Ritröð Guðfræðistofnunar - 01.01.1991, Blaðsíða 44

Gunnlaugur A. Jónsson
Ég kenni hér við Prestaskólann trúfræði og játningafræði, um 30 kínverskum
stúdentum, sem eru að búa sig undir prestsþjónustu mitt á þessum erfíðu tímum. Að
kenna guðfræði á kínversku útheimtir talsverða vinnu, en auk þess vinn ég með
samverkamönnum af ýmsum þjóðum að bókaútgáfu, einnig á kínversku. Við höfum
lagt allmikla áherzlu á þetta starf með því að valdhafar hins nýja lýðveldis hafa
hreinsað til og brennt allmikið af kristilegum bókum, og gera nú kristilega bókaútgáfu
og bóksölu nálega ókleifa. En að sama skapi eykst þorstinn eftir Guðs orði hérna utan
jámtjaldsins. — Allt sem kristniboðið átti eftir af bókum inni í landinu, er nú tapað, og
þess vegna endurprentum við sem mest má verða meðan dagur er og semjum nýjar
bækur. Þriðja aðalverkefni mitt þetta ár var að hafa samband við þá laistniboða, sem
NMS átti á svæðum Rauðliða, skrifa bréf, senda þeim fé og aðstoða þá að öðru leyti
sem bezt mátti verða. Var þetta öllu erfiðara. — Um meira en helming ársins var ég
eini fulltrúinn, sem NMS átti í Hong Kong, og lenti því mikil vinna á mér af þeim
sökum. Nú er ég ánægður vel, með því að samverkamennimir em hingað komnir eins
og heimtir úr Helju. — Ymsir góðkunnir kristniboðar annarra kirkna sitja enn í
fangelsum eða em fangar í sínum eigin húsum inni í landinu.46
Prestaskólinn sem hér um ræddi var í raun sami skólinn og Jóhann hafði
áður kennt við í Chungking. Ein af þeim ráðstöfunum sem fjölmörg
krismiboðsfélög höfðu gert, er ljóst varð að valdataka kommúnista í Kína
yrði ekki umflúin, var að bjarga einstaka veigamiklum stofnunum
kristinnar kirkju með því að flytja þær til Hong Kong. Þessi aðferð hafði
verið notuð við Lútherska prestaskólann, sem Bandaríkjamenn, Norð-
menn, Svíar og Finnar stóðu að.
Meðal þeirra er verið höfðu kennarar við þennan skóla má nefna
Norðmanninn dr. Karl Ludvig Reichelt (1877-1952), en Jóhann skrifaði
grein um hann í Kirkjuritið 1947.47 Varð Reichelt kunnur fyrir kristni-
boðsstarf sitt meðal búddhista og varð heimsþekktur guðfræðingur. Sagði
hann skilið við Norska kristniboðsfélagið og stofnaði sérstakt kristni-
boðsfélag, Christian Mission to Buddhists. Síðasta árið sem hann lifði
kenndi hann samanburð trúarbragða við Lútherska prestaskólann en hafði
áður kennt þar á árunum 1913-1919 og þá Nýjatestamentisfræði. Jóhann
kvaðst ekki sammála kristniboðsaðferðum Reichelts, þær hefðu áður
verið reyndar og ekki gefist vel, hins vegar dáðist Jóhann að „áhuga hans
og hugrekki fyrir fagnaðarerindið, að hann vill fara með það þangað,
sem erfiðast er að boða það.“48
í bréfi sem Jóhann ritaði 16. maí 1952 skýrir hann frá því að prófi sé
nýlokið við prestaskólann og verði skólanum hátíðlega slitið þann 20.
sama mánaðar. Þann 31. maí muni hann sjálfur hætta störfum við skólann
þar sem Norska kristniboðsfélagið muni ekki lengur eiga hlut í
starfrækslu skólans sökum þess að ekkert samband sé við söfnuðina á
starfssvæði félagsins í Húnan. Þá kemur fram að Jóhann hafi gegnt
rektorsstörfum við skólann um skeið og muni hann útskrifa sextán
guðfræðinga frá skólanum þetta vor. Um hóp þennan segir hann í
bréfinu: „Þetta er ekki fyrsti hópurinn, sem fer frá okkur í þá tíð, sem ég
46 „Austan frá Hong Kong.“ Bjarmi 46,2/1952, 25. jan., s. 1 og 3.
47 ,J)r. Karl Ludvig Reichelt og kristniboð hans.“ Kirkjuritið 13/1947, s. 47-59.
4 8 ,JDr. Karl Ludvig Reichelt og kristniboð hans.“ Kirkjuritið 13/1947, s. 58.
42