Gerðir kirkjuþings - 1996, Blaðsíða 42

ÁRSSKÝRSLA FJÖLSKYLDUÞJÓNUSTU KIRKJUNNAR 1996
77/ héraðsfunda og kirkjuþings 1996
Framtíðarsvn
Helstu tíðindi af FÞK snerta breytingar í starfsmannahaldi og erfiða fjárhagsstöðu. Á
yfirstandandi ári breyttist í fyrsta sinn framlag prófastsdæmanna til stofnunarinnar.
Framlag Kjalarnesprófastsdæmis sem hafði alla tíð verið myndarlegt minnkaði
umtalsvert. Það kemur kannski ekki alveg á óvart þar sem prófastur hafði lýst því
yfir að það væri hans skoðun að prófastsdæmin ættu að draga saman seglin þegar
fram liðu stundir en því meir ættu kirkjusjóðirnir að auka sinn þátt. Þetta hefur að
nokkru leyti gerst. Kirkjuráð hefur aukið talsvert við sitt framlag í staðinn og er nú
svo komið að hlutur kirkjusjóða hefur vaxið úr 40% í 60% af heildarrekstrinum. Enn
vantar samt talsvert upp á að endar nái saman.
Við urðum fyrir öðru fjárhagslegu áfalli nú í sumar. Styrkur Reykjavíkurborgar sem
hefur verið óbreyttur frá upphafi eða 720 þúsund krónur hefur dugað langt fyrir
húsaleigu. Sú fjárveiting kom upphaflega í tíð Davíðs Oddssonar þáverandi
borgarstjóra. Nú þegar þetta er skrifað virðast hins vegar vera blikur á lofti og
ólíklegt að nokkur styrkur komi frá Reykjavíkurborg í ár. Ekki veit ég ástæðu þessara
breyttu afstöðu félagsmálaráðs sem hefur nú með slíkar styrkveitingar að gera. Það
kann að vera að ráðinu þyki ekki lengur ástæða til að styrkja starfsemi kirkjunnar
þar sem borgin rekur nú sjálf ásamt Mosfellsbæ svipaða starfsemi, reyndar með
verulegum styrk frá Félagsmálaráðuneyti. Sú þjónusta sem FÞK hefur veitt
borgarbúum í þau fimm ár sem stofnunin hefur verið starfrækt er umtalsverð og
hefur verið ódýr fyrir borgina en samkvæmt lögum er það skylda allra sveitarfélaga
að veita ráðgjöf í þeim dúr sem við höfum boðið upp á.
Það er hins vegar ekki í lögum að kirkjunni beri að sinna slíkri sérhæfðri þjónustu.
Frumkvæðið kom á sínum tíma frá sóknunum í Reykjavík. Þær hrintu þessu í
framkvæmd ásamt með Kjalarnes- og Árnesprófastsdæmum og samtímis varð
kirkjuráð einnig þátttakandi í verkefninu. Til að byrja með greiddi ríkissjóður
grunnlaun forstöðumanns. Ef borgin dregur sig alfarið út úr myndinni verður
stofnunni algjörlega rekin af kirkjulegum sjóðum. Þar með getum við ákveðið sjálf
enn frekar hvert við viljum stefna og það er sú framtíðarsýn sem nú þarf alvarlega
að ræða. Viljum við t.a.m. áfram hafa þetta samvinnuverkefni kirkjusjóðanna og
stærstu héraðssjóðanna? Á stofnunin að vera rekin eingöngu af kirkjusjóðunum en
með framlagi frá prófastsdæmunum kannski samkvæmt fjölda þeirra fjölskyldna
sem hingað leita? Viljum við að FÞK haldi áfram að sinna þeim meginverkefnum
sem hún hefur sinnt, þ.e. viðtölum, ráðgjöf, handleiðslu og fræðslu? Eða eru aðrar
hugmyndir á lofti? Sjálf höfum við leitt hugann að því að bjóða okkur fram sem
sáttaaðila í deilum sem upp koma innan safnaða og í kirkjulegu starfi. Ætti að bæta
því við starfsemi okkar? Við höfum lítillega komið að slíkum málum. Og eigum við
að auka verulega hlut okkar í handleiðslu er næði til mun fleira starfsfólks
kirkjunnar?
Við höfum visst frelsi til að láta hugann reika um hlutverk stofnunarinnar og höfum
fengið að móta starfið að okkar hugmyndum en öllu frelsi fylgir um leið mikil
ábyrgð. Kirkjan hlýtur að svara því á hverjum tíma á hvern hátt hún vilji og ætli að
39