeim skað­
ann sem hlaust af ásamt því að end­
urskoða fiskveiðistjórnunarkerfi Ís­
lendinga.
Í júlí sendu tvímenningarnir Ög­
mundi bréf þar sem þeir kröfðust
þess að ríkið myndi bregðast við
álitinu. Þeir hafa ekkert svar fengið
frá ráðherra en Jóhannes Tómas­
son segir málið vera til skoðunar hjá
starfsmönnum innanríkisráðuneyt­
isins. „Mér finnst þetta bara sýna að
vinstri­grænir ætli að ganga í fótspor
stóra bróður, sjálfstæðismanna, með
því að það má ekki ræða þetta mál.
Þannig lít ég á þetta,“ segir Erlingur
Sveinn Haraldsson.
„Það er einkennilegt að ríkið skuli
ekki vera búið að tala við okkur frá
því að álitið var birt, nema að frum­
kvæði okkar sjálfra,“ segir Erlingur. Ef
það á ekki að lýsa þessu sem banana­
lýðveldi þá er ríkið skaðabótaskylt.
Við höfum orðið fyrir hellingstjóni
út af þessu. Við erum undrandi á
því að vinstri­grænir gáfu sig út fyr­
ir að styðja mannréttindi og að þau
yrðu virt. Hvers vegna virða þeir ekki
mannréttindi? Hvers vegna fær út­
gerðin að veðsetja okkur, börnin okk­
ar og barnabörn? Hvers vegna hefur
útgerðin leyfi til að veðsetja aflaheim­
ildir? Ég veit ekki til þess að við höfum
kosið um þetta.“ birgir@dv.is
Ögmundur hefur ekki svarað kvótalausum sjómönnum:
Segir VG ekki virða mannréttindi
Svarar ekki Ögmundur ætlar ekki að svara beiðni tvímenninganna sem vilja að yfirvöld
bregðist við áliti Mannréttindadómstóls Evrópu.
Fótbrotinn á báðum:
Útsýnisþyrla
til bjargar
Rétt fyrir klukkan tvö á fimmtudag
voru björgunarsveitir Slysavarna­
félagsins Landsbjargar kallaðar út
til aðstoðar við erlendan ferðamann
í Kverkfjöllum. Maðurinn sem er
svissneskur reyndist vera fótbrot­
inn á báðum fótum eftir að ís hafði
fallið á fætur hans þegar hann var
að skoða íshelli. Þyrla Landhelgis­
gæslunnar var biluð og því reyndist
nauðsynlegt að fá aðra þyrlu til að
flytja björgunarmenn á staðinn og
hinn slasaða aftur til byggða. Þyrla
Norðurflugs var send á vettvang,
en hún er ætluð til útsýnisflugs, og
lenti á sjötta tímanum í grennd við
slysstaðinn. Þaðan þurfti að sel­
flytja björgunarmenn frá Sigurðar­
skála í Kverkfjöllum á slysstaðinn.
Björgunarmenn báru hinn slasaða
um fimm hundruð metra yfir erfitt
landslag og upp bratt einstigi. Að
sögn björgunarmanna gekk þó með
eindæmum vel og var ferðamaður­
inn fluttur á sjúkrahús þar sem gert
var að sárum hans. Björgunarmenn­
irnir þurftu svo að ganga niður jök­
ulinn og koma sér heim en reiknað
var með því að síðustu björgunar­
mennirnir skiluðu sér heim fyrripart
nætur. Þá kemur fram í tilkynn­
ingu frá Landsbjörg að aðgerðin
hafi gengið vel með samstilltu átaki
björgunarsveitamanna og landvarða
á svæðinu, auk lögreglu og annarra
viðbragðsaðila.
Olíulykt frá
Örfirisey
Töluverð bensínlykt fannst á
fimmtudag í vesturhluta borgarinn­
ar en lyktin barst frá olíubirgðastöð í
Örfirisey. Þar var opinn tankur sem
olli því að borgarbúar urðu varir
við lyktina. Reglur eru um það hve­
nær opna megi bensíntanka og fer
það eftir vindátt. Blási vindurinn að
borginni skal tönkum haldið lokuð­
um. Einhverjir kunna að hafa orðið
fyrir óþægindum af þessum sökum
en engin hætta mun hafa verið á
ferðum. Bensínlyktin átti að hverfa
þegar leið á daginn.
„Umræðuofbeldi
og dónaskapur“
Haraldur Benediktsson, formað­
ur Bændasamtaka Íslands, segir í
leiðara Bændablaðsins að RÚV beiti
bændur ofbeldi. Í leiðaranum segir
Haraldur að BÍ hafi gert greiningar á
fréttaöflun RÚV af vettvangi bænda
þar sem töluverð slagsíða sé á
fréttaflutningi.  Nærtækasta dæmið
sé þegar hann sjálfur var í síðdeg­
isútvarpi hjá Rás 2 fyrir nokkrum
dögum. 
Haraldur segir í leiðaran­
um: „Fréttamaður utan hljóðstofu
slekkur á undirrituðum og kemur
með athugasemd við málflutning
minn, sem hlustendur heyra ekki.
Ég minnist þess ekki að nokkur við­
mælandi hafi orðið fyrir slíku um­
ræðuofbeldi og dónaskap.“