Frjáls verslun - 01.10.2013, Blaðsíða 90

90 FRJÁLS VERSLUN 10. 2013
Fatahönnun
Útlönd næsta skref fyrir þennan vinsæla barnafatnað
Ígló&Indí
Eftir að hafa unnið erlendis hjá Ilse Jacob sen,
All Saints og Nikita ákvað Helga Ólafs dóttir
fatahönnuður að stofna íslenska barna fata -
merkið Ígló&Indí fyrir fimm árum en fyrirtækið
hannar og selur barnaföt.
Í dag er Ígló&Indí með eigin verslun í Kringl-
unni og netverslun, www.igloandindi.com, auk
þess sem fötin eru seld í tæplega 30 verslunum
á Íslandi og erlendis.
„Við höfum á síðastliðnum tveimur og hálfu
ári lagt mikla áherslu á alla innviði fyrirtækisins
til að geta tekið það áfram ásamt því að skil-
greina vel heildarhugmynd Ígló&Indí út frá t.d.
hönnun, vörulínu, markaðssetningu, útsölu -
stöðum og framlegð,“ segir Guðrún Tinna
Ólafs dóttir, framkvæmdastjóri og einn eig enda
fyrir tækisins.
„Við höfum unnið alla faglega undirbúnings-
vinnu til að stækka fyrirtækið enn frekar.
Það skiptir miklu máli fyrir fyrirtæki eins og
okkar að selja erlendis til að ná inn í enn stærra
markaðssvæði því að þótt framleiðnin sé góð
í prósentum þá er hún lítil í krónum. Til þess
að geta boðið upp á góða breidd af vörulínu
þurfum við að selja ákveðinn fjölda af stykkjum
og markaðurinn hér á landi er helst til lítill
þannig að það er eðlilegt skref fyrir okkur að
fara út.
Við höfum á síðustu mánuðum verið að
skilgreina sölusvæði erlendis þar sem við
höf um sambönd, þar sem við sjáum að það
vant ar vel hannaðar vörur á góðu verði, þar
sem markaðsstefna okkar í gegnum rafræna
markaðs setningu skilar árangri og þar sem
áhugi er fyrir vörum frá Norðurlöndunum.
Erlendis er leitað að vörum með skandinavísk
sérkenni og á góðu verði.
Við höfum verið að leita að og gert samninga
við samstarfsaðila erlendis, bæði innan smá -
söluverslunar, markaðssetningar og fram -
leiðslu, til að vinna með okkur að því að taka
fyrir tækið áfram inn á stærra sölusvæði.“
Sterkt nafn og lógó
Guðrún Tinna segir að hvað hönnunina varðar
sé lögð mikil áhersla á góð snið og vönduð efni.
Hugmyndafræði Ígló&Indí er að börnunum líði
vel í fötunum, að þau hafi fulla hreyfigetu og
fötin endist vel við leik úti og inni allan daginn.
Fötin eru í fallegum litum og skreytt fallegum
mynstrum og myndum.
„Það eru alltaf smáatriði í hverri flík, hvort
sem það er grafík eða blúndur, sem gerir
flíkina sérstaka en Ígló&Indí-fötin þekkjast
vel á hönnuninni. Við erum með tvenns konar
kröfuharða viðskiptavini, þ.e. börnin sem
klæðast fötunum sem og aðstandendur sem
kaupa fötin. Því er mikilvægt að fatnaðurinn
höfði til beggja hópa. Það er mikilvægt að hafa
sterkt nafn en ekki síður sterkt lógó. Tvær
vinalegar fígúrur eru á lógói fyrirtækisins;
Ígló-strákurinn og Indí-stelpan. Jafnframt eru
Ígló-strákurinn eða Indí-stelpan á hverri flík og
tengir það börnin enn frekar við fötin.“
Guðrún tinna ólafsdóttir:
„Núna er Ígló&Indí með
eigin verslun í kringl­
unni og netverslun, www.
iglo andindi.com, auk þess
sem fötin eru seld í tæplega
30 verslunum á Íslandi og
erlendis.“