Frjáls verslun - 01.10.2013, Page 8

8 FRJÁLS VERSLUN 10. 2013
Það tekur ísinn þúsund ár að skríða niður Breiðamerkurjökulinn. Og þarna, inni í þrjátíu metra hárri hvelfingunni,
fellur ljósið niður þröngt hellisopið, langt inni í jöklinum. Æpandi þögnin spilar sitt silkimjúka lag við óminn af
brestum í stálinu. Lækurinn, sem seytlar um hellinn og grefur hann, hvíslar – líkt og hann þori ekki að skvaldra.
Ferðalangurinn óttast að hann rjúfi kyrrð hvelfingarinnar með andardrætti sínum. Einstakur heimur; birtan, blár
ísinn og grágrýtið mynda skjól fyrir veðri og vindum. Fyrir utan fer lognið hratt yfir.
Undir Vatnajökli 18. nóvember 2013. Canon 1D X og 24mm linsa, klukkan var 14:11, og lýsingartíminn 1.3 sek, ljósopið 2.8 og ISO var 100.
Þúsund ára þögn
Texti og myndir: Páll Stefánsson