Peningamál - 01.09.2005, Page 43

ÞRÓUN OG HORFUR
Í EFNAHAGS- OG PENINGAMÁLUM
P
E
N
I
N
G
A
M
Á
L

2
0
0
5
•
3
43
Ramma grein 3
Könnun á mati
sérfræðinga á
fjármálamarkaði á
horfum í efnahagsmálum
Meðfylgjandi tafla sýnir efnahagsspár sérfræðinga á fjármála mark-
aði sem gerðar voru í byrjun september sl. Sem endranær voru þátt-
takendur í könnuninni greiningardeildir Íslandsbanka hf., KB banka
hf. og Landsbanka Íslands hf. og Ráðgjöf og efnahagsspár ehf.
Sérfræðingarnir skyggnast nú lengra en áður eða allt til ársins
2007. Eins og nærri má geta verður innbyrðis ágreiningur meiri eftir
því sem lengra er horft. Þannig greinir aðila verulega á um framvind-
una árið 2007.
Mat á verðbólgu yfir árin 2005 og 2006 hefur vart breyst frá
spá sömu aðila í maí sl. Spámennirnir telja að verðbólga yfir árið nái
hámarki árið 2006 í rúmlega 5% en hjaðni á ný árið 2007 og verði
rúmlega 3½%. Hins vegar álíta þeir að verðbólga milli ársmeðaltala
fari hækkandi fram til ársins 2007 er hún verði tæplega 4½%.
Verðbólga verður því töluvert hærri en 2,5% verðbólgumarkmið
Seðlabankans á tímabilinu og ýmist hærri en eða við 4% efri
þolmörk markmiðsins. Í grunnspá sinni gerir Seðlabankinn ráð fyrir
meiri verðbólgu yfir árið í ár en sérfræðingar á fjármálamarkaði en
að nokkuð dragi úr henni strax á næsta ári. Að því er varðar verð-
bólgu milli ársmeðaltala munar litlu á grunnspá Seðlabankans og
sérfræðinga nú í ár en bankinn spáir síðan minni verðbólgu næstu
tvö árin. Rétt er að hafa í huga að í spá Seðlabankans er reiknað með
óbreyttum stýrivöxtum og gengisvísitölu á spátímabilinu. Þannig er
spá Seðlabankans með breytilegum vöxtum og gengi mjög áþekk
spá greiningaraðila en samkvæmt henni er verðbólga um 4½% að
meðaltali á næsta ári og um rétt tæplega 5% árið 2007.
Hagvaxtarspá sérfræðinga á fjármálamarkaði hefur heldur
lækkað frá því í maí og munur á hæsta og lægsta gildi er meiri en
þá. Að meðaltali búast þeir við 6% hagvexti í ár og 4,8% á næsta
ári sem síðan lækki nið ur í 1,2% árið 2007. Grunnspá Seðlabankans
er nokkuð frábrugðin og í heild mun bjartari: 5,5% hagvöxtur
á árinu sem er að líða, á næsta ári hækki hann í 6,7% og fari
niður í 4,8% árið 2007. Eins og gefur að skilja munar mestu á spá
sérfræðinganna og Seðlabankans síðasttalda árið.
Svarendur hafa svipaðar skoðanir á þróun gengisvísitölu og
í maí og raunar hefur spá þeirra um gengið sáralítið breyst allt frá
því í febrúar. Álíta þeir að gengisvísitalan verði nálægt 120 stigum
2005 2006 2007
Meðaltal Lægsta gildi Hæsta gildi Meðaltal Lægsta gildi Hæsta gildi Meðaltal Lægsta gildi Hæsta gildi
Verðbólga (yfir árið) 3,7 3,4 4,2 5,3 3,8 7,1 3,7 2,0 5,5
Verðbólga (milli ársmeðaltala) 3,8 3,6 4,2 4,4 3,7 4,9 4,9 3,5 6,8
Hagvöxtur 6,0 5,5 6,5 4,8 4,2 5,5 1,2 -1,0 2,5
Eitt ár fram í tímann Tvö ár fram í tímann
Gengisvísitala erlendra gjaldmiðla 118,8 115,0 123,0 130,5 127,0 135,0
Stýrivextir Seðlabankans 9,3 8,5 10,0 7,4 6,0 9,3
Langtímanafnvextir2 7,4 6,7 7,8 6,6 6,0 7,2
Langtímaraunvextir3 3,6 3,5 3,8 3,4 3,0 3,6
Breyting úrvalsvísitölu aðallista 5,3 -10,0 16,0 13,4 -14,5 30,0
Breyting fasteignaverðs 8,8 5,0 15,0 11,9 7,0 20,8
1. Taflan sýnir breytingu milli tímabila í % nema að því er varðar gengi og vexti. Sýnd eru þau gildi sem spáð er fyrir vexti (%) og gengisvísitölu erlendra gjaldmiðla (stig).
Þátttakendur í könnuninni eru greiningardeildir Íslandsbanka hf., KB banka hf. og Landsbanka Íslands hf. og Ráðgjöf og efnahagsspár ehf. 2. Ávöxtunarkrafa í tilboðum
viðskiptavaka í ríkisbréf (RIKB 13 0517). 3. Ávöxtunarkrafa í tilboðum viðskiptavaka í íbúðabréf (HFF 15 0644).
Heimild: Seðlabanki Íslands.
Yfirlit yfir spár sérfræðinga á fjármálamarkaði1