Frjáls verslun - 01.10.2013, Blaðsíða 43

FRJÁLS VERSLUN 10. 2013 43
KOMPÁS.is
Verkfærakista
Samstarfsvettvangur
Þekkingarsamfélag
foringinn sé farinn og svo þekkir
Björn öll málin í borgarstjórn.
Eng inn veit hins vegar hvort
hann hefur kjörþokka. Andlitið
er nær óþekkt,“ segir Gunnar
Helgi.
Og enn eru ekki allir búnir að
taka sér stöðu á sviðinu. Form -
lega bara sjálfstæðismenn og
framsóknarmenn. Þátttakan
í prófkjöri sjálfstæðismanna
var svo léleg að svar þeirra við
spurningunni um hver vildi
fylla tómarúmið eftir Jón Gnarr
var: „Ekki við!“ Það varð eng-
inn harður fjöldaslagur meðal
borgarfulltrúa Sjálfstæðis flokks-
ins um að fylla þetta tómarúm.
Þreskja, mala og baka
Dagur Eggertsson, Samfylkingu,
er enn manna líklegastur til að
fylla tómarúmið. Því heyrist
fleygt að Dagur hafi verið hinn
raun verulegi borgarstjóri á
kjörtímabilinu. Nýtur hann
þess? Þetta sama orð fer af
Birni Blöndal, aðstoðarmanni
Jóns Gnarrs: Að hann hafi verið
„augu og eyru“ leiðtogans og
jafnvel ígildi borgarstjóra að
völdum.
Samkvæmt þessu hafa þeir
tveir sáð hveitikorninu sem nú
á að uppskera, og vilja þreskja
það, mala og baka í komandi
borgarstjórnarkosningum.
Gunnar Helgi bendir þó á að
Samfylking virðist ekki hafa
nema helmingsfylgi á við Dag
sjálfan. „Ef meirihlutinn held-
ur velli verður Dagur eftir sem
áður fulltrúi minni flokks ins
og því ekki líklegt borgar -
stjóraefni,“ segir Gunnar Helgi.
Allt að vinna hjá Halldóri
Utanbæjarmaðurinn Halldór
Halldórsson, Sjálfstæðisflokki,
kom og sigraði í prófkjöri en
með aðeins rúmlega 1.800 at -
kvæðum. Það er lítið í stórri
borg þar sem Davíð Oddsson
leiddi lista flokksins til sigurs
í kosningum 1990 með 33.913
at kvæðum eða 60,4% þeirra sem
kusu.
Spurningin er ef til vill hvaða
sjálfstæðismaður vilji fylla
tóma rúmið eftir Davíð og ekki
tómarúmið eftir Jón Gnarr. Stór
spurning er hvernig Halldóri
Halldórssyni tekst að vinna úr
þröngri stöðu.
En öll kosningabaráttan er
eftir og listar ekki nema að hluta
komnir fram. Halldór er óskrifað
blað í borgarpólitíkinni en hann
hefur þegar langa reynslu af
sveitarstjórnarmálum, fyrst
sem framkvæmdastjóri fjórð -
ungssambands Vestfjarða, svo
bæjarstjóri á Ísafirði í tólf ár og
eftir það formaður Sambands
íslenskra sveitarfélaga. Alls eru
þetta sautján ár.
Reynslan helsti styrkurinn
„Styrkur Halldórs felst í
reynsl unni. Hann leiddi
meiri hluta á Ísafirði í tólf ár
og er sagður laginn við að
halda hópi saman,“ segir
Stefanía Óskarsdóttir stjórn -
mála fræðingur. „Það er hins
vegar mikið verk að vinna hjá
Halldóri. Hann þarf að ná eigin
hópi saman. Þar er ekki sam -
staða um mikilvægt mál eins og
aðalskipulagið.“
Gunnar Helgi telur reynsluna
einnig styrk Halldórs: „Hann
er ferskur í borgarmálunum í
Reykjavík og getur vísað í langa
reynslu í sveitarstjórnarmálum,“
segir Gunnar Helgi.
Birna Lárusdóttir, fyrrverandi
forseti bæjarstórnar á Ísafirði,
þekkir Halldór vel. Hún var
í bæjarstjórn öll tólf árin sem
hann var bæjarstjóri. Hún segir
að Halldór hafi sýnt ótvíræða
stjórnunarhæfileika í starfi.
„Ég þekkti Halldór ekkert
þegar ákveðið var að hann yrði
bæjar stjóraefni sjálfstæðismanna
fyrir kosningarnar 1998. Það fór
bara gott orð af honum þau tvö
ár sem hann var búinn að vera
hjá fjórðungssambandinu,“ segir
Birna.
Halldór Halldórsson, oddviti Sjálfstæðisflokksins í borginni.
Tekst honum að laða til sín fylgi á næstu mánuðum og setjast í
stól borgarstjóra.