Skírnir - 01.09.1990, Page 144

396
VILBORG DAGBJARTSDÓTTIR
SKÍRNIR
Sigríður orti ekki mikið á þessum tíma. Vinnutíminn var langur. Og
það voru alltaf gestir hjá þeim á kvöldin. Sigríður var svo veitul að Mál-
fríði blöskraði. Þær leigðu saman stúlkurnar hjá tveimur mjög skikkan-
legum dömum sem hétu systurnar Hall, Petra og Andrea. Petra Hall
kenndi frönsku og var fyrsti kennari Sigfúsar Blöndal og Bjargar. Þær
áttu stórar kabínettmyndir af þeim báðum í albúmi. „Hann var
afskaplega lítið laglegur hann Sigfús,“ sagði Petra. Þær bjuggu á Glas-
værksvej. Málfríður var í Kaupmannahöfn 1972 og fór um þessa götu
til að rifja upp minningar og þá var þessi áður skikkanlega gata ekkert
nema sex og pornó, sex og pornó.
Gestirnir sem komu til þeirra voru ungar stúlkur sem voru við nám
og störf í Höfn. Fanney Jónsdóttir málari sem vann við saumaskap og
lærði í teiknikennaraskóla og lauk prófi. Hún giftist síðar Jóni Odd-
geiri. Valborg Gröndal Benediktsdóttir sem vann við mynsturgerð í
hannyrðabúð. Halldóra Björnsdóttir, bróðurdóttir Guðmundar
Kamban, tvær systur frá Garðsauka, Valgerður og Inga Sæmundsdætur
og kennari úr Biskupstungunum, Dóróthea Gísladóttir. Svo komu
stúdentarnir í kjölfarið: Júlíus Björnsson (sonur Guðmundar Björns-
sonar), Lárus Sigurbjörnsson, Árni Friðriksson fiskifræðingur,
Jóhannes Áskelsson jarðfræðingur og herbergisfélagi hans Davíð
Þorvaldsson sem þá var byrjaður að skrifa og búinn að birta nokkrar
smásögur þó bók eftir hann kæmi ekki fyrr en 1929.
Sigríður fór heim í mars en Málfríður varð eftir hjá systrunum Hall
sem nærri því sveltu hana í hel.
Sigríður fer í Borgarnes 1926 og er þar þangað til hún flytur til
Reykjavíkur 1932. í Borgarnesi vann hún í sparisjóðnum. í forstöðu
fyrir sparisjóðnum voru Magnús Jónsson og Jóhann frá Hamri. Þeir
voru heidur leiðinlegir húsbændur. Sigríði var sagt upp vegna þess að
hún sýndi lit í stjórnmálum og útbreiddi blöð sem karlarnir vildu
brenna. Borgarnes var versta íhaldsbæli og ógurlega lágkúrulegur
staður. Svo kom Fúsi vert og boðaði framsókn og náði nokkrum
tökum. Það var stofnaður verkalýðsflokkur. Sigríður gekk í hann.
Fólkið hennar af heldra tagi lét sér fátt um hana af því að hún var fátæk.
Þá kom nasisminn og kerlingarnar ætluðu vitlausar að verða. Göring
var elskhugi þeirra númer eitt. Sýslumannsfólkið var að mestu laust við
þetta pólitíska brölt.
Þarna var maður sem hét Jón Björnsson frá Hóli (bróðir Kristins