Dagblaðið Vísir - DV - 19.08.2011, Blaðsíða 32

32 | Viðtal 19.–21. ágúst 2011 Helgarblað
É
g er mjög gagnrýnin á
sjálfa mig. Ég er miklu
minna gagnrýnin á aðra.
Ég þarf yfirleitt aðra til
að byggja mig upp og til
þess að hjálpa mér. Ég er samt
að vinna í þessu sjálf. Þegar ég
er búin að keppa, þá hugsa ég
alltaf: ég hefði getað gert bet­
ur þarna, eða: ég hefði getað
gert þetta öðruvísi, eða eitthvað
svona,“ segir Annie Mist Þóris­
dóttir, heimsmeistari kvenna í
CrossFit árið 2011. Hún er ein
hraustasta kona landsins, stælt
og geislar af heilbrigði. Hún
hefur skotist á toppinn í al­
þjóðlega CrossFit heiminum á
stjörnuhraða en það eru aðeins
tvö ár síðan hún keppti fyrst í
íþróttagreininni.
Þrátt fyrir magnaðan árang­
ur í íþróttum segist hún vera
jarðbundin og alls ekki full­
komin. Hún vinni vel að því
sem hún tekur sér fyrir hend­
ur og reyni að gera allt hundr­
að prósent. „Maður lærir á
sjálfan sig. Ég er til að mynda
með rosalega fullkomnunarár­
áttu. Eins og til dæmis í skól­
anum. Ég á mjög erfitt með
að fara í próf ef ég er ekki 100
prósent undirbúin. Ég vil alltaf
kunna vel það sem ég geri,“ seg­
ir hún og viðurkennir að hún
sé keppnismanneskja. Það er
augljóst enda hefur Annie náð
góðum árangri í íþróttum og
stendur fremst kvenna í öllum
heiminum í sinni íþróttagrein.
Ungar stúlkur horfa á hana sem
fyrirmynd enda virðist henni
ekkert ómögulegt þegar kemur
að íþróttaiðkun.
Hætti í fimleikum vegna
beineyðingar
Annie Mist er fædd í Vík í Mýr­
dal árið 1989 en fluttist til Nor­
egs þegar hún var sex ára. Þar
bjó hún ásamt foreldrum sín­
um og bræðrum sínum tveim­
ur sem eru báðir eldri en hún.
Fjölskyldan dvaldist þar í eitt
ár en hélt svo aftur heim til Ís­
lands og settist að í Kópavogi.
Þar hófst íþróttaferillinn. „Ég
hef alltaf fundið mig í íþrótt­
um. Ég var í fimleikum í Gerplu
alveg frá því ég flutti aftur
heim og þangað til ég byrjaði í
menntaskóla. Mér gekk mjög
vel í fimleikunum og hafði al­
veg hrikalega gaman af þeim.
Ég fékk síðan beineyðingu í
olnbogann og þurfti að hætta í
fimleikum.“ Beineyðingin lýsti
sér þannig að bein hennar,
sem voru ekki fullvaxin, ýttu á
brjóskið og eyddu því. Þessu
fylgdu miklir verkir. Henni var
ráðlagt að hætta í fimleikunum.
„Það var annaðhvort að taka
áhættu og vera í fimleikum og
eiga það á hættu að eyðileggja
olnbogann á mér endanlega
eða að hætta og bíða þangað til
ég væri búin að ná fullum vexti.
Ég tók ákvörðun, hætti og finn
ekkert fyrir þessu núna.“
Var ýtt út í að keppa
Á sama tíma var hún að byrja í
MR. „Ég byrjaði í MR og nám­
ið var krefjandi. Ég var komin í
allt annað umhverfi en ég var
vön. Ég var hætt í fimleikun­
um og fór að æfa í Jazzballett­
skóla Báru. Ég var þar í eitt ár
en fannst ég þurfa að gera eitt­
hvað meira með því. Mágkona
mín dró mig þá með sér í boot­
camp og mér líkaði vel þar. Ég
þurfti einhverja svona geðveiki
eftir fimleikana. Ég var vön að
æfa sex sinnum í viku, allt að
fjóra tíma í einu, þannig að ég
var alltaf á fullu.“
Hún byrjaði þó ekki í Cross­
Fit strax. Hún var í bootcamp
til að byrja með en hún segir
að þessar greinar séu ólíkar. Í
þeirri síðarnefndu sé meira um
brennslu en í þeirri fyrrnefndu
séu flóknari æfingar og fleiri
greinar.
