Gerðir kirkjuþings - 1996, Side 47

FJÖLSKYLDUÞJÓNUSTA KIRKJUNNAR
Klapparstígur 25- 27 5. hæð 101 Reykjavík
Fjölskvldurnar
Eins og sést hér fyrir neðan höfðu 380 fjölskyldur samband við okkur og viðtölin
urðu alls 772 á árinu 1995. Það sem af er þessu ári eru þær orðnar 230 og viðtölin
að nálgast 500 og skiptast þau á milli okkar þriggja sem annast þau, Benedikts
Jóhannssonar, sálfræðings, Ingibjargar Pálu Jónsdóttir, félagsráðgjafa, og
undirritaðs. Símavörslu og gjaldkerastörfum sinnir áfram Ásta Einarsdóttir í hálfu
starfi.
Árið Fiöldi fiölskvldna Fjöldi viðtala
1993 300 599
1994 350 584
1995 380 772
1996 230 496 (staðan 12.sep.)
Rúmlega helmingur þeirra sem til okkar leita koma úr Reykjavík og næsta nágrenni.
Hvort það breytist við tilkomu nýju ráðgjafarstöðvar Reykjavíkurborgar og
Mosfellsbæjar vitum við ekki. Sú þjónusta miðast við barnafjölskyldur úr þessum
tveimur sveitarfélögum en við höfum aldrei dregið slíkar línur og boðið alla
velkomna hvernig svo sem fjölskyldan er samsett og hvaðan sem er af landinu.
Ekki má skilja þau orð svo að við sinnum öllum sem hafa samband við okkur.
Sumum bendum við á að leita annað með sinn vanda. Öðrum að Ijúka samstarfi
sem hafið er annars staðar en byrja ekki á nýjum stað fyrr. Margur hefur leitað fyrst
til prests, sóknarprests síns eða annars, og þar er oftar en ekki brotinn ísinn er leiðir
til frekari úrvinnslu hjá okkur.
Sagt er að ánægður viðskiptavinur sé besta auglýsingin. Við þurfum ekki að kvarta
því stærsti hópur þeirra sem hingað leita koma samkvæmt ábendingu annarra sem
hafa verið hér í viðtölum. Nýlegar rannsóknir frá Bandaríkjunum sýna að
langstærsti hluti fólks sem leitar til fjölskyldmeðferðarfræðings er mjög ánægður
með þá þjónustu sem það fær.
Okkur hefur fundist sá hópur stækka sem kemur í kjölfar sambúðaslita eða
skilnaðar og vill taka upp þráðinn á ný, reyna að ná sama aftur. Þau nefna oft að
þriðji aðili verði að koma til aðstoðar, hlutlaust fagfólk. Þetta hlutleysi er afar
þýðingarmikið að haldist í huga fólks og okkar sem fagfólks éinnig. Við það skapast
traust sem er ein aðalforsenda allra sameiginlegrar vinnu og ekki hvað síst þegar
um er að ræða persónuleg mál.
í Ijósi þeirra orða er ekki úr vegi að minnast á þagnarskylduna. Hún er líka afar
mikilvæg og er undirstrikuð í okkar kynningarbæklingi. Undantekningu frá
meginreglunni er að finna í landslögum. Samkvæmt barnalögum er öllum skylt að
tilkynna um illa meðferð á börnum ef við verðum þess áskynja. Þetta nær til presta í
23.9.1996
44