Tölvumál - 01.02.2008, Side 34

3 4 | T Ö L V U M Á L
Að tryggja samfellu
er lykilþáttur
í rekstri
í góðum rekstri
Í ljósi þess að stjórnun á rekstrarsamfellu er orðin sjálfsagður þáttur í rekstri fyrirtækja
hefur breska staðlastofnunin BSI gefið út staðal um stjórnun rekstrarsamfellu.
Hvert er viðbragðsteymið þegar að áfall dynur yfir? Er forgangsröðun aðgerða skýr? Hefur
starfsfólk fengið þjálfun í viðbrögðum vegna áfalls?
Áætlanir til að tryggja samfelldan rekstur í kjölfar truflunar hvort sem um er að ræða
meiriháttar áfall eða minniháttar truflun er mikilvæg öllum fyrirtækum.
Hvað er áfall?
Þættir sem geta orðið þess valdandi að venjuleg starfsemi fyrirtækisins eða
stofnunar fer í uppnám eru t.d. náttúruhamfarir, tölvuveirur, hryðjuverk,
verkföll, þjófnaður eða mannleg mistök.
Með því að setja grundvallarþætti í samfelldum rekstri í staðal er stuðlað
að því að fyrirtæki geti á skjótan hátt og með samræmdum hætti innleitt
áætlun um samfelldan rekstur samkvæmt „bestu aðferðum“. Markmið
slíkra neyðaráætlana er bæði að lágmarka líkur á að rof verði á rekstri og
einnig að tryggja að áhrif áfalls séu sem minnst og hratt og örugglega megi
rétta rekstur við á ný eftir að truflun eða rekstararrof hefur orðið. Nánar
tiltekið má segja að áætlanir um samfelldan rekstur hafi það markmið að
vernda fyrirtækið sjálft, allan rekstur þess, starfsfólk, ímynd og orðspor svo
að tekjur og viðskipti tapist ekki þótt fyrirtækið verði fyrir áfalli.
Hvað er staðall?
Samkvæmt skilgreiningu Staðlaráðs Íslands er staðall „opinbert skjal
ætlað til frjálsra afnota“. „Í staðli er að finna reglur, leiðbeiningar eða skil­
greiningar sem miða að því að tryggja tiltekna virkni, að hlutir passi og
að þeir skili því sem af þeim er krafist. Allt er þetta gert til þess að auka
hagkvæmni, til einföldunar og til þess að draga úr kostnaði.“
„Staðlar gegna mikilvægu hlutverki í viðskiptum, bæði innan einstakra landa
og á alþjóðavettvangi. Samning þeirra byggist á því að hagsmunaðilar komi
sér saman um hvað sé hæfilegt, eðlilegt, góðar starfsvenjur og í takt við
tímann. Ákveðnar reglur eru viðhafðar um samningu og samþykkt staðla,
sem og þátttöku við gerð þeirra.“
Staðallinn BS 25999
BS 25999 staðallinn hentar öllum fyrirtækjum, stórum sem smáum í
öllum geirum. Hann snertir sérstaklega fyrirtæki eða stofnanir sem starfa
í áhættumiklu umhverfi eins og í fjármálageiranum, fjarskiptageira, flutn­
ingum og í opinbera geiranum þar sem krafa er um 100% uppitíma kerfa
og órofinn rekstur skiptir sköpum.
Við þróun á staðlinum var horft til þess að hann hentaði jafnt smáum og
meðalstórum fyrirtækjum sem stórfyrirtækjum. Einnig var leitast við að
hafa orðalag einfalt og skiljanlegt fyrir stjórnendur og ákvarðanatökuaðila.
Að gerð hans komu bestu sérfræðingar heims í þessum fræðum sem hafa
víðtæka og fjölbreytta reynslu af stjórnun rekstrarsamfelllu í stórum sem
smáum fyrirtækjum og stofnunum.
Staðallinn skiptist í tvo hluta. Hluti 1 BS 25999­1:2006, hefur að geyma
bestu aðferðir við stjórnun rekstrarsamfellu og er leiðbeiningastaðall.
Hluti 2 BS 25999­2:2006 er kröfuhlutinn og kom út sl.haust frá bresku
staðlastofnuninni BSI. Sá hluti hefur að geyma kröfur um stjórnun rekstrar­
samfellu byggt á bestu aðferðum. Þetta er kröfustaðall og beitt til að sýna
fram á fylgni samkvæmt úttekt og vottunarferli.
Ragnheiður Guðmundsdóttir
markaðsstjóri Stika ehf.