Tímarit hjúkrunarfræðinga - 01.09.2009, Síða 53

Tímarit hjúkrunarfræ›inga – 4. tbl. 85. árg. 2009 49
Ritrýnd fræðigrein
voru ósáttir við að vera í hlutverki ráðgjafa og að stýra
hjúkrunarmeðferð sjúklings sem dvaldist á annarri deild. Þetta
var nýtt hlutverk fyrir hjúkrunarfræðingana sem þeir fundu
sig ekki í og kærðu sig ekki um, eins og fram kom í orðum
hjúkrunarfræðings:
Og mér finnst þetta hálfgerð sýndarmennskuhjúkrun sem ég er
að framkvæma þarna ... ég treysti mér fullkomlega til að koma
þarna um helgar og hlaupa inn í ef eitthvað brestur, ef eitthvað
þarf að gera og ég get alveg komið þarna á kvöldin og nóttunni
þegar eitthvað þarf að gera en ég er einhvern veginn ekki
tilbúin í að vera einhver þessi leiðbeinandi hjúkrunarfræðingur
og ráðgefandi ... og fara upp og eyða tíma mínum í að búa
til eitthvað hjúkrunarferli undir leiðsögn einhvers annars. Mér
finnst þetta leiðinleg hjúkrun. Ég vil fá að gera svona áætlanir og
möt og annað á skjólstæðingunum út frá því sem ég met sjálf
en ekki út frá því sem aðrir segja mér.
Sérhæft aðstoðarfólk og almennir sjúkraliðar upplifðu að
verið var að móta ný mörk á milli þeirra og sjúkraliða
með framhaldsnám. Breytingarnar, sem urðu á deildinni,
voru hraðar og erfiðar. Þeim fannst sem allt í einu hefði
fyrirkomulagi á deildinni verið umbylt, sjúklingum fjölgað og nýtt
starfsfólk ráðið til starfa. Aðstoðarfólkið var vant að vinna með
hjúkrunarfræðingum og þekktu fyrir hvað þeir stóðu, þeir væru
vanir að stjórna og tækju á málum strax. Þeir fundu til öryggis
þegar þeir unnu með hjúkrunarfræðingum eins og fram kom í
orðum sjúkraliða:
Já, það er náttúrulega öðruvísi, það fer ekki á milli mála.
Mér finnst mig vanta svolítið öryggið sem maður hefur
þegar maður hefur hjúkrunarfræðing sem að er vanur að
stjórna, vanur að taka á ... Af því að hjúkrunarfræðingur tekur
náttúrulega afgerandi, þú veist stjórnun.
Togstreita
Sjúkraliðarnir með framhaldsnám upplifðu að það var nokkuð
átak að breyta viðteknum vinnuvenjum á deildinni. Þó að þeir
fyndu fyrir ákveðinni fyrirstöðu af hálfu hjúkrunarfræðinganna
fundu þeir einnig fyrir því að hjúkrunarfræðingarnir vildu styðja
við bakið á þeim og leiðbeina inn í þetta nýja hlutverk en
sjúkraliði með framhaldsnám sagði svo frá í rýnihóp:
Svo er mjög mismunandi hvernig hjúkrunarfræðingar upplýsa
okkur. Sumar eru alveg, maður upplifir þessa velvild, þær eru
að ryðja brautina, ýta steinunum úr vegi fyrir okkur. ... Sumar
eru svona og aðrar eru svona alls ekki ... Bara að þessar
Tafla 2. Meðaltal svara í könnun á starfsánægju á deild A í febrúar og nóvember 2004.
Spurningar og svarmöguleikar
Febrúar 2004
Meðaltal
n=16
Nóvember 2004
Meðaltal
n=17
Svarmöguleiki
1 (Mjög lítið eða alls ekki) – 5 (Mjög mikið)
Er starfsandinn á vinnustaðnum hvetjandi og styðjandi? 3,93 4,24
Er starfsandinn á vinnustaðnum afslappaður og þægilegur? 4,13 4,18
Ertu ánægð(ur) með að vera í vinnuhópnum eða teyminu? 4,27 4,6
Er vinnuhópurinn laginn við að leysa vandamál? 3,93 4,4
Svarmöguleiki
1 (Ekkert) – 5 (Mikið)
Myndir þú segja að í vinnu þinni sé álagið . . . 3,82 3,98
Svarmöguleiki
1 (Mjög oft eða alltaf) – 5 (Mjög sjaldan)
Er vinnuálagið ójafnt þannig að verkefni hlaðist upp? 3,94 3,82
Gera tveir eða fleiri aðilar til þín kröfu sem stangast á? 4,25 4
Svarmöguleiki
1 (Mjög sjaldan eða aldrei) – 5 (Mjög oft eða alltaf)
Færðu stuðning og hjálp með verkefni hjá næsta yfirmanni þínum ef á þarf að halda? 4,31 4,06
Metur næsti yfirmaður þinn það við þig ef þú nærð árangri í starfi? 4,13 3,82
Færðu stuðning og hjálp með verkefni hjá samstarfsmönnum þínum ef á þarf að halda? 4,56 4,59
Býður starfið upp á skemmtilega krefjandi verkefni? 2,87 3,29
Nýtist þekking þín og hæfni í núverandi starfi? 4,19 4,59