„Maður sem ég þekki var
með CrossFit hérna heima og
ýtti á mig að prófa að keppa í
greininni. Hann vildi fá mig til
að keppa en ég var í stúdents­
prófunum í MR akkúrat á sama
tíma. Ég var í munnlega stúd­
entsprófinu í stærðfræði sama
dag og keppnin var. Ég ætlaði
ekkert að taka þátt. Ég lærði
alla nóttina fyrir prófið og fékk
eiginlega engan svefn. Ég tók
svo prófið um morguninn og
það gekk ágætlega. Síðan fór ég
heim og var ekki stemmd í þetta
en mamma ýtti mér út, sagði
að ég myndi sjá eftir því ef ég
færi ekki að keppa. Ég keppti á
þessu móti og vissi ekkert hvað
ég var að fara út í en henti mér
í þetta.“
Lét læknisfræðina bíða
Þrátt fyrir að þekkja ekki mikið
til greinarinnar gerði hún sér
lítið fyrir og vann mótið. „Og út
af því að ég vann fékk ég sæti
á heimsmeistaramótinu og ég
vissi í raun ekkert hvað ég var
að fara út í. Ég hafði tvo mán­
uði til að undirbúa mig. Ég
varð því að velja hvort ég ætti
að taka inntökupróf í lækninn
eða grípa þetta tækifæri og fara
á heimsleikana. Ég ákvað að ég
gæti ekki sleppt þessu tækifæri
en læknisfræðin gæti beðið.“
Henni gekk vel á mótinu og
endaði í 11. sæti. Það var þó
ekki nóg fyrir hana. Þegar hún
kom heim hljóp hún Laugaveg­
inn. „Fólk var búið að segja mér
að ég gæti það ekki nema vera
hlaupari. Ef einhver segir mér
að ég geti ekki eitthvað, þá verð
ég að gera það. Ég trúi því að ef
maður er í alhliða góðu formi
þá geti maður allt,“ segir hún
ákveðin en þó með glott á vör.
Greinilegt er að Annie er
mikil keppnismanneskja og
gerir það sem hún gerir með
stæl. Hún segist vera mikill
námshestur. „Ég var með fyrstu
einkunn í MR. Ég hef mjög
gaman af námi. Sérstaklega
af ákveðnum fögum. Allt sem
viðkemur tölum og stærðfræði
heillar mig. Líka efnafræði og
líffræði. Bara allt sem teng­
ist manninum. Markmiðið er
að fara í lækninn, þegar ég hef
tíma til þess. Það er á smá bið
eins og er,“ segir hún brosandi.
Hún útskrifaðist úr MR árið
2009 og síðan þá hefur hún
verið á kafi í að æfa og kenna
íþróttagreinina sem á hug
hennar allan. Hún hefur þó
ekki hætt námi og hefur bæði
verið í lífefnafræði og efnafræði
meðfram íþróttaiðkuninni. „Ég
hef samt ekki verið að mæta í
skólann heldur bara læra sjálf
og fara svo í prófin.“
Annie segist hreinlega ekki
hafa tíma til þess að mæta
í skólann því dagskrá hvers
dags sé þétt. Stífar æfingar frá
morgni til kvölds. „Ég er að
kenna á morgnana, svo æfi ég,
síðan er smá frí í hádeginu, ég
æfi síðan aftur eftir hádegi og er
svo að kenna seinnipartinn og
stundum á kvöldin. Morgunæf­
ingarnar eru yfirleitt svona einn
og hálfur tími og seinnipartsæf­
ingarnar svona tveir og hálf­
ur tími. Þetta er eiginlega bara
þannig að maður hefur svo
gaman af þessu að maður fest­
ist eiginlega bara í þessu.“
Ósannar sögur um
lyfjanotkun
Það eru reyndar ekki sam­
mála um að kalla megi Cross­
Fit íþróttagrein. Greinin er ekki
innan Íþróttasambands Íslands
en hún vonast til þess að hún fái
inngöngu í sambandið. Tölu­
verð umræða hefur skapast um
það að Annie Mist, þrátt fyrir
frábæran árangur á árinu, komi
ekki til greina í valinu á íþrótta­
manni ársins vegna þessa.
„Ég vonast auðvitað til að
þessi umræða verði til þess að
CrossFit komist í ÍSÍ. Ef þú flett­
ir upp skilgreiningunni á íþrótt í
orðabók, þá fellur greinin und­
ir það allt. Mér finnst þetta vera
íþrótt.“
Hún segist þó sjálf vera
skráð í sambandið. „Ég las það í
einhverri greininni að það væri
ekki hægt að setja mig í lyfjapróf
því ég er ekki í ÍSÍ. Ég er skráð í
ÍSÍ því ég keppti á Íslandsmeist­
aramótinu í ólympískum lyft­
ingum hérna heima og við það
er ég komin inn í ÍSÍ,“ segir hún
alvarleg.
Annie segist hafa heyrt það
utan að sér að hún hefði ekki
tekið lyfjapróf. Hún segir þó
umræðuna vera ósanngjarna
og umfram allt ósanna. „Ég er
búin að fara í þrjú lyfjapróf á
þessu ári.
Maður heyrir náttúrulega
alltaf eitthvað, sem er skiljan­
legt, alltaf þegar einhver nær
„x“ miklum árangri þá heyrir
maður umræðu um að það að
sá hinn sami hljóti að vera á
einhverju. Ég heyri þetta með
strákana sem eru æfa með mér.
Og líka um mig sjálfa.“
Hún segist ekki kippa sér
upp við umræðuna. „Svo lengi
sem maður er alltaf að taka
þessi lyfjapróf skiptir þessi um­
ræða mig engu máli. Ég veit
það sjálf og er með sannanir
fyrir því þannig að þetta hefur
engin áhrif á mig. Það er eitt­
hvað sem ég myndi aldrei gera.
Ég vil ekki að fólk haldi að ég sé
að nota eitthvað ólöglegt þegar
ég er ekki að því,“ segir hún og
bætir hlæjandi við: „Ég væri þá
allavega til í að fá ávinninginn
af því að vera að nota þetta.“
Á móti öfgum
Það eru ábyggilega margir sem
velta fyrir sér mataræðinu hjá
manneskju sem er í svona góðu
formi. Annie Mist segist vera
mótfallin öllum öfgum í þeim
efnum. „Það er ákveðið matar­
æði í íþróttinni og mér finnst
sniðugt að prófa það en ég fylgi
því ekki í einu og öllu. Ég er á
móti því að fólk fari út í öfgar í
svona mataræði. Við þurfum
ákveðið magn af kolvetnum,
ákveðið magn af fitu og próteini
og svo framvegis. Ég er búin að
kynna mér það sem ég set ofan
í mig. Líkaminn minn er í raun
vinnutækið mitt. Það sem ég set
ofan í mig er orkan sem ég fæ
yfir daginn þannig að ég reyni
að velja vel. Ég vel lítið unn­
in mat, ég er mikið fyrir mexí­
kóskan mat, kjúkling, hrísgrjón,
mjólkurvörur og svo nota ég
próteinduft og orkudrykki þeg­
ar ég æfi. Síðan reyni ég bara
að velja vel. Hver og einn þarf
að finna hvað passar fyrir sig.
Maður lærir inn á þetta þegar
maður fer að skoða þetta bet­
ur. Ég tók til dæmis brauð út úr
mínu mataræði og fann mikinn
mun en ég hef ekkert á móti því
að fólk borði brauð, það hentar
bara ekki öllum að borða það.“
Hún passar vel upp á heils­
una og drekkur til að mynda
mjög sjaldan áfengi. „Ég hef al­
veg drukkið en ég drekk mjög
sjaldan. Ég get skemmt mér
mjög vel án áfengis. Ég drekk
kannski fimm sinnum á ári en
aldrei mikið. Það er gaman í
réttum hóp og í hófi.“
Náin fjölskylda
Fjölskylda Annie er mjög náin.
„Við erum mjög samheldin. Ég
held það hafi líka verið þegar
við fluttum til Noregs, þá urðum
við að treysta á hvert annað. Við
höfum alltaf verið mjög náin
öll fjölskyldan. Ég og mamma
erum geðveikt góðar vinkonur.“
Fjölskyldan fylgist spennt með
ferli hennar og styður hana í
gegnum súrt og sætt, sem er
þó yfirleitt sætt í tilfelli Anniear.
„Foreldrar mínir hafa fylgt mér
út í hvert einasta skipti sem ég
hef keppt og bræður mínir síð­
ustu tvö ár.“
Hún er búin að fá alla fjöl­
skylduna með sér í sportið.
„Ég er búin að koma allri fjöl­
skyldunni í CrossFit. Mamma
Annie Mist Þórisdóttir hefur náð ótrúlegum árangri í íþrótta-
greininni CrossFit. Hún er heimsmeistari kvenna í greininni en
segist þó ekki vera búin að ná toppnum. Hún er að eigin sögn mikill
námshestur með gríðarlegan metnað og gríðarleg keppnismann-
eskja. Hún sagði Viktoríu Hermannsdóttur upp og ofan af lífi
sínu, frá íþróttinni sem á hug hennar allan, kærastanum sem býr í
fjarlægu landi, kjaftasögum um lyfjanotkun og hvernig hún valdi
að láta læknisfræðina bíða til þess að ná árangri í CrossFit.
Ástfangin í fjarbúð
„Við eyðum
sífellt meiri
tíma saman og þá
verður alltaf erfiðara
að kveðja.
„Fólk er að
óska mér til
hamingju og mér
þykir mjög vænt um
það. Það er gott að
finna stuðning þjóð-
arinnar.
Keppnismanneskja af lífi og sál Annie Mist segist vera mikil keppnis-
manneskja og reyni að gera hlutina vel. Hún lifir fyrir íþróttirnar en er líka
mikill námshestur. myNd eyþÓr ÁrNasoN
Ást á milli landa Annie
Mist og Frederik kærastinn
hennar bregða á leik en þau
hafa bæði mikinn áhuga á
íþróttum. Þau hafa verið
saman síðan í desember og
búa hvort í sínu landinu.
myNd úr eiNKasafNi