Skírnir - 01.09.1990, Qupperneq 282

534
HOFUNDAR EFNIS
SKÍRNIR
Vésteinn Ólason (f. 1939) er doktor í íslenskum bókmenntum frá Háskóla
Islands. Hann er prófessor í íslenskum bókmenntum við Oslóarháskóla.
Vilborg Dagbjartsdóttir (f. 1930) er með próf frá Kennaraskóla íslands. Hún
er skáld og kennari við Austurbæjarskóla í Reykjavík.
Vilhjálmur Árnason (f. 1953) er doktor í heimspeki frá Purdue-háskóla í
Bandaríkjunum. Hann er lektor við Háskóla íslands og ritstjóri Skírnis.
Þorsteinn Gylfason (f. 1942) er B.A. í heimspeki frá Harvard-háskóla í
Bandaríkjunum. Hann er prófessor við Háskóla íslands.
Þórir Óskarsson (f. 1957) er cand. mag. í íslenskum bókmenntum frá Háskóla
íslands. Hann vinnur að samningu stílfræðiorðabókar.
Þórir Kr. Þórðarson (f. 1924) lauk embætdsprófi í guðfræði frá Háskóla
íslands 1951 og doktorsprófi í sömu grein frá Háskólanum í Chicago 1959.
Hann er prófessor í gamlatestamentisfræðum við Háskóla íslands.
Leibréttingar við síðasta hefti Skírnis
Púki sá sem veldur prentvillum og nafnabrengli var á kreiki í vorhefti Skírnis
í ár. Slæm villa er í grein Kristínar Geirsdóttur, „Hugleiðingu um fornsögur",
bls. 53,10. línu neðan frá. Þar á að standa „eins og t.d. Saxo í Danmörku“. í
efnisyfirliti fremst í heftinu er Júlíana Sveinsdóttir rangnefnd „Lárusdóttir“.
Rétt nafn birtist þó sem betur fer á öðrum stöðum í heftinu. Loks víxluðust
stafir í bókartitlinum „Blindfugl/svartflug“ í kynningu á Gyrði Elíassyni á
bls. 245. Um leið og ritstjórar biðjast velvirðingar á þessum villum eru
eigendur Skírnis hvattir til að færa þessar leiðréttingar inn í vorheftið.
Meðal þeirra sem skrifa í næstu hefti Skírnis eru:
Andrew Wawn um Þorleif Repp og Fœreyingasögu.
Einar Már Jónsson um efnisskipan Konungsskuggsjár.
Eysteinn Þorvaldsson og Ingi Bogi Bogason um Jóhann Jónsson.
Jón Hnefill Aðalsteinsson um íslenska skólann.
Kristín Halla Jónsdóttir um Málsvörn stxrðfræðings og Undirstöður
reikningslistarinnar.
Rory McTurk um Ragnars sögu loðhrókar.
Auk þess eru væntanlegar ritgerðir um fjölmiðla og um íslenskar menningar-
hefðir aðrar en bókmenningu.