Dagblaðið Vísir - DV - 30.05.2014, Qupperneq 70

Helgarblað 30. maí –2. júní 20146 Sjómannadagur
Sjómenn leggja
undir sig landið
n Sjómannadagshelgin er sérlega fjörug í ár n Margar hátíðir um land allt
Reykjavík
Hátíð hafsins
Hátíð hafsins er haldin dag­
ana 31. maí–2. júní til heiðurs
sjómönnum. Hátíðarhöldin
teygja sig frá Granda yfir á
Ægisgarð. Á meðal dagskrár­
liða má nefna Skoppu og
Skrítlu, stjörnurnar úr Ísland
Got Talent, Lúðrasveit Reykja­
víkur og Pollapönk. Þetta er
aðeins brot af dagskránni en
nánari upplýsingar má finna á
hatidhafsins.is.
Flateyri
Sjóstökk og
kappbeiting
Á Flateyri verða hátíðar­
höld laugardaginn 31. maí og
sunnudaginn 1. júní. Meðal
annars verður boðið upp á
bryggjufjör þar sem keppt
er í kappbeitingu, flottasta
sjóstökkinu, koddaslag og
reiptogi svo eitthvað sé nefnt.
Á laugardagskvöld er síðan
ball á Vagninum með hljóm­
sveitinni Sólon. Á sunnudag er
sjómannadagsmessa og hefð­
bundin hátíðarhöld.
Raufarhöfn
Gleði á Jökulsbryggju
Sjómannadagurinn á Raufarhöfn er haldin hátíð­
legur föstudaginn 30. maí og laugardaginn 31. maí.
Dagskráin hefst með árlegu kaffi Framsýnar í Kaffi
Ljósfangi. Á laugardag hefst dagskrá með siglingu
frá Jökulsbryggju klukkan 13.00. Að henni lokinni er
sjómannamessa. Næst tekur við skemmtidagskrá á
Jökulsbryggju og verður vel tekist á. Má nefna sjó­
mann, bíladrátt, reiptog og kaðlaklifur. Að lokum er
dansleikur með Sífrera í Hnitbjörgum. Nánari upp­
lýsingar má finna á raufarhofn.is.
Eskifjörður
Stórtónleikar
og minnisvarði
Sjómannadagsfögnuðurinn
verður með glæsilegra móti
hjá Eskfirðingunum þetta
árið. Dagskráin hefst mið­
vikudaginn þegar DJ Spider
stígur á svið á Kaffihúsinu. Þétt
dagskrá er síðan frá fimmtu­
degi til sunnudags en há­
punkturinn er 70 ára afmælis­
tónleikar Eskju þar sem fram
koma Raggi Bjarna, Guðrún
Gunnars, Matti Matt, Egill
Ólafs, Erna Hrönn og Bubbi
Morthens. Grínistinn og eft­
irherman Sóli Hólm verður
kynnir. Á föstudag verður
Rútu ferð í Vöðlavík frá Mjó­
eyri, þar verður vígður minn­
isvarði vegna Goða­sjóslyssins.
Hafnarfjörður
Afmælishátíð og Sirkus Íslands
Sjómannadagsgleðin í Hafnarfirði fer fram á afmælisdegi bæjarins, 1. júní.
Dagskráin hefst með formlegum hætti þegar fánar eru dregnir að húni
klukkan átta á sunnudagsmorgun. Á meðal þess sem er í boði yfir daginn
er skemmtisigling með Eldingu, Sirkus Íslands, kararóður, björgunarsveit
Hafnarfjarðar sviðsetur björgunaraðgerð og Bjarni töframaður stígur á svið.
Grindavík
Sjóarinn síkáti
Hátíðin Sjóarinn síkáti fer fram í
Grindavík dagana 28. maí–1. júní.
Hátíðin er sérlega vegleg í ár í tilefni
af 40 ára kaupstaðarafmæli Grinda­
víkurbæjar. Bærinn gaf út sérstakt
48 síðna blað í tilefni af hátíðinni
í samstarfi við Víkurfréttir en raf­
ræna útgáfu má finna á grindavik.
is. Á meðal skemmtiatriða má nefna
Skítamóral, Skoppu og Skrítlu og
keppnina Sterkasti maður Íslands.
Skagaströnd
Skrúðganga
og Skandall
Hátíðarhöld vegna sjómanna­
dagsins fara fram laugardaginn 31.
maí á Skagaströnd. Dagskrá hefst
með skrúðgöngu frá höfninni að
Hólaneskirkju klukkan 10.30. Yfir
daginn verður meðal annars skotið
úr fallbyssu, haldin mótorhjólasýn­
ing og veitingar seldar í Fellsborg.
Klukkan 23 hefst svo dansleikur með
hljómsveitinni Skandal í Fellsborg.
Patreksfjörður
Bjöggi Halldórs og kassabílarall
Á Patreksfirði stendur dagskráin frá fimmtudeginum 29. maí fram á sunnudaginn 1. júní. Boðið
verður upp á fjölbreytta dagskrá og má þar nefna kassabílarall, hoppukastala, siglingar, krafta­
keppni og róðrarkeppni. Þá fer fram knattspyrnumótið Thorlacius Cup. Björgvin Halldórs­
son og Eyþór Ingi eru á meðal þeirra sem haldi uppi stuðinu föstudags­ og laugardagskvöld.
Hefðbundin sjómannadagsdagskrá er á sunnudag.
Bolungarvík
Sædýrasýning og
Suðvestan fimm
Hátíðarhöldin í Bolungarvík standa frá föstudeginum 30.
maí til sunnudagsins 1. júní. Þótt formleg dagskrá hefjist á
föstudag er hið árlega dorgveiðimót á sínum stað fimmtu­
daginn 29. maí. Björn Thoroddsen heldur tónleika í Fé­
lagsheimilinu á föstudag. Á laugardag hefst svo dagskráin
að morgni og lýkur með balli hljómsveitarinnar Suð­
vestan fimm um kvöldið. Á sunnudag verður hin árlega
skrúðganga og önnur hefðbundin dagskrá.