Skírnir - 01.09.1990, Page 191

SKÍRNIR
LÍFIÐ VERÐUR ALDREI ...
443
mörg verkefni framundan því að enn verða ýmsar kennslugreinar að
starfa við mjög erfiðar aðstæður.
Til árekstra kom við stjórnvöld vegna áforma um að gera Happ-
drætti Háskóla Islands að ríkishappdrætti og svipta Háskólann þannig
þessum mikilvæga tekjustofni. Deilan leystist með þeim hætti að Há-
skóli íslands fjármagnaði kaup á tölvu og tölvuneti svo og nauðsyn-
legum hugbúnaði fyrir Þjóðarbókhlöðuna í stað þess að leggja fram fé
til byggingar á Þjóðarbókhlöðunni sjálfri. Stjórnvöld staðfestu hins
vegar að Háskóli Islands hafi óskert forræði yfir þessari mikilvægu
tekjulind og ráðstafi sjálfur tekjum af Happdrætti Háskólans í fram-
tíðinni.
Framkvæmdum við Þjóðarbókhlöðu miðar hægt þótt innheimt hafi
verið hundruð milljóna króna sem sérstakur tekjuskattur vegna
bókhlöðunnar en því fé hefur eigi verið skilað á áfangastað. Raunasaga
Þjóðarbókhlöðunnar verður ekki rakin hér að sinni.
Háskóla Islands og Háskólabókasafni hafa borist ýmsar veglegar
gjafir. Dr. Jón Steffensen, prófessor emeritus, og kona hans, Kristín
heitin Björnsdóttir Steffensen, hafa ánafnað Háskólabókasafni bóka-
safn sitt og einbýlishús, Aragötu 3. Afhenti Jón Steffensen Háskólanum
húseignina fyrir skömmu. Yfir 5500 bindi bóka og tímarita eru í
bókasafni Jóns Steffensen sem mun mynda sérdeild í Þjóðarbókhlöðu
og bera nafn hans. Andvirði húseignarinnar gengur síðar til viðhalds og
eflingar sérsafninu og til styrktar útgáfu íslenskra handrita, sem bundin
er sögu heilbrigðismála. Þessi merka gjöf dr. Jóns og Kristínar
Steffensen er minnisvarði þeirra hjóna og vitnisburður um hug þeirra
til vísindaiðkana í landinu.
Dr. Jón Steffensen var prófessor í Læknadeild frá 1937 til 1970 og
kenndi einkum líffærafræði en auk þess lífeðlisfræði og lífefnafræði. Jón
hóf rannsóknir á beinaleifum sem upp komu við fornleifarannsóknir í
Þjórsárdal 1939 og leiddu þessar beinarannsóknir til frekari rannsókna
á sögu þjóðarinnar, uppruna hennar og menningu. Jón Steffensen vann
ötullega að því að hið merka hús að Nesi við Seltjörn, þar sem fyrsti
landlæknirinn bjó og lögð var undirstaða að læknakennslu á íslandi,
yrði fært í upprunalega mynd og varðveitt sem þjóðareign. Er Nesstofa
nú minjasafn um sögu lækninga á íslandi. Árið 1971 sæmdi Læknadeild
Háskóla íslands Jón heiðursdoktorsnafnbót fyrir vísindastörf og árið
1986 varð hann heiðursdoktor frá Heimspekideild, enda hefur hann