Glóðafeykir - 01.12.1987, Qupperneq 7

7
r
Avarpsorð
Eftirfarandi orð eru kafli úr ræðu þeirri, er Jóhann Salberg
Guðmundsson, fyrrverandi sýslumaður og stjórnarformaður K.S.
flutti er félagið minntist aldarafmælis samvinnuhreyfingarinnar
hérlendis.
Samvinnuhreyfingin hefir sífellt farið vaxandi á landi hér, eftir því
sem árin hafa liðið, og hennar gætir á æ fleiri sviðum þjóðlífsins jafnt
og þétt. Hreyfingin er orðin voldug og sterk, og nýtur nú almennrar
viðurkenningar og virðingar landsmanna. Hlutur hennar er orðinn
mikilvægur í hagkerfí þjóðarinnar, og hefir hún m.a. þau áhrif að
draga úr rekstri og afskiptum ríkisvaldsins, jafnframt því sem
hreyfingin veitir einkarekstri aðhald með heilbrigðri samkeppni á
frjálsum grundvelli.
I stefnuskrá samvinnuhreyfingarinnar, sem liggur fyrir í
frumvarpsformi, er hreyfingunni lýst og á ýmsan hátt gerð grein fyrir
henni. Vil ég í örstuttu máli minna á nokkur helztu atriði í
stefnuskránni:
Samvinnuhreyfingin er lífsviðhorf. Það er markmið samvinnu-
félaga, að menn leysi saman þau verkefni, sem sameiginlegt átak þarf
til, og styðji með því eigin velferð og hag annarra jafnframt.
Samvinnustefnan er reist á grundvelli félagshyggju og hefir mannúð
og réttlæti í heiðri. Hreyfingin byggir á því, að samstarf frjálsra
einstaklinga í samvinnufélögum sé öðru fremur vænlegt til að tryggja
almenningi réttláta viðskiptahætti og bætt lífskjör. Því er lögð á það
áherzla, að öll fyrirtæki innan hreyfmgarinnar starfi ávallt í samræmi
við grundvallarhugsjón samvinnumanna. Hreyfingin vill verða
öflugur þátttakandi í sókn íslenzku þjóðarinnar til framfara og vinna
með öðrum þjóðhollum öflum að því að byggja upp traust efnahagslíf
og heilbrigt mannlíf í landinu.
Samvinnuhreyfingin á íslandi er m.a. aðili að Alþjóðasamvinnu-
sambandinu og leitast við að fara eftir grundvallarreglum þess.
Reglurnar eru þessar þær helztu:
1) Aðild að samvinnufélagi er frjáls og opin, án tillits til
félagslegrar, stjórnmálalegrar, trúarlegrar eða kynþáttalegrar
mismununar.