Frjáls verslun - 01.10.2013, Blaðsíða 91

FRJÁLS VERSLUN 10. 2013 91
Útlönd næsta skref fyrir þennan vinsæla barnafatnað
Hannar undir eigin nafni
Helga björnsson
Helga Björnsson bjó í París um árabil og starf -
aði aðallega við tískuhúsið Louis Feraud, m.a.
sem aðalhönnuður þess.
Hún hefur búið á Íslandi undanfarin ár og
m.a. hannað leikbúninga fyrir uppfærslur í
Ís lensku óperunni og Þjóðleikhúsinu og fékk
Grímuverðlaunin fyrir búningana í Íslands -
klukkunni. Í tilefni af opnun Hörpu fékk hún
svo það verkefni að hanna kjóla fyrir konur í
Sinfóníuhljómsveit Íslands.
Helga hefur lengi starfað í samvinnu við
Gerðar safn og hannað slæður, skartgripi, boli
og ýmsa aðra hluti þar sem verk Gerðar Helga -
dóttur hafa veitt henni innblástur.
„Myndræn verk Gerðar eru endalaus fjár sjóð -
ur og ótrúlega gefandi fyrir mig,“ segir Helga.
Hún gerði línuna „Born again“ með Eggerti
feldskera og vinna þau nú að nýrri línu sem
kemur fljótlega á markað.
Helga hefur síðustu ár einnig hannað nokkrar
línur af slæðum fyrir skartgripafyrirtækið
Misaki sem er með höfuðstöðvar í Monte Carlo í
Mónakó. Hún er sífellt með eitthvað á prjónunum
og um þessar mundir er hún að hanna slæður
fyrir nýtt íslenskt merki, Saga Kakala.
„Mér líður vel þegar ég fæ frið til að hanna –
og þegar ég kemst í almennilegt stuð er mér
eiginlega sama hvað ég hanna.
Þrátt fyrir að ég sé að undirbúa mína eigin
línu hef ég mikla ánægju af að vinna með og
hanna fyrir aðra. Þá fer maður í annan gír og
vinnur á þeim nótum sem hentar sam starfs-
aðilanum og þannig fá hugmyndirnar nýtt og
annað líf.“
Helga björnsson. „Þrátt
fyrir að ég sé að undirbúa
mína eigin línu hef ég mikla
ánægju af að vinna með og
hanna fyrir aðra.